ଭାରତୀୟ ରେଳ ପକ୍ଷରୁ ଐତିହାସିକ ପଦକ୍ଷେପ । ପ୍ରଥମ ଥର ରେଳ ଟ୍ରାକରେ ଲାଗିଲା ରିମୁଭେବୁଲ୍ ସୋଲାର ପ୍ୟାନେଲ୍ । ବନାରସ ଲୋକମୋଟିଭ ୱାର୍କସ BLWରେ ପାଇଲଟ ପ୍ରୋଜେକ୍ଟ ହିସାବରେ ଲାଗିଛି ଏହି ସୋଲାର ପ୍ୟାନେଲ୍ । ଦିନରେ ଭଲ ସୂର୍ଯ୍ୟ କିରଣ ମିଳିଲେ ୭୦/୮୦ ୟୁନିଟ ବିଜୁଳି ଉତ୍ପନ ହେଉଛି । ଏହା ଦ୍ୱାରା ଭାରତୀୟ ବିଜୁଳି ଉତ୍ପାଦନରେ ଆତ୍ମନିର୍ଭର ହେବ ।

ଏହି ପ୍ୟାନେଲ ୨୫ ବର୍ଷ ପର୍ଯ୍ୟନ୍ତ କାମ କରିପାରିବ । ସ୍ୱତନ୍ତ୍ର ରବର ପ୍ୟାଡ୍ ଦ୍ୱାରା ଏହାକୁ ରେଳ ଟ୍ରାକରେ ଫିକ୍ସ କରାଯାଇଛି । ଟ୍ରାକ୍ କାମ ସମୟରେ କିମ୍ବା କୌଣସି ଜରୁରୀ ପରିସ୍ଥିତିରେ ମାତ୍ର ୯୦ ମିନିଟରେ ଏହି ପ୍ୟାନେଲକୁ ସମ୍ପୂର୍ଣ୍ଣ ବାହାର କରାଯାଇ ପାରିବ । ଏହି ପ୍ୟାନେଲ ଆକାର ୨.୨ ମିଟର ଲମ୍ବା ଏବଂ ୧.୧ ମିଟର ଓସାରରେ ପ୍ରସ୍ତୁତ ହୋଇଛି । ପ୍ରତି ପ୍ୟାନେଲର ଓଜନ ପ୍ରାୟ ୩୨ କିଲୋଗ୍ରାମ ରହିଛି । ଏହା ଆର୍ଥିକ ଦୃଷ୍ଟିରୁ ଏବଂ ପରିବେଶ ଦୃଷ୍ଟିରୁ ବଡ଼ ପଦକ୍ଷେପ ବୋଲି କୁହାଯାଉଛି ।

ତେବେ ବିଦ୍ୟୁତ୍ ଉତ୍ପାଦନ କ୍ଷେତ୍ରରେ ରେଳବାଇର ଏହି ନୂତନ ପଦକ୍ଷେପକୁ ବିଭିନ୍ନ ବର୍ଗରେ ସ୍ୱାଗତ କରାଯାଇଛି । ରେଳ ଷ୍ଟେସନ ଏବଂ ଟ୍ରେନ୍ ବଗିର ଛାତ ଉପରେ ସୌର ପ୍ୟାନେଲ ଲଗାଇ ବିଦ୍ୟୁତ୍ ଉତ୍ପାଦନ ଆରମ୍ଭ କରିବା ପରେ, ଏବେ ଟ୍ରେନ୍ ଟ୍ରାକରୁ ମଧ୍ୟ ବିଦ୍ୟୁତ୍ ଉତ୍ପାଦନ କରିବାକୁ ପ୍ରକଳ୍ପ ଆରମ୍ଭ କରିଛି ଇଣ୍ଡିଆନ୍ ରେଲୱେ ।

ବନାରସ ରେଳ ଇଞ୍ଜିନ କାରଖାନା ବିଦ୍ୟୁତ ଉତ୍ପାଦନ କ୍ଷେତ୍ରରେ ଏହି ନୂତନ ସଫଳତା ହାସଲ କରିଛି । ଏହା ଅଧୀନରେ, ଏବେ ରେଳ ଟ୍ରାକରୁ ବିଦ୍ୟୁତ ଉତ୍ପାଦନ କରାଯିବ ।

ଜନସମ୍ପର୍କ ଅଧିକାରୀ ରାଜେଶ କୁମାର କହିଛନ୍ତି ଯେ BARCର କର୍ମଶାଳାର ଲାଇନ୍ ନମ୍ବର ୧୯ ରେ ପାଇଲଟ୍ ପ୍ରୋଜେକ୍ଟ ଅଧୀନରେ ଏକ ପୋର୍ଟେବଲ୍ ସୋଲାର ପ୍ୟାନେଲ୍ ସ୍ଥାପନ କରାଯାଇଛି । ଏହାକୁ ସ୍ୱଦେଶୀ ଡିଜାଇନ୍ ଉପରେ ପ୍ରସ୍ତୁତ କରାଯାଇଛି । ଏହାକୁ ଏକ ସ୍ୱତନ୍ତ୍ର ସଂସ୍ଥାପନ ପ୍ରକ୍ରିୟା ବ୍ୟବହାର କରି ଟ୍ରାକ୍ ମଧ୍ୟରେ ସ୍ଥାପନ କରାଯାଇଛି ।

Argus News | argus news | Odisha Latest News, Breaking News, Trending News, Live TV