ଅର୍ଗସ ବ୍ୟୁରୋ: ପଶ୍ଚିମ ମରୁଭୂମି ପାକିସ୍ତାନ ସୀମାରେ ଯୁଦ୍ଧ କ୍ଷମତା ବଢ଼ାଇବ ଭାରତ । ମୁତୟନ ହେବ ଆପାଚି ହେଲିକପ୍ଟର । ଯୋଧପୁରର ଏକ ସାମରିକ ଷ୍ଟେସନରେ ୬ଟି ଆପାଚି ହେଲିକପ୍ଟର ମୁତୟନ କରିବାକୁ ନିଷ୍ପତ୍ତି ନେଇଛି ସେନା । 50 ଫୁଟ ଚଉଡ଼ା ଏବଂ 60 ଫୁଟ ଉଚ୍ଚତା ବିଶିଷ୍ଟ ଆପାଚିକୁ ଉଡ଼ାଇବା ପାଇଁ ଦୁଇ ପାଇଲଟଙ୍କ ଆବଶ୍ୟକତା ରହିଛି । ଆପାଚିର ବଡ଼ ୱିଙ୍ଗ ଚଲାଇବା ପାଇଁ ରହିଛି ଦୁଇଟି ଇଞ୍ଜିନ । ଏହାର ସ୍ଫିଡ୍‌ ଆଗରେ ଧୂଳି ଚାଟିବ ଶତ୍ରୁପକ୍ଷର ଲଢ଼ୁଆ ବିମାନ । ଦୁଇ ମିଟର ଲମ୍ବର ଆପାଚି ହେଲିକପ୍ଟର ଘଣ୍ଟା ପ୍ରତି 280 କିମି ବେଗରେ ଗତି କରିବ । 

ରାଡାର ବ୍ୟବହାର କରି ବି ଶତ୍ରୁପକ୍ଷ ଆପାଚିକୁ ଠାବ କରିପାରିବେ ନାହିଁ । କିନ୍ତୁ ନିଜର ମିଲିମିଟର ୱେବ୍‌ ରାଡାର ସହାୟତାରେ ଏହା ଶତ୍ରୁପକ୍ଷର ଉପସ୍ଥିତିକୁ ଜାଣିବା ସହ ଏହାର ଧଜିଆ ଉଡ଼ାଇବାର କ୍ଷମତା ରଖିଛି ଆପାଚି । ଶତ୍ରୁପକ୍ଷର ଲଢ଼ାକୁ ବିମାନକୁ ଗାଇଡେଡ୍‌ ହେଲଫାୟର ମିସାଇଲ, ହାଇଡ୍ରା-70 ଆଣ୍ଟି ଆର୍ମର ରକେଟ ଏବଂ 30 ମିଲିମିଟର ଗନ୍‌ରେ ବରବାଦ କରିବ ଆପାଚି ହେଲିକପ୍ଟର । ଆମେରିକା ଦ୍ୱାରା ନିର୍ମିତ ଆପାଚି ହେଲିକପ୍ଟର AH -64E ଦୁନିଆର ସବୁଠୁ ଆଡଭାନ୍ସ ମଲ୍ଟି ରୋଲ କମ୍ବୋଟ ହେଲିକପ୍ଟର। 

ଅଧିକ ପଢ଼ନ୍ତୁ ଭାରତ ଖବର