ଭାରତ ଓ ପାକିସ୍ତାନ ମଧ୍ୟରେ ଲାଗି ରହିଥିବା ଉତ୍ତେଜନା ବେଳର ଅନୁଭୂତି ବଖାଣିଲେ ପୁଂଚରେ ନିୟୋଜିତ ବରିଷ୍ଠ ସେନା ଅଧିକାରୀ । ପାକିସ୍ତାନ କିଭଳି ଭାରତ ଉପରେ ଆକ୍ରମଣ କରିଥିଲା ଓ ଭାରତ କିଭଳି ଏହା ଜବାବ ଦେଇଥିଲା ଗୋଟିଗୋଟି କରି କହିଛନ୍ତି ସେନାଧିକାରୀ। ସେ କହିଛନ୍ତି ଅପରେସନ୍ `ସିନ୍ଦୂର’ରେ ବାୟୁ ସେନାର ଶୌର୍ଯ୍ୟ, ପରାକ୍ରମ ସହ ସ୍ଥଳସେନାର ଥିଲା ପ୍ରମୁଖ ଭୂମିକା ।

ପାକିସ୍ତାନର ଭୀରୁତା ଆଚରଣର କଡା ଜବାବ ଦେଇଥିଲା ଭାରତୀୟ ସେନା । ପାକିସ୍ତାନର ଯେ କୌଣସି ଆକ୍ରମଣକୁ ଭାରତ ପ୍ରତିହତ କରିବାକୁ ସମର୍ଥ ହୋଇଥିଲା। ମେ ୬ରେ ଭାରତୀୟ ସେନାର ପୋଷ୍ଟକୁ ଟାର୍ଗେଟ କରି ଆକ୍ରମଣ କରିବାକୁ ଉଦ୍ୟମ କରିଥିଲା ପାକିସ୍ତାନ । ହେଲେ ଏଥିରେ ବିଫଳ ହୋଇଥିଲା ପାକିସ୍ତାନ। ସେନାର ଟାର୍ଗେଟକୁ ଭେଦ କରିବାରେ ବିଫଳ ହେବା ପରେ ପାକିସ୍ତାନ ନିରୀହ ଲୋକଙ୍କୁ ଟାର୍ଗେଟ କରିଥିଲା । ଏପରିକି ସୀମାରେ ଥିବା ଧାର୍ମିକସ୍ଥଳକୁ ଉଡାଇଦେବାକୁ ଷଡଯନ୍ତ୍ର କରିଥିଲା ପାକିସ୍ତାନ ସେନା। ମାତ୍ର ଭାରତୀୟ ଯବାନ ପାକର ସବୁ ଡ୍ରୋନକୁ ଧ୍ବଂସ କରି ଦେଇଥିଲେ।

ସୂଚନାଯୋଗ୍ୟ - ପହଲଗାମରେ ଆତଙ୍କବାଦୀ ହିନ୍ଦୁ ପର୍ଯ୍ୟଟକଙ୍କୁ ହତ୍ୟା କରିବା ପରେ ଅପରେସନ ସିନ୍ଦୂର ନାମରେ ମଧ୍ୟ ରାତ୍ରୀରେ ପାକିସ୍ତାନ ଓ ପାକିସ୍ତାନ ଅଧିକୃତ ଜମ୍ମୁ କାଶ୍ମୀରରେ ଥିବା ଆତଙ୍କୀ ଆଡ୍ଡା ଉପରେ ମିଶାଇଲ୍‌ ମାଡ଼ କରିଥିଲା ଭାରତ। ଯେଉଁ ସ୍ଥାନରୁ ଭାରତ ଉପରେ ଆକ୍ରମଣ ପାଇଁ ଆତଙ୍କବାଦୀମାନେ ନୀଳ ନକ୍ସା ପ୍ରସ୍ତୁତ କରୁଥିଲେ ଟ୍ରେନିଂ ନେଉଥିଲେ ସେହି ସ୍ଥାନକୁ ଟାର୍ଗେଟ କରିଥିଲା ଭାରତ।