ଶତ୍ରୁକୁ ମାଟିରେ ମିଶାଇବାକୁ ବାୟୁସେନାର ନୂଆ ଯୋଜନା । ଭାରତୀୟ ବାୟୁସେନାକୁ ଆହୁରି ଶକ୍ତିଶାଳୀ କରିବାକୁ ରାଫେଲ ଯୁଦ୍ଧବିମାନ ପାଇଁ ପ୍ରତିରକ୍ଷା ମନ୍ତ୍ରାଣୟକୁ ଦାବି ଜଣାଇଛି ବାୟୁସେନା । ପ୍ରତିରକ୍ଷା ମନ୍ତ୍ରାଳୟ ଆଉ 54 ରାଫେଲ ଏବଂ 60ଟି SU57 ଜେଟ ପାଇଁ ଡିଲ୍ କରିବାକୁ ସବୁଜ ସଂକେତ ଦେଇସାରିଛି । ଭାରତୀୟ ବାୟୁସେନାକୁ ଖୁବଶୀଘ୍ର ୧୧୪ ମଲ୍ଟି ରୋଲ୍ ଫାଇଟର ଏୟାରକ୍ରାଫ୍ଟ ବା MRFA ମିଳିବାକୁ ଯାଉଛି ।

ଏଥିପାଇଁ ଫ୍ରାନ୍ସ ସରକାରଙ୍କ ସହିତ ଖୁବଶୀଘ୍ର ଚୁକ୍ତି ହେବା ସମ୍ଭାବନା ରହିଛି। ଭାରତୀୟ ବାୟୁସେନା ଫାଇଟର ସ୍କ୍ୱାର୍ଡନର ଅଭାବ ପୂରଣ କରିବା ପାଇଁ MRFA ପ୍ରକଳ୍ପ ଅଧୀନରେ ଅଧିକ ରାଫେଲ ଦାବି କରିଥିଲା IAF । ଅପରେସନ ସିନ୍ଦୂରରେ ଦମ ଦେଖାଇ ସାରିଛି ରାଫେଲ ଯୁଦ୍ଧ ବିମାନ । ବାୟୁସେନା ପାକ୍ ଅଧିକୃତ କାଶ୍ମୀରରେ 9 ଆତଙ୍କବାଦୀ ଆଡ୍ଡାକୁ ନଷ୍ଟ କରିବା ସହ ଶତାଧିକ ଆତଙ୍କୀଙ୍କୁ ମାଟିରେ ମିଶାଇଥିଲା । ଏବେ ଭାରତୀୟ ବାୟୁସେନା ନିକଟରେ ୨୯ ସ୍କ୍ୱାର୍ଡନ ରହିଛି ।