ମେଘାଳୟ ହନିମୁନ୍ ମର୍ଡର କେସରେ ୭୯୦ ପୃଷ୍ଠାର ଚାର୍ଜସିଟ୍ । ଇନ୍ଦୋର ବ୍ୟବସାୟୀ ରାଜା ରଘୁବଂଶୀ ହତ୍ୟା ଘଟଣାରେ ମେଘାଳୟ ପୋଲିସର ଏସଆଇଟି ଦାଖଲ କରିଛି ଚାର୍ଜସିଟ୍ । ରାଜାଙ୍କ ସ୍ତ୍ରୀ ସୋନମ ରଘୁବଂଶୀ ଓ ତାଙ୍କ ପ୍ରେମିକ ରାଜ ଖୁସଓ୍ବାହ ଅତି ଜଘନ୍ୟ ଭାବେ ମେ ୨୩ ତାରିଖରେ ହତ୍ୟା କରିଥିଲେ । ରାଜା ରଘୁବଂଶୀ ଓ ତାଙ୍କ ସ୍ତ୍ରୀ ସୋନମ ମେଘାଳୟ ହନିମୁନ ଟ୍ରିପରେ ଯାଇଥିବା ବେଳେ ରାଜାଙ୍କୁ ହତ୍ୟା କରିବାକୁ ବଡ ଧରଣର ଷଡଯନ୍ତ୍ର ହୋଇଥିଲା । ହତ୍ୟା ଅଭିଯୋଗରେ ସୋନମ ରଘୁବଂଶୀ ଓ ତା ପ୍ରେମିକ ରାଜ ଖୁସଓ୍ବାହଙ୍କ ସହ ଆଉ ତିନିଜଣଙ୍କୁ ଗିରଫ କରାଯାଇଛି ।

ରାଜାଙ୍କ ମୃତ୍ୟୁକୁ ନେଇ ସାରା ଦେଶରେ ଚାଞ୍ଚଲ୍ୟ ଖେଳିଯାଇଥିଲା । ପ୍ରଥମେ ପାହାଡରୁ ଖସି ମୃତ୍ୟୁ ହୋଇଥିବା ସନ୍ଦେହ କରାଯାଉଥିଲା । କିନ୍ତୁ ପରେ ପୋଲିସର ଛାନଭିନ୍ ବେଳେ ଚାଞ୍ଜଳ୍ୟକର ତଥ୍ୟ ସାମ୍ନାକୁ ଆସିଥିଲା । ରାଜା ରଘୁବଂଶୀଙ୍କୁ ତାଙ୍କ ସ୍ତ୍ରୀ ଓ ପ୍ରେମିକ ମିଶି ଅତ୍ୟନ୍ତ ନୃଶଂସ ଭାବେ ହତ୍ୟା କରିଥିଲେ ।