ସୋମବାର ଇଥିଓପିଆରେ ଏକ ଜ୍ୱାଳାମୁଖି ବିସ୍ଫୋରଣ ହୋଇଥିଲା । ପ୍ରାୟ ୧୨ ହଜାର ବର୍ଷ ପରେ ଇଥିଓପିଆରେ ଥିବା ହାଇଲି ଗୁବି ଆଗ୍ନେୟଗିରିରେ ଲାଭା ବାହାରକୁ ଆସିଥିଲା । ପ୍ରଥମେ ଏଥିରୁ ବାହାରିଥିବା ଧୂଆଁ ଏବଂ ପାଉଁଶ ୟେମେନ୍ ଏବଂ ଓମାନରେ ପହଁଚିଥିଲା । ପରେ ଏହା ଭାରତ ଆଡେ ମୁହାଁଇଛି । ପରିସ୍ଥିତିକୁ ଦୃଷ୍ଟିରେ ରଖି, ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ ବିମାନ କମ୍ପାନୀଗୁଡ଼ିକ ପାଇଁ ଏକ ପରାମର୍ଶ ଜାରି କରିଛି। ଯାହାର ପ୍ରଭାବରେ ଅନେକ ବିମାନକୁ ବାତିଲ କରାଯାଇଛି । ଏହାସହ ବିମାନ ଚଳାଚଳ ବେଳେ ସତର୍କ ରହିବାକୁ ମଧ୍ୟ ଡିଜିସିଏ ମାର୍ଗଦର୍ଶିକା ଜାରି କରିଛି।

🇪🇹🌋 Hayli Gubbi volcano erupts for the first time in 10,000 years

The eruption sent a massive ash plume rising 10-15 kilometers into the sky.

📍 Northeastern Ethiopia pic.twitter.com/gHaDkA6XKz

— Sputnik Africa (@sputnik_africa) November 24, 2025

ବାୟୁର ଗୁଣବତ୍ତା ଏବଂ ପାଗ ପ୍ରଭାବିତ ହେବ।
ଡିଜିସିଏ ଏକ ପରାମର୍ଶ ଜାରି କରି କହିଛି ଯେ ପାଉଁଶ ଦିଲ୍ଲୀରେ ପହଞ୍ଚିବା ପରେ ବାୟୁ ଗୁଣବତ୍ତା ଏବଂ ପାଗକୁ ପ୍ରଭାବିତ କରିପାରେ, ତେଣୁ ସମସ୍ତ ବିମାନ କମ୍ପାନୀ ସତର୍କ ରହିବା ଉଚିତ। ଜ୍ୱାଳାମୁଖୀ ପାଉଁଶ ଉଡ଼ୁଥିବା ଉଚ୍ଚତାରେ ଉଡ଼ାଣ କରିବାରୁ ନିବୃତ୍ତ ରୁହନ୍ତୁ, କାରଣ ଏହା ଦୁର୍ଘଟଣା ଘଟିବାର ଆଶଙ୍କା ରହିଛି। ସମସ୍ତ ବିମାନ କମ୍ପାନୀ ସେମାନଙ୍କର ପାଇଲଟ୍ ଏବଂ କ୍ରୁ ସଦସ୍ୟଙ୍କୁ ନିର୍ଦ୍ଦେଶ ଦିଆଯାଇଛି, ଯେ କୌଣସି ଜ୍ୱାଳାମୁଖୀ ପାଉଁଶ ଦେଖିଲେ ତୁରନ୍ତ ରିପୋର୍ଟ କରନ୍ତୁ।

Volcano Hayli Gubbi Eruption

1,709 ft volcano in Ethiopia.
First eruption ever recorded today (Nov 23, 2025): explosive ash plume 6–9 miles high, drifting toward Yemen/Oman pic.twitter.com/TKfhHn8wp7

— DisasterAlert (@DisasterAlert2) November 24, 2025

ସେପଟେ ମୁମ୍ବାଇ ଏବଂ ଦିଲ୍ଲୀ ଆକାଶରେ ଜ୍ବାଳାମୁଖୀ ପାଉଁଶର ଘନ ଆସ୍ତରଣ ଦେଖା ଦେଇଥିବାରୁ ବିମାନ ଉଡ଼ାଣକୁ ପ୍ରଭାବିତ ହୋଇଛି। ସେହିଭଳି ଦିଲ୍ଲୀ ଏବଂ ଜୟପୁରରେ ମଧ୍ୟ ସମାନ ସ୍ଥିତି ଉପୁଜିଛି। ହରିୟାଣା ଏବଂ ଉତ୍ତରପ୍ରଦେଶର ଆକାଶରେ ଘନ ପାଉଁଶର ଆସ୍ତରଣ ଦେଖିବାକୁ ମିଳିଛି ।

⚠️ Ethiopia: The Hayli Gobi volcano erupted today for the first time in ten thousand years and sent ash up to a height of 15 km.🔥🔥 pic.twitter.com/aiPVhhO4rr

— Dr. Fundji Benedict (@Fundji3) November 24, 2025

ଯାହାକୁ ନଜରରେ ରଖି ଆକାଶା ଏୟାର, ଇଣ୍ଡିଗୋ ଏବଂ କେଏଲଏମ ଭଳି ଏୟାର ଲାଇନ୍ସ ନିଜର ବିମାନକୁ ବାତିଲ କରିଛନ୍ତି । ପ୍ରଭାବିତ ଅଂଚଳରେ ବିମାନ ଉଡାଣ ନକରିବାକୁ ଡିଜିସିଏ ପରାମର୍ଶ ଦେଇଛି ।ଏପରିକି ବିମାନର ଇଞ୍ଜିନ ଉଡାଣ ବେଳେ କିପରି କାମ କରୁଛି ସେନେଇ ତଥ୍ୟ ଦେବାକୁ ଅନ୍ୟ ଏୟାରଲାଇନ୍ସଙ୍କୁ କୁହାଯାଇଛି ।

ଏହା ପୂର୍ବରୁ ଆମେରିକାର ହାଓ୍ବାଇସ୍ଥିତ କିଲାଉ ଆଗ୍ନେୟଗିରି ବିସ୍ଫୋରଣ ଘଟିଥିଲା । ଯାହା ପରେ ସ୍ଥିତି ଆହୁରି ବିଗିଡ଼ି ଯାଇଛି । ଏହି ଆଗ୍ନେୟଗିରି ବିସ୍ଫୋରଣ ପରେ ଲାଭା ଉଦଗୀରଣ ଜାରି ରହିଛି। ଆମେରିକାର ଜିଓଲୋଜିକାଲ୍ ସର୍ଭେ ଅନୁସାରେ, ଗରମ ଲାଭା ଲଗାତାର ତଳିଆ ଅଞ୍ଚଳକୁ ମାଡ଼ି ଚାଲିଛି । ଏପରିକି ପୁଣି ଥରେ ବଡ଼ ବିସ୍ଫୋରଣର ମଧ୍ୟ ସଂକେତ ମିଳିଛି । ଏହି ଜ୍ବାଳାମୁଖୀ ଦୁନିଆର ସବୁଠାରୁ ସକ୍ରିୟ ଏବଂ ଗୋଟିଏ ବର୍ଷରେ ୩୬ ଥର ବିସ୍ଫୋରଣ ହେଲାଣି ।

More than 1,000-Year-Dormant Ethiopian Volcano Erupts, Ash Clouds Threaten the country, Oman, India#South #Yemen #Volcano#ClimateActionNow pic.twitter.com/ptKmnu4s6M

— AIC English (@aicadenen) November 24, 2025

ନଭେମ୍ବର ୯ ତାରିଖରେ ଜ୍ୱାଳାମୁଖୀରୁ ଦୀର୍ଘ ୫ ଘଣ୍ଟା ଯାଏଁ ଅନବରତ ଲାଭା ଉଦଗୀରଣ ହୋଇଥିଲା । ଏହି ସମୟ ମଧ୍ୟରେ, ଲାଭା ୧୨୦୦ ଫୁଟ୍ ଉଚ୍ଚତାରେ ପହଞ୍ଚିଥିଲା। ପ୍ରତି ପାଞ୍ଚ ସେକେଣ୍ଡରେ ଏକ ଅଲିମ୍ପିକ୍ ସୁଇମିଂ ପୁଲକୁ ପୂରଣ କଲା ଭଳି ଲାଭା ନିର୍ଗତ ହେଉଥିଲା । ଏହି ସମୟ ମଧ୍ୟରେ, ଜ୍ୱାଳାମୁଖୀ ପ୍ରାୟ ୧୧ ମିଲିୟନ ଘନ ୟାର୍ଡ ଲାଭା ନିର୍ଗତ କରିଥିଲା ଏବଂ ଏହି ପ୍ରବାହ ଧୀରେ ଧୀରେ ହାଲେମାଉମାଉ ଗର୍ତ୍ତର ୮୦ ପ୍ରତିଶତକୁ ଆଚ୍ଛାଦିତ କରିଥିଲା।

ବିମାନ କମ୍ପାନୀଗୁଡ଼ିକ ଦିଲ୍ଲୀକୁ ଉଡ଼ାଣ ବାତିଲ୍ କରୁଛନ୍ତି

ଯଦି କୌଣସି ଗୁରୁତ୍ୱପୂର୍ଣ୍ଣ ବିଭ୍ରାଟ ଘଟେ, ତେବେ ନିକଟବର୍ତ୍ତୀ ବିମାନବନ୍ଦରରେ ଫ୍ଲାଇଟ ଗୁଡ଼ିକୁ ଅବତରଣ କରାଯାଇପାରିବ। ବିମାନ କମ୍ପାନୀଗୁଡ଼ିକ ଆଗ୍ନେୟଗିରି ପାଉଁଶ ପ୍ରଭାବିତ ଅଞ୍ଚଳରେ ଉଡ଼ାଣ ବାତିଲ୍ କରି ପାଉଁଶ ମେଘ ଯୋଗୁଁ, KLM ରୟାଲ୍ ଡଚ୍ ଏୟାରଲାଇନ୍ସ ଆମଷ୍ଟରଡାମରୁ ଦିଲ୍ଲୀକୁ KL 871 ଏବଂ KL 872 ବିମାନ ବାତିଲ୍ କରିଛି। ବିମାନ କମ୍ପାନୀଗୁଡ଼ିକ ମଧ୍ୟ ମଧ୍ୟପ୍ରାଚ୍ୟରୁ ଆସୁଥିବା ଯାତ୍ରୀମାନଙ୍କୁ ସତର୍କ କରାଇ ଦେଉଛନ୍ତି ଯେ ଯଦି ରାସ୍ତାରେ ଜ୍ୱାଳାମୁଖୀ ପାଉଁଶ ଥାଏ ତେବେ ବିମାନ ବାତିଲ୍ ହୋଇପାରେ, ତେଣୁ ଦୟାକରି ସହଯୋଗ କରନ୍ତୁ।

୧୩୦ କିଲୋମିଟର ବେଗରେ ପାଉଁଶ ମେଘ ହୋଇ ପହଞ୍ଚିବ

ପାଣିପାଗ ବିଭାଗ ଅନୁଯାୟୀ, ରାତି ପ୍ରାୟ ୧୧ଟାରେ ଆଗ୍ନେୟଗିରି ପାଉଁଶ ଦିଲ୍ଲୀରେ ପହଞ୍ଚିଥିଲା। ପାଉଁଶ ମେଘ ଲାଲ ସାଗର ପାର ହୋଇ ଘଣ୍ଟା ପ୍ରତି ପ୍ରାୟ ୧୩୦ କିଲୋମିଟର ବେଗରେ ଭାରତ ଆଡକୁ ଗତି କରିଥିଲା। ପାଉଁଶ ମେଘ ୧୫,୦୦୦ ରୁ ୪୫,୦୦୦ ଫୁଟ ଉଚ୍ଚତା ପର୍ଯ୍ୟନ୍ତ ବ୍ୟାପିଛି ଏବଂ ଏଥିରେ ପାଉଁଶ ସହିତ ସଲଫର ଡାଇଅକ୍ସାଇଡ୍, କାଚ ଏବଂ ପଥର ଖଣ୍ଡ ରହିଛି। ପାଉଁଶ ଯୋଗୁଁ ଆକାଶ ସାଧାରଣ ଅପେକ୍ଷା ଅଧିକ ଗାଢ଼ ଏବଂ କୁହୁଡ଼ି ଦେଖାଯିବ, ଯାହା ଫଳରେ କୌଣସି ଉଡ଼ନ୍ତା ବସ୍ତୁ ଦେଖିବା କଷ୍ଟକର ହୋଇଯିବ।