ପ୍ରସ୍ତୁତ ଭାରତ...ସୁରକ୍ଷିତ ସିନ୍ଦୁର । ସୀମାରେ ଶତ୍ରୁକୁ ମୁହଁତୋଡ଼ ଜବାବ ଦେଉଛନ୍ତି ଯବାନ । ଅପରେସନ ସିନ୍ଦୁରରେ LoC ଓ ପାକିସ୍ତାନରେ 9 ଆତଙ୍କୀ ଆଡ୍ଡା ଧ୍ବଂସ ହୋଇଛି । ଏପଟେ ଦେଶବାସୀଙ୍କ ସୁରକ୍ଷା ନିଶ୍ଚିତ କରିବାକୁ ଆରମ୍ଭ ହୋଇଛି ଅପରେସନ ସିଲ୍ଡ । ସୀମାବର୍ତ୍ତୀ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳରେ ମକ୍ ଡ୍ରିଲ । ମେ 7ରେ ପ୍ରଥମ ପର୍ଯ୍ୟାୟ ମକ୍ ଡ୍ରିଲ ପରେ ସେହିଦିନ ରାତିରେ ହିଁ ଆତଙ୍କୀସ୍ତାନରେ ଆତଙ୍କ ଖେଳାଇଦେଇଥିଲେ ଭରତୀୟ ଯବାନ । ଦ୍ବିତୀୟ ପର୍ଯ୍ୟାୟରେ ଆଜି ସଂଧ୍ୟା 5ଟାରୁ ପଞ୍ଜାବ, ଜମ୍ମୁ-କାଶ୍ମୀର, ଗୁଜରାଟ, ହରିୟାଣା, ରାଜସ୍ଥାନ ଓ ଚଣ୍ଡୀଗଡ଼ରେ ଆରମ୍ଭ ହୋଇଛି ମକ୍ ଡ୍ରିଲ । ଯୁଦ୍ଧ ସ୍ଥିତିରେ ନିଜର ସୁରକ୍ଷା ପ୍ରତି ସଚେତନ ରହିବା, ଅତ୍ୟାବଶ୍ୟକ ଓ ଜରୁରୀ ଜିନିଷର ସୁରକ୍ଷା ପାଇଁ ନାଗରିକଙ୍କୁ ତାଲିମ ଦିଆଯାଉଛି ।

ଅପରେସନ ସିଲ୍ଡରେ ସାଧାରଣ ନାଗରିକଙ୍କ ସହ NCC, NSS, NYKS ଭାରତ ସ୍କାଉଟ୍ ଟିମ୍ ସାମିଲ ହୋଇଛନ୍ତି । ଜଟିଳ ସ୍ଥିତିରେ ଜରୁରୀ ସାମଗ୍ରୀର ସ୍ଥାନାନ୍ତର, ଆହତଙ୍କ ଚିକିତ୍ସା, ଅଗ୍ନିକାଣ୍ଡ ନିୟନ୍ତ୍ରଣର ତାଲିମ ଦିଆଯାଉଛି । ସୀମାନ୍ତରେ ଯବାନଙ୍କ ସୁରକ୍ଷା ପାଇଁ 9 ହଜାର 5 ଶହରୁ ଅଧିକ ବଙ୍କର ନିର୍ମାଣ ହୋଇଥିବା କହିଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହ । ଏବେବି ଜାରି ରହିଛି ଅପରେସନ ସିନ୍ଦୁର, ଯେକୌଣସି ସମୟରେ ସେନା ଆତଙ୍କୀସ୍ତାନ ବିରୋଧରେ ଆରମ୍ଭ କରିପାରେ ବଡ଼ ଅଭିଯାନ ।


ଅପରେସେନ ସିଲ୍ଡ ସମୟରେ ଆତ୍ମରକ୍ଷା କୌଶଳର ତାଲିମ ଦେଉଛନ୍ତି ବିଶେଷଜ୍ଞ ।
-ଭାରତୀୟ ଏୟାରଫୋର୍ସ ଓ ସିଭିଲ ଡିଫେନସ୍ କଣ୍ଟ୍ରୋଲ ରୁମ ହଟ୍ ଲାଇନ୍ସ ଆକ୍ଟିଭ୍ ରଖାଯାଇଛି
-ଜରୁରୀ ଯୋଗାଯୋଗ ନେଟୱର୍କ ସହ ଟେଷ୍ଟ ଏୟାର ରେଡ୍ ସାଇରନ ବାଜୁଛି
-ହରିୟାଣାରେ 20 ମିନିଟ୍ ଓ ଅନ୍ୟ ସମସ୍ତ ସୀମାବର୍ତ୍ତୀ ରାଜ୍ୟରେ 15 ମିନିଟ୍ ଯାଏଁ ବ୍ଲାକ୍ ଆଉଟ୍
-ବ୍ଲାକ୍ ଆଉଟ ସମୟରେ ଆହତଙ୍କ ଚିକିତ୍ସା ସହ ଅନ୍ୟ କ୍ରିଟିକାଲ ସର୍ଭିସର ଅଭ୍ୟାସ କରାଯିବ
- ଏୟାର ରେଡ୍, ଡ୍ରୋନ୍ ଓ ମିସାଇଲ ଆଟାକ ସମୟରେ ନାଗରିକ ସୁରକ୍ଷିତ ରହିବାକୁ ଦିଆଯାଉଛି ତାଲିମ।

ଏଣିକି ପ୍ରତି ମାସରେ ପାକ୍ ସୀମାବର୍ତ୍ତୀ ରାଜ୍ୟରେ ହେବ ମକ୍ ଡ୍ରିଲ । ମୋଦି ସରକାରଙ୍କ ଏପରି ନିଷ୍ପତ୍ତି ହଜାଇଛି ପାକିସ୍ତାନର ନିଦ । ପହଲଗାମ୍ ହମଲା ପରେ ଆରମ୍ଭ ହୋଇଥିବା ଅପରେସନ ସିନ୍ଦୂର ପାକିସ୍ତାନର ଗଳା ଶୁଖାଇଛି । ସେପଟେ ପାକିସ୍ତାନ ହାତରୁ ଖସୁଛି ଗୋଟିଏ ପରେ ଗୋଟିଏ ସହର । ଆତଙ୍କୀସ୍ତାନର ଚିନ୍ତା ବଢ଼ାଉଛି ବଲୁଚିସ୍ତାନ ଲିବରେସନ ଆର୍ମି । ସେପଟେ ସୁରାବ ସହର କବଜା କରି ଆତଙ୍କୀଙ୍କ ଆକ୍କା ପାକିସ୍ତାନୀ ଶାସକଙ୍କୁ ଶକ୍ତ ଝଟକା ଦେଇଛି BLA ।