ଅପରେସନ ସିନ୍ଦୂରର ଆଭିମୁଖ୍ୟ ନେଇ ସାରା ବିଶ୍ବକୁ ଜଣାଇବ ଭାରତ। ଏନେଇ ଏକ ର୍ବଦଳୀୟ କମିଟି ଗଠନ କରାଯାଇଛି। ଏହି ୭ ଜଣିଆ ପ୍ରତିନିଧିମଣ୍ଡଳି ମାସ ଶେଷରେ ମିଳିତ ଜାତିସଂଘ ସୁରକ୍ଷା ପରିଷଦର ସଦସ୍ୟମାନଙ୍କ ସମେତ ପ୍ରମୁଖ ଅଂଶୀଦାର ଦେଶଗୁଡ଼ିକୁ ଗସ୍ତ କରି ସେଠାରେ ସିନ୍ଦୂରର ଅଭିମୁଖ୍ୟ ନେଇ ଅବଗତ କରାଇବା ସହ ଆତଙ୍କବାଦ ବିରୋଧରେ ଭାରତର ଶୂନ୍ୟ ସହନଶୀଳତା ନୀତି ଉପସ୍ଥାପନ କରିବେ।

ଏହି କମିଟିରେ ବିଭିନ୍ନ ଦଳର ସାଂସଦ ସଦସ୍ୟ ରହିଛନ୍ତି। କଂଗ୍ରେସରୁ ଶଶି ଥରୁର, ବିଜେପିରୁ ରବି ଶଙ୍କର ପ୍ରସାଦ, ଜେଡିୟୁରୁ ସଞ୍ଜୟ କୁମାର ଝା, ବିଜେପିରୁ ବୈଜୟନ୍ତ ପଣ୍ଡା, ଡିଏମକେରୁ କାନିମୋଜି କରୁଣାନିଧି, ଏନସିପିରୁ ସୁପ୍ରିୟା ସୁଲେ ଏବଂ ଶିବସେନାର ଶ୍ରୀକାନ୍ତ ଏକନାଥ ସିନ୍ଦେ ଅଛନ୍ତି।

https://x.com/KirenRijiju/status/1923588921365069973?ref_src=twsrc%5Etfw%7Ctwcamp%5Etweetembed%7Ctwterm%5E1923588921365069973%7Ctwgr%5E8fb5c4bd123f8036056bdea096afbb5b2b14accf%7Ctwcon%5Es1_c10&ref_url=https%3A%2F%2Fsambad.in%2Findia-and-beyond%2Foperation-sindoor7-all-party-delegations-are-set-to-visit-partner-countries-soon-9077791

ଜାତିସଂଘରେ ଦୀର୍ଘ ସମୟ ଧରି କାର୍ଯ୍ୟ କରିବାର ଅଭିଜ୍ଞତା ଥିବାରୁ କଂଗ୍ରେସରୁ ଶଶିଥରୁରୁଙ୍କୁ ଚୟନ କରାଯାଇଛି। ବିଶ୍ବ ସମୁଦାୟ ଆଗରେ ପାକିସ୍ତାନର ଅସଲ ମୁଖା ଖୋଲିବାକୁ କମିଟି ଗଠନ କରାଯାଇଛି। ଏମାନେ ଆମେରିକା, ଇଂଲଣ୍ଡ, ଦକ୍ଷିଣ ଆଫ୍ରିକା, କତାର, ୟୁଏଇ ଭଳି ସହଯୋଗୀ ରାଷ୍ଟ୍ରକୁ ଗସ୍ତ କରିବେ ।

Argus News | argus news | Odisha Latest News, Breaking News, Trending News, Live TV