ଇଣ୍ଡିଗୋ ବିମାନର ହେଲା ଜରୁରୀ ଅବତରଣ । ବିହାର-ପାଟଣାରୁ ଦିଲ୍ଲୀ ଅଭିମୁଖେ ଆସୁଥିବା ଇଣ୍ଡିଗୋ ବିମାନ କଲା ଜରୁରୀ ଅବତରଣ । ମଝି ଆକାଶରେ ପକ୍ଷୀ ସହ ମାଡ଼ ହେବାରୁ ବିମାନର ଜରୁରୀ ଅବତରଣ କରାଗଲା । ଇଣ୍ଡିଗୋର ବିମାନ ନଂ ୬୫୦୦୯ ସହ ପକ୍ଷୀ ମାଡ଼ ହେବାରୁ ପାଟଣା ଜୟପ୍ରକାଶ ନାରାୟଣ ଆନ୍ତର୍ଜାତୀୟ ବିମାନବନ୍ଦରରେ ସୁରକ୍ଷିତ ଅବତରଣ କରାଯାଇଛି। ତେବେ ବିମାନରେ ୧୬୯ ଜଣ ଯାତ୍ରୀ ଥିଲେ । ବିମାନ ଉଠୁ ଉଠୁ ପକ୍ଷୀ ମାଡ ହେବା ପରେ ଏହାକୁ ଜରୁରୀ ଅବତରଣ କରାଯାଇଥିଲା । ଯାତ୍ରୀମାନେ ସମସ୍ତେ ସୁରକ୍ଷିତ ଥିବା ସୂଚନା ମିଳିଛି ।

ଯାତ୍ରୀଙ୍କୁ ଅନ୍ୟ ଏକ ବିମାନରେ ଦିଲ୍ଲୀ ପଠାଇବାକୁ ବ୍ୟବସ୍ଥା କରାଯାଉଛି । ସେପଟେ ଆଉ ଦିନ କେଇଟା ପରେ ମାନେ ଆଉ ମାତ୍ର ୩ ଦିନ ପରେ ଅହମଦାବାଦ ବିମାନ ଦୁର୍ଘଟଣାକୁ ମାସେ ପୂରିବ । ଜୁନ ୧୨ ତାରିଖରେ ଅହମଦାବାଦରେ ଭୟଙ୍କର ବିମାନ ଦୁର୍ଘଟଣା ହୋଇଥିଲା । ଦୁର୍ଘଟଣାରେ ଏୟାର ଇଣ୍ଡିଆ ବିମାନରେ ଥିବା ୧୪୧ ଜଣ ଯାତ୍ରୀଙ୍କର ମୃତ୍ୟୁ ହୋଇଥିଲା କେବଳ ଜଣେ ହିଁ ଯାତ୍ରୀ ବର୍ତ୍ତି ଯାଇଥିଲେ ।