ଦିଲ୍ଲୀରେ ଗୋଟିଏ ପରେ ଗୋଟିଏ ବୋମା ବିସ୍ଫୋରଣ ହେବ । ଆମକୁ କେହି ଅଟକାଇ ପାରିବେ ନାହିଁ । ଆମ ମସଜିଦ ଉପରେ ଆକ୍ରମଣ କରିଛ ତୁମ ମନ୍ଦିର ଉପରେ ହେବ ଆକ୍ରମଣ । ବୋମା ବିସ୍ଫୋରଣରେ ମନ୍ଦିରକୁ ପାଉଁଶ କରିଦେବୁ । ସବୁଠାରୁ ବଡ଼ ମନ୍ଦିରରେ ହେବ ବୋମା ବିସ୍ଫୋରଣ । ପାକିସ୍ତାନ ଆତଙ୍କବାଦୀ ସଂଗଠନ ଲସ୍କର ଏ ତୋଇବା ଦେଇଛି ଏମିତି ଧମକ ।

ଦିଲ୍ଲୀକୁ ପାଉଁଶ ନକରିବା ପର୍ଯ୍ୟନ୍ତ ଆତଙ୍କବାଦୀ ସଂଗଠନ ଶାନ୍ତିରେ ବସିବ ନାହିଁ ବୋଲି କହିଛି । ଯାହାପରେ ପୁରା ଦିଲ୍ଲୀରେ ଏବେ ହାଇ ଆର୍ଲଟ । ଦିଲ୍ଲୀର ପ୍ରମୁଖ ଧାର୍ମିକ ସ୍ଥଳ ଏବଂ ଅନ୍ୟାନ୍ୟ ସମ୍ବେଦନଶୀଳ ସ୍ଥାନଗୁଡ଼ିକ ନିକଟରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି ।
ଦିଲ୍ଲୀରେ ଠାଏ ଠାଏ ବିସ୍ଫୋରଣ କରିବାକୁ ଆତଙ୍କବାଦୀଙ୍କର ସାଂଘାତିକ ପ୍ଲାନ୍‌ । ବଡ଼ ବଡ଼ ମନ୍ଦିର ଭିତରେ ବୋମା ବିସ୍ଫୋରଣ କରିବାକୁ ଧମକ । ଗୁଇନ୍ଦା ସୂଚନା ମୁତାବକ ପାକିସ୍ତାନର ଆତଙ୍କବାଦୀ ସଂଗଠନ ଲସ୍କର-ଏ-ତୋଏବା ଏକ ଆଇଇଡି ବିସ୍ଫୋରଣ ନେଇ ଯୋଜନା କରୁଛି ।

ଫେବୃଆରୀ ୬ ତାରିଖରେ ପାକିସ୍ତାନର ଇସଲାମାବାଦରେ ଏକ ମସଜିଦରେ ହୋଇଥିବା ବିସ୍ଫୋରଣର ପ୍ରତିଶୋଧ ନେବାକୁ ଯାଇ ଏହି ଆକ୍ରମଣ ପାଇଁ ଷଡଯନ୍ତ୍ର ରଚୁଛି ଲସ୍କର-ଏ-ତୋଏବା । ଇସଲାମାବାଦରେ ହୋଇଥିବା ଏହି ବିସ୍ଫୋରଣରେ ୩୧ ଜଣ ଲୋକ ପ୍ରାଣ ହରାଇଥିଲେ ଏବଂ ୧୦୦ ରୁ ଅଧିକ ଆହତ ହୋଇଥିଲେ । ଆଉ ଏହାର ପ୍ରତିଶୋଧ ନେବାକୁ ଯାଇ ଆତଙ୍କବାଦୀ ସଂଗଠନ ଲସ୍କର-ଏ-ତୋଏବା ଏମିତି ଷଡ଼ଯନ୍ତ୍ର କରୁଛି ବୋଲି ଜଣା ପଡ଼ିଛି ।

ସେପଟ ଯଦି ଦେଖିବା ୨୦୨୫ ମସିହା ନଭେମ୍ବର ୧୦ ତାରିଖରେ ଦିଲ୍ଲୀର ଲାଲକିଲ୍ଲା ନିକଟରେ ଏକ ଭୟଙ୍କର କାର ବୋମା ବିସ୍ଫୋରଣ ହୋଇଥିଲା । ଯେଉଁଥିରେ ୧୨ ଜଣ ଲୋକ ପ୍ରାଣ ହରାଇଥିଲେ ଏବଂ ପ୍ରାୟ ୨୪ ଜଣ ଆହତ ହୋଇଥିଲେ । ଏମିତି ସୂଚନା ମିଳିବା ପରେ ପୁରା ଦିଲ୍ଲୀକୁ ଘେରେଇ ହୋଇ ରହିଛନ୍ତି ପୁଳା ପୁଳା ଯବାନ। ସର୍ଚ୍ଚ ଅପରେସନ ଯୋରଦାର କରାଯାଇଛି।

ପଢନ୍ତୁ ଏହି ଖବର: ରାଜଧାନୀ ଦିଲ୍ଲୀରେ 'ଆତଙ୍କୀ' ଆଲର୍ଟ, ଲସ୍କର ଟାର୍ଗେଟରେ ଲାଲକିଲ୍ଲା ଏବଂ ଚାନ୍ଦନୀ ଚୌକ !