ପ୍ରଥମ ହାଇଡ୍ରୋଜେନ୍ ଟ୍ରେନ୍, ଘଣ୍ଟାପ୍ରତି ବେଗ ୧୧୦ କି.ମି
ଭାରତରେ ଗଡ଼ିବ ପ୍ରଥମ ହାଇଡ୍ରୋଜେନ୍ ଟ୍ରେନ୍। ହରିୟାଣା ଜିନ୍ଦ-ସୋନିପତ ରୁଟରେ ଏହି ଟ୍ରେନ୍ ଚାଲିବ । ଏହି ଟ୍ରେନର ସର୍ବାଧିକ ଘଣ୍ଟାପ୍ରତି ବେଗ ୧୧୦ କିମି ରହିବ । ୨,୬୩୮ ଯାତ୍ରୀ କ୍ଷମତା ସହିତ ଏହି ଟ୍ରେନର ଡିଜାଇନ୍ କରାଯାଇଛି । ଏଥିରେ ରହିଛି ୧,୨୦୦ HP ଇଞ୍ଜିନ୍ । ଏହା ବିଶ୍ୱର ସର୍ବୋଚ୍ଚ କ୍ଷମତା ବିଶିଷ୍ଟ ହାଇଡ୍ରୋଜେନ୍-ଚାଳିତ ଟ୍ରେନ୍ । ଏହି ହାଇଡ୍ରୋଜନେ ଟ୍ରେନ୍ କେବଳ ଜଳୀୟ ବାଷ୍ପ ନିର୍ଗତ କରେ, ଯାହା ପ୍ରଦୂଷଣ ହ୍ରାସ କରିବାରେ ସହାୟକ ହେବ । ଶବ୍ଦ ପ୍ରଦୂଷଣ ହ୍ରାସ କରିବା ସହିତ ପରିବେଶ ଅନୁକୂଳତା ବୃଦ୍ଧି କରିବ। ଦିନକୁ ଦିନ ପ୍ରଦୂଷଣର ମାତ୍ରା ବୃଦ୍ଧି ହେଉଥିବା ବେଳେ ଏହାର ସମାଧାନ ପାଇଁ ସମଗ୍ର ବିଶ୍ବ ଚେଷ୍ଟା ଜାରି ରଖିଛି ।
ଏହାର ଏକ ଅଂଶ ଭାବରେ ଦେଶରେ ପରିବହନ କ୍ଷେତ୍ରରେ ପରିବର୍ତ୍ତନ ଆଣିବାକୁ ଏହି ହାଇଡ୍ରୋଜେନ ଟ୍ରେନ ଚଲାଇବାକୁ ଗୁରୁତ୍ବାରୋପ କରାଯାଉଛି । ଭାରତୀୟ ରେଲଓ୍ବେ ବିଭାଗର ନୂଆ ଭେଟି । ଦେଶରେ ଗଡିବ ସ୍ୱଦେଶୀ ଜ୍ଞାନ କୌଶଳରେ ନିର୍ମିତ ପ୍ରଥମ ଯାତ୍ରୀବାହୀ ହାଇଡ୍ରୋଜେନ ଦ୍ବାରା ପରିଚାଳିତ ଟ୍ରେନ (India First hydrogen passenger Train ) । ଜଳବାୟୁ ପରିବର୍ତ୍ତନ ଓ ଜନସ୍ୱାସ୍ଥ୍ୟରେ ଉନ୍ନତି ଆଣିବା ପାଇଁ ଭାରତୀୟ ରେଳବାଇ ଏହି ନୂତନ ପଦକ୍ଷେପ ଗ୍ରହଣ କରିଛି । ପ୍ରଦୂଷଣ କରୁଥିବା ଡିଜେଲ ଇଞ୍ଜିନ ସ୍ଥାନରେ ଏହି ହାଇଡ୍ରୋଜେନ ଟ୍ରେନ ଯାତାୟତ କରିବ । ତେବେ ଦୈନିକ ଚଳାଚଳ କରୁଥିବା ଟ୍ରେନଠାରୁ ଏହା ସାମାନ୍ୟ ଛୋଟ ରହିବ ବୋଲି ରେଳ ମନ୍ତ୍ରୀ ଅଶ୍ବିନୀ ବୈଷ୍ଣବ ସୂଚନା ଦେଇଛନ୍ତି ।
ହାଇଡ୍ରୋଜେନ ଟ୍ରେନର ଉପକାରିତା:
ହାଇଡ୍ରୋଜେନ ଟ୍ରେନ ପରିବେଶ ପାଇଁ ଅତ୍ୟନ୍ତ ଉତ୍କୃଷ୍ଟ । ଏଗୁଡ଼ିକରୁ କାର୍ବନ ନିର୍ଗତ ହୁଏ ନାହିଁ(zero carbon emissions) । ଏଟି ଟ୍ରେନରୁ ଜଳ ଏବଂ ବାୟୁ ନିର୍ଗତ ହୋଇଥାଏ । ଯେଉଁ ଅଞ୍ଚଳରେ ବିଦ୍ୟୁତ ସଂଯୋଗ ନାହିଁ ସେଠାରେ ଏହି ଟ୍ରେନ ବରଦାନ ସଦୃଶ । ଅନ୍ୟ ଟ୍ରେନ ଅପେକ୍ଷା ଏହି ଟ୍ରେନରେ ଶବ୍ଦର ମାତ୍ରା କମ ରହିବ । 20 ମିନିଟ୍ ମଧ୍ୟରେ ଏଥିରେ ଇନ୍ଧନ ଭର୍ତ୍ତି କରାଯାଇପାରିବ ।
ହାଇଡ୍ରୋଜେନ ଟ୍ରେନର ବିଶେଷତା:
📱 Get Argus News App
✨କୋରାଡିଆ ଦ୍ୱୀପ ଟ୍ରେନ୍ ଗୁଡିକ ହାଇଡ୍ରୋଜେନ୍ ଇନ୍ଧନ-ସେଲ୍ ଟେକ୍ନୋଲୋଜିରେ ଚାଲିଥାଏ । ଏଥିରୁ ପରିବେଶକୁ କ୍ଷତି ପହଞ୍ଚାଉଥିବା ଭଳି କୌଣସି କ୍ଷତିକାରକ ନିର୍ଗତ ହୁଏ ନାହିଁ । ଏହା ବାର୍ଷିକ ପ୍ରାୟ 16 ଲକ୍ଷ ଲିଟର ଡିଜେଲ ସଞ୍ଚୟ କରିବ । ଫଳସ୍ୱରୂପ ପ୍ରତିବର୍ଷ 4 ହଜାର ଟନ୍ କାର୍ବନ ଡାଇଅକ୍ସାଇଡ୍ ନିର୍ଗତ ଉପରେ ରୋକ ଲାଗିବ । ଥରେ ଇନ୍ଧନ ଭରିବା ପରେ ଏହି ଟ୍ରେନ୍ଗୁଡିକ ଏକ ହଜାର କିମି ଯାତ୍ରା କରିବ । ହାଇଡ୍ରୋଜେନ୍ ଟ୍ରେନ୍ ପ୍ରତି ଘଣ୍ଟାରେ ସର୍ବାଧିକ 140 କିମି ଅତିକ୍ରମ କରିପାରିବ ।