ନଦୀରେ ଫସିଥିବା ଯୁବକଙ୍କୁ ଡ୍ରୋନ୍ ଦ୍ଵାରା ଉଦ୍ଧାର କଲା ଭାରତୀୟ ସେନା, ଦେଖନ୍ତୁ ଭିଡିଓ...
Key Points
ପାଣି ଭିତରେ ମଣିଷ ବଞ୍ଚିବାକୁ ସଂଘର୍ଷ କରୁଥିବା ବେଳେ ବଢ଼ି ପାଣିରେ ସେନା ଦେଖାଇଛି ଶକ୍ତି । ଭରା ନଦୀର ସ୍ରୋତ ଚିରି ସେନାର ଡ୍ରୋନ୍ ଉଦ୍ଧାର କରିଛି ଯୁବକଙ୍କୁ ।
ନୂଆଦିଲ୍ଲୀ: ବର୍ଷା, ବନ୍ୟାରେ ଛଟପଟ ଉତ୍ତର ଭାରତ । କେଉଁଠି ଭୂସ୍ଖଳନ ତ ଆଉ କେଉଁଠି ବାଦଲ ଫଟା ବର୍ଷା ଜନଜୀବନକୁ ଅସ୍ତବ୍ୟସ୍ତ କରୁଛି । ଆଖି ପାଉଥିବା ଯାଏଁ ଖାଲି ପାଣି ଆଉ ପାଣି । ପାଣି ଭିତରେ ମଣିଷ ବଞ୍ଚିବାକୁ ସଂଘର୍ଷ କରୁଥିବା ବେଳେ ବଢ଼ି ପାଣିରେ ସେନା ଦେଖାଇଛି ଶକ୍ତି । ଭରା ନଦୀର ସ୍ରୋତ ଚିରି ସେନାର ଡ୍ରୋନ୍ ଉଦ୍ଧାର କରିଛି ଯୁବକଙ୍କୁ ।
ଏହା ସମ୍ଭବ ହୋଇଛି ରାଜସ୍ଥାନରେ । ଉଦୟପୁରର ଆୟଦ ନଦୀ ମଝିରେ ଫସି ରହିଥିବା ଯୁବକଙ୍କୁ ଡ୍ରୋନ୍ ଯୋଗେ ଉଦ୍ଧାର କୂଳକୁ ଆଣିଛି ଭାରତୀୟ ସେନାର ଆକ୍ସେ ଡିଭିଜନ ।
In a unique & innovative method using drones for rescue #BattleAxeDivision ensured the safe evacuation of a 30 year old marooned man stuck in the middle of #Ayad River at #Udaipur — showcasing adaptability of #IndianArmy.#TechInfusion#HADR#JodhpurSubArea#TrimshatBrigade pic.twitter.com/qH71iEWv5q
📱 Get Argus News App
✨
ଆୟଦ ନଦୀର ପ୍ରବଳ ସ୍ରୋତ ମଝିରେ ଫସି ଯାଇଥିଲେ ଜଣେ ଯୁବକ । ନଦୀରେ ଏତେ ପାଣି ଥିଲା ଯେ, କାହାରି ବି ସାହସ ହେଲାନି ଯିବାକୁ । ଶେଷରେ ଉଦ୍ଧାର କାର୍ଯ୍ୟରେ ସାମିଲ୍ ହୋଇଥିଲା ଭାରତୀୟ ସେନା । ଏକ ସୁରକ୍ଷିତ ସ୍ଥାନରୁ ସେନା ଅପରେସନ୍ କରି ବିନା କୌଣସି କ୍ଷତିରେ ଯୁବକଙ୍କୁ ଉଦ୍ଧାର କରିଛନ୍ତି ଯବାନ ।
ନଦୀ ଗର୍ଭରୁ ଯୁବକଙ୍କୁ ଡ୍ରୋନ୍ ଦ୍ଵାରା ସେନା ଉଦ୍ଧାର କରିବାର ସମ୍ପୂର୍ଣ୍ଣ ଭିଡିଓ ଭାରତୀୟ ସେନାର କୋଣାର୍କ କର୍ପସ୍ ସୋସିଆଲ୍ ମିଡିଆରେ ସେୟାର୍ କରିଛି । ଯେଉଁଥିରେ ଲେଖାଯାଇଛି, ଜରୁରୀ ଓ ଆହ୍ଵାନପୂର୍ଣ୍ଣ ପରିସ୍ଥିତିରେ ଯବାନ ଅତ୍ୟାଧୁନିକ ଜ୍ଞାନକୌଶଳର ବ୍ୟବହାର କରି ସଫଳତା ମିଳିଛି ।