ହାଇଦ୍ରାବାଦର ରାଜୀବ ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦରକୁ ବୋମାରେ ଉଡ଼ାଇଦେବାର ଧମକ ମିଳିଛି । ରିପୋର୍ଟ ଅନୁଯାୟୀ, ଶନିବାର ସକାଳେ ଅଧିକାରୀମାନେ ଏକ ଧମକପୂର୍ଣ୍ଣ ଇମେଲ୍ ପାଇଥିଲେ, ଯାହା ବିମାନବନ୍ଦରରେ ହଇଚଇ ସୃଷ୍ଟି କରିଥିଲା।

ଏହି ଧମକ ପରେ ଏକ ଇଣ୍ଡିଗୋ ବିମାନକୁ ନିକଟସ୍ଥ ବିମାନବନ୍ଦରକୁ ସ୍ଥାନାନ୍ତର କରାଯାଇଥିଲା । ରାଜୀବ ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦରର ଜଣେ ଅଧିକାରୀଙ୍କ ଅନୁଯାୟୀ, ପପାଇତା ରାଜନ ନାମକ ଜଣେ ବ୍ୟକ୍ତି ଶନିବାର ସକାଳ ପ୍ରାୟ ୫ଟା ୨୫ ସମୟରେ RGIA.Customersupport@gmrgroup.in କୁ ଇମେଲ୍ ପଠାଇଥିଲେ, ଯାହାର ସବ୍‌ଜେକ୍ଟରେ ଲେଖାଥିଲା, 'ହାଇଦ୍ରାବାଦରେ ଏକ ଇଣ୍ଡିଗୋ ବିମାନକୁ ଅବତରଣ କରିବାକୁ ଦିଅନ୍ତୁ ନାହିଁ ।"

ଇମେଲ୍‌ରେ କ'ଣ ଥିଲା ?

ଇମେଲ୍‌ରେ ଉଲ୍ଲେଖ ଥିଲା ଯେ LTTE-ISI କାର୍ଯ୍ୟକର୍ତ୍ତାମାନେ ବିମାନରେ ଚଢ଼ି ୧୯୮୪ ମାଡ୍ରାସ ବିମାନବନ୍ଦର ଆକ୍ରମଣ ଭଳି ଏକ ବଡ଼ ବିସ୍ଫୋରଣ କରିବାକୁ ଯୋଜନା କରିଛନ୍ତି । ବିମାନବନ୍ଦରର କିଛି ଅଂଶ ଏବଂ ଇନ୍ଧନ ଟ୍ୟାଙ୍କ ଉପରେ ଆକ୍ରମଣ କରିବା ପାଇଁ ମାଇକ୍ରୋବଟ୍ ସହିତ ସଜ୍ଜିତ ଅସ୍ତ୍ରଶସ୍ତ୍ର ବ୍ୟବହାର କରାଯାଇଛି।

ଏଥିରେ ଆହୁରି ଉଲ୍ଲେଖ ରହିଛି ଯେ 'IEDରେ ଶକ୍ତିଶାଳୀ ନର୍ଭ ଗ୍ୟାସ ରହିଛି । ଏହା ଫ୍ରାଙ୍କଫର୍ଟ ଅପରେସନ୍‌ ଲାଗୁ କରିବାର ଏକ ପରୀକ୍ଷା । IED କେଉଁଠି ଲାଗିଛି ସେନେଇ ଜାଣିବାକୁ ଚାହୁଁଥିଲେ ଦୟାକରି ନିମ୍ନରେ ଥିବା ଷ୍ଟେନୋଗ୍ରାଫିକ୍ ଡକ୍ୟୁମେଣ୍ଟ ପଢ଼ନ୍ତୁ'।

ଧମକ ପରେ ତତ୍ପରତା

ଏହି ଧମକ ପରେ, BTAC ସକାଳ 5:39 ରୁ 6:22 ପର୍ଯ୍ୟନ୍ତ ଏକ ଭର୍ଚୁଆଲ୍ ବୈଠକ କରିଥିଲା । ଏଥିରେ ଏହାକୁ ଏକ ନିର୍ଦ୍ଦିଷ୍ଟ ବିପଦ ବୋଲି କହିଥିଲା।

ଅଧିକାରୀ ଆହୁରି କହିଛନ୍ତି ଯେ କମିଟି ପରବର୍ତ୍ତୀ ସମୟରେ ପ୍ରତିରୋଧମୂଳକ ପଦକ୍ଷେପ ସ୍ୱରୂପ ଅନେକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛି। ଏକ ବିମାନକୁ ନିକଟତମ ବିମାନବନ୍ଦରକୁ ସ୍ଥାନାନ୍ତରିତ କରାଯାଇଥିଲା।

ATC ମାଧ୍ୟମରେ ବିମାନ କ୍ୟାପ୍ଟେନଙ୍କୁ ସୂଚନା ଦିଆଯାଇଥିଲା। ଏହା ପରେ, GMR ସୁରକ୍ଷା ଦ୍ୱାରା ଏକ ପୋଲିସ ଅଭିଯୋଗ ଦାଖଲ କରାଯାଇଥିଲା।

ରିୟାଦକୁ ସିଧାସଳଖ ବିମାନ

ଏହି ସମୟରେ, ଇଣ୍ଡିଗୋ ଏୟାରଲାଇନ୍ସ ଶୁକ୍ରବାର ନଭେମ୍ବର ୧୬ ରୁ ବେଙ୍ଗାଲୁରୁ ଏବଂ ରିୟାଦ ମଧ୍ୟରେ ସିଧାସଳଖ ବିମାନ ଉଡ଼ାଣ ଆରମ୍ଭ କରିବାର ଘୋଷଣା କରିଛି।

ଏୟାରଲାଇନ୍ସର ଏକ ସରକାରୀ ବିବୃତ୍ତି ଅନୁଯାୟୀ, ଯାତ୍ରୀମାନଙ୍କୁ ସୁଲଭ ଏବଂ ସୁଗମ ସଂଯୋଗ ପ୍ରଦାନ କରିବା ଲକ୍ଷ୍ୟରେ ଇଣ୍ଡିଗୋ ଏହି ନୂତନ ରୁଟରେ ଏହାର ଏୟାରବସ୍ A320 ବିମାନ ପରିଚାଳନା କରିବ।

ରିୟାଦ ହେଉଛି ସାଉଦି ଆରବର ଦ୍ୱିତୀୟ ସହର ଯାହା ସିଧାସଳଖ ଭାରତର ପ୍ରଯୁକ୍ତିବିଦ୍ୟା କେନ୍ଦ୍ର ସହିତ ସଂଯୋଗ ହୋଇଛି। ଇଣ୍ଡିଗୋ ବର୍ତ୍ତମାନ ଭାରତକୁ ଚାରୋଟି ପ୍ରମୁଖ ସାଉଦି ସହର: ଜେଦ୍ଦା, ରିୟାଦ, ଦମ୍ମାମ ଏବଂ ମଦିନା ସହିତ ସଂଯୋଗ କରୁଛି।