ଭାରତର ସବୁଠୁ ଦାମୀ ଆଇସକ୍ରିମ । ଯାହା ଇଣ୍ଟରନେଟରେ ସବୁଠୁ ଚର୍ଚ୍ଚାର ବିଷୟ ପାଲଟିଛି । ସୁନା ଲେପ ଦିଆଯାଇଥିବା ଏହି ଆଇସକ୍ରିମ ହାଇଦ୍ରାବାଦର " ହବର୍ ଆଣ୍ଡ ହୋଲି " ଆଇସକ୍ରିମ ସପ୍‌ରେ । ସୋସିଆଲ ମିଡିଆ ୟୁଜର୍ସମାନେ ଏହାକୁ 'ଅମ୍ବାନୀ ଆଇସକ୍ରିମ' ବୋଲି ନାଁ ଦେଇଛନ୍ତି । ଇନଷ୍ଟାଗ୍ରାମର ଫୁଡ ବ୍ଲଗର ଜଣେ ଏହି ଭିଡିଓ ନିଜ ଆକାଉଣ୍ଟରେ ଶେୟାର କରିଛନ୍ତି । ଯେଉଁଥିରେ ସେ ଏହାକୁ ସବୁଠୁ ଦାମୀ ଆଇସକ୍ରିମ ବୋଲି ଲେଖିଛନ୍ତି । ଏବଂ କିଏ ଜଣେ ତାଙ୍କୁ ଏହି ଆଇସକ୍ରିମ ଖାଇବାକୁ ଦେଉ ବୋଲି ଅନୁରୋଧ ମଧ୍ୟ କରିଛନ୍ତି ।

ଏହି ଭିଡିଓରେ ଜଣେ କର୍ମଚାରୀ ଏହି ଆଇସକ୍ରିମ ତିଆରି କରୁଛନ୍ତି । ପ୍ରଥମେ ଏକ କୋନ୍‌ରେ ଚକୋଲେଟ ଚଙ୍କ୍ସ, ଲିକ୍ୟୁଇଡ୍ ଚକୋଲେଟ, ଆଲମଣ୍ଡ , ଏବଂ ଚକୋଲେଟ ଆଇସକ୍ରିମକୁ ଭର୍ତ୍ତି କରୁଛନ୍ତି । ପରେ ସେଥିରେ ଏକ ଆସ୍ତରଣର କ୍ରିମର ପ୍ରଲେପ ଦେଉଛନ୍ତି । କ୍ରିମର ପ୍ରଲେପ ଠିକ ଭାବରେ ଲାଗିବା ପରେ ସେଥିରେ ସୁନାର ଏକ ଆସ୍ତରଣ ଦିଆଯାଉଛି । ତା ପରେ ଏହା ଉପରେ ସ୍ବାଦିଷ୍ଟ ଟପିଙ୍ଗ୍ସ ଦିଆଯାଇ ଏହାକୁ ସଜାଯାଏ । ଏହି ପୋଷ୍ଟ ସୋସିଆଲ ମିଡିଆରେ ଶେୟାର କରିବା ପରେ ଏପର୍ଯ୍ୟନ୍ତ ୧୦ ମିଲିୟନ ଲୋକ ଏହାକୁ ଦେଖି ସାରିଛନ୍ତି । ଭିଡିଓରେ ୩ ଲକ୍ଷ ଲୋକ ଲାଇକ କରିଛନ୍ତି । କିଛି ୟୁଜର୍ସ ଏଥିରେ କମେଣ୍ଟ ଦେଇଛନ୍ତି ଏହି ଆଇସକ୍ରିମ କିଣିବାକୁ ହେଲେ ଆମକୁ ଲୋନ ନେବାକୁ ପଡିବ ।

View this post on Instagram

A post shared by Daakshi | Food & Lifestyle (@foodiedaakshi)

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV