ଭାରତର ଏକ ଅତ୍ୟନ୍ତ ସାଧାରଣ ପରିବାର ଝିଅ । ବୟସ ୨୦ କି ୨୧ ବର୍ଷ । ଯେଉଁ ବୟସରେ ସାଧାରଣତଃ ଝିଅମାନେ ଯୌବନ ଅବସ୍ଥାରେ ପାଦ ଦିଅନ୍ତି । ମନରେ ଅସୁମାରୀ ସ୍ଵପ୍ନ ଥାଏ , ଅନେକ ଆଶା ଥାଏ । ଆଉ ଅନେକ କିଛି ପାଇବାର ଆକାଂକ୍ଷା ଥାଏ । କିନ୍ତୁ ଏହି ବୟସରେ ଭାରତର ଏପରି ଜଣେ ସାହାସୀ ଝିଅ ଥିଲେ, ଯେ ଦେଶ ପାଇଁ ନିଜ ଜୀବନକୁ ବାଜି ଲଗାଇ ଦେଇଥିଲେ । ଭାରତକୁ ପାକିସ୍ତାନର ସମସ୍ତ ଗୁପ୍ତତଥ୍ୟ ଦେବାପାଇଁ ସେ ପରିବାର ତ୍ୟାଗ କରିଥିଲେ, ଏବଂ ପାକିସ୍ତାନୀଙ୍କୁ ବିବାହ କରିଥିଲେ । ନା ଥିଲା ସୁନ୍ଦର ବୈବାହିକ ଜୀବନର ସ୍ଵପ୍ନ , ନା ଥିଲା ନିଜ ଜୀବନ ପ୍ରତି ଲୋଭ, କେବଳ ଗୋଟେ ହିଁ ଉଦ୍ଦେଶ୍ୟ ଥିଲା, ତାହା ହେଉଛି, ଭାରତ ମାଆର ରକ୍ଷା କରିବା । ନିଜ ଦେଶ ନିଜ ମାତୃଭୂମିକୁ ଶତ୍ରୁ କବଳରୁ ରକ୍ଷା କରିବା । ଆଉ ସେଥିପାଇଁ ସବୁ ବାଧାବିଘ୍ନକୁ ପାର କରି ସେ ପାଲଟିଥିଲେ ଭାରତର ଗୁପ୍ତଚର । ୧୯୭୧ ଭାରତ ପାକିସ୍ତାନ ଯୁଦ୍ଧରେ ଭାରତକୁ ସହଯୋଗ କରିବାରେ ତାଙ୍କର ମୁଖ୍ୟ ଭୂମିକା ଥିଲା । ଆଜି ଆମେ ଜାଣିବା ସେମିତି ଜଣେ ମହିଳା ଗୁପ୍ତଚରର କାହାଣୀ ।

ବର୍ତ୍ତମାନ ଭାରତ ପାକିସ୍ତାନର ଯୁଦ୍ଧ ବିବାଦ ଦିନକୁ ଦିନ ବଢିବାରେ ଲାଗିଛି । ପାକିସ୍ତାନ ଆତଙ୍କବାଦୀକୁ ସମୂଳେ ହଟାଇବା ପାଲଟିଛି ଭାରତର ମୂଳଲକ୍ଷ । ଆଉ ସେ ଭିତରେ ଅନେକ ପାକିସ୍ତାନ ଜାସୁସୀଙ୍କୁ କାବୁ କରିଛି ଭାରତ । ଭାରତର ମଧ୍ୟ ସେମିତି ଜଣେ ମହିଳା ଜାସୁସୀ ଥିଲେ, ଯିଏ ପାକିସ୍ତାନର ଅତି ଗୁପ୍ତ ତଥ୍ୟକୁ ଭାରତ ନିକଟରେ ପହଞ୍ଚାଉଥିଲେ । ଆଉ ତାହା ବି ବେଶ ସତର୍କତାର ସହ । ଅପରାଧର ପର୍ଦ୍ଦାଫାଶରେ ଆଜି ଆମେ ଜାଣିବା ସେହମତ ଖାନଙ୍କ ସଂପର୍କରେ । କେମିତି ସେ ପାକିସ୍ତାନ ବୋହୁ ହେଲେ , ଆଉ କେମିତି ପାକିସ୍ତାନର ସମସ୍ତ ପ୍ଲାନିଂ ସମ୍ପର୍କରେ ଭାରତକୁ ଜଣାଉଥିଲେ ।

ସେହମତଙ୍କ ଜାଜୁସୀ କାହାଣୀ ଆରମ୍ଭ ହୁଏ ୧୯୭୧ ମସିହାରୁ । ଯେଉଁ ସମୟରେ ଭାରତ ପାକିସ୍ତାନର ଯୁଦ୍ଧ ଆରମ୍ଭ ହେବାକୁ ଯାଉଥିଲା । ଭାରତକୁ ଜଣେ ଏମିତି ଗୁପ୍ତଚରର ଆବଶ୍ୟକତା ଥିଲା, ଯିଏ ପାକିସ୍ତାନର ଅତ୍ୟନ୍ତ ଗୁପ୍ତ ଖବର, ତାର ସବୁ ଯୋଜନାକୁ ଭାରତରେ ପହଞ୍ଚାଇ ପାରିବ । ଏଥିପାଇଁ ଏକ ତାଲିମପ୍ରାପ୍ତ ଭଲ ଗୁପ୍ତଚରର ଆବଶ୍ୟକତା ଥିଲା । ଆଉ ଏହି ସମୟରେ କାଶ୍ମୀରର ଜଣେ ମୁସଲିମ ସ୍ଵାଧିନତା ସଂଗ୍ରାମୀ ନିଜ କଲେଜ ପଢୁଥିବା ଝିଅକୁ ଏଥିପାଇଁ ରାଜି କରାଇଥିଲେ । ସେ ଭାରତର ଗୁପ୍ତଚର ସଂସ୍ଥା ସହ କାର୍ଯ୍ୟ କରୁଥିଲେ । ତାଙ୍କ ଝିଅ ସେହମତ ଖାନ ଥିଲା ଅତ୍ୟନ୍ତ ସାଧାରଣ । କିନ୍ତୁ ଯେତେବେଳେ ତାଙ୍କ ବାପା ତାଙ୍କୁ ଦେଶପାଇଁ ନିଜ ଜୀବନକୁ ବାଜି ଲଗାଇ ଗୁପ୍ତଚର କାମ କରିବାକୁ ପଡିବ ବୋଲି କହିଥିଲେ, ସେତେବେଳେ ରାଜି ହୋଇ ଯାଇଥିଲେ ସେହମତ ।
ଆଉ ଆରମ୍ଭ ହୋଇଥିଲା ଗୁପ୍ତଚର ପାଇଁ ତାଙ୍କର ତାଲିମ । ଟ୍ରେନିଂ ସରିବା ପରେ ସେହମତ ପାକିସ୍ତାନର ଜଣେ ଆର୍ମି ଅଫିସରଙ୍କୁ ବିବାହ କରିଥିଲେ । ଆଉ ନିଜ ଶାଶୁଘର ପାକିସ୍ତାନକୁ ଚାଲି ଯାଇଥିଲେ ।

କାହାଣୀ ସମ୍ପର୍କରେ ଅଧିକ ଜାଣିବା ପାଇଁ ତଳେ ଦିଆଯାଇଥିବା ଭିଡିଓରେ କ୍ଲିକ କରନ୍ତୁ ।