ତେଲ କିଣାକୁ ନେଇ ଆମେରିକାକୁ ସିଧାସଳଖ ଚ୍ୟାଲେଂଜ ଦେଇଛି ଭାରତ । ଭାରତୀୟ କମ୍ପାନୀମାନେ ଯେଉଁଠାରୁ ସୁଲଭ ମୂଲ୍ୟରେ ତେଲ ମିଳିବ ସେଠାରୁ ତେଲ କିଣିବେ ବୋଳି କହିଛନ୍ତି ରୁଷିଆରେ ଅବସ୍ଥାପିତ ଭାରତର ରାଷ୍ଟ୍ରଦୂରତ ବିନୟ କୁମାର । ଭାରତ ସବୁବେଳେ ଦେଶବାସୀଙ୍କ ସ୍ବାର୍ଥକୁ ପ୍ରାଥମିକତା ଦେଇଛି । ୧୪୦କୋଟି ଦେଶବାସୀଙ୍କୁ ଶକ୍ତି ସୁରକ୍ଷା ଯୋଗାଇବା ଆମର ଦାୟିତ୍ବ । ରୁଷିଆଠାରୁ ଭାରତ ତେଲ ଓ ଯୁଦ୍ଧ ସାମଗ୍ରୀ କିଣୁଥିବାରୁ ଆମେରିକା ଖପ୍ପା । ଏଥିଯୋଗୁଁ ଭାରତ ଉପରେ ଆମେରିକା ୫୦ ପ୍ରତିଶତ ଟାରିଫ୍ ଲଗାଇଛି । ଏଥିରେ କିନ୍ତୁ ଭାରତ ଦବି ନଯାଇ ରୁଷିଆ ଠାରୁ ଏବେ ମଧ୍ୟ ତେଲ କିଣା ଜାରି ରଖିଛି । 

ଆମେରିକା ଏବଂ ଭାରତ ମଧ୍ୟରେ ଉତ୍ତେଜନାର ପରିସ୍ଥିତି ଏବେବି ଲାଗି ରହିଛି। ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଭାରତ ଉପରେ ଲଗାତାର ଚାପ ପକାଉଛନ୍ତି। ସେ ଭାରତକୁ ରୁଷିଆରୁ ତେଲ କିଣିବାକୁ ନେଇ ରାଗି ଯିବା ସହ ଏହି କାରଣରୁ ସେ ୫୦ପ୍ରତିଶତ ଶୁଳ୍କ ମଧ୍ୟ ଲଗାଇଛନ୍ତି। ତଥାପି, ଭାରତ ଏହି ପ୍ରସଙ୍ଗରେ ନିଜର ମତ ସ୍ପଷ୍ଟ କରିଛି। ଭାରତ କହିଛି ଯେ ସେ ଯେଉଁଠାରୁ ଶସ୍ତାରେ ତେଲ ପାଇବ ସେଠାରୁ ତେଲ କିଣିବ।