ଦିଲ୍ଲୀରେ ଅଛନ୍ତି ୫ହଜାରରୁ ଅଧିକ ପାକିସ୍ତାନୀ ନାଗରିକ । ଏନେଇ ଗୁଇନ୍ଦା ବିଭାଗ ପକ୍ଷରୁ ଦିଲ୍ଲୀ ପୋଲିସକୁ ସୂଚନା ଦିଆଯାଇଛି । ଦିଲ୍ଲୀରେ ରହୁଥିବା ପାକିସ୍ତାନ ନାଗରିକମାନଙ୍କ ସମ୍ପର୍କରେ ତଥ୍ୟ ପ୍ରଦାନ କରାଯାଇଛି । ସେମାନଙ୍କୁ ଚିହ୍ନଟ କରି ପାକିସ୍ତାନକୁ ତୁରନ୍ତ ବିଦା କରିବାକୁ କୁହାଯାଇଛି । ପହଲଗାମ୍ ଆତଙ୍କବାଦୀ ଆକ୍ରମଣ ପରେ ମୋଦି ସରକାର କଠୋର ପଦକ୍ଷେପ ନେଇଛନ୍ତି । ଭାରତରେ ରହୁଥିବା ପାକିସ୍ତାନ ନାଗରିକ ମାନଙ୍କ ଭିସା ବାତିଲ କରିବାକୁ ନିର୍ଦ୍ଦେଶ ଦିଆଯାଇଛି । ଦିଲ୍ଲୀର ମଞ୍ଜୁ କା ତିଲା ଅଂଚଳରେ ୯୦୦ ଓ ସିଗନେଚର ବ୍ରିଜ୍ ଅଂଚଳରେ ୭ଶହରୁ ଅଧିକ ପାକିସ୍ତାନୀ ନାଗିରକ ଥିବା ସୂଚନା ମିଳିଛି ।

ପହଲଗାମରେ ଆତଙ୍କବାଦୀ ଆକ୍ରମଣ ପରେ ଭାରତ ଏବଂ ପାକିସ୍ତାନ ମଧ୍ୟରେ ଉତ୍ତେଜନା ବୃଦ୍ଧି ପାଉଛି । ଏହି ସମୟରେ, ସମ୍ପ୍ରତି ଭାରତୀୟ ନୌସେନା ଯୁଦ୍ଧଜାହାଜ ଅନେକ ସଫଳ ଆଣ୍ଟି ସିପ୍ ମିଶାଇଲ୍ ନିକ୍ଷେପ କରିଛି । ୨୨ ଏପ୍ରିଲରେ ଜମ୍ମୁ ଏବଂ କାଶ୍ମୀରର ପହଲଗାମରେ ହୋଇଥିବା ଆତଙ୍କବାଦୀ ଆକ୍ରମଣରେ୨୬ ଜଣ ଲୋକ ପ୍ରାଣ ହରାଇଥିଲେ, ଯାହା ପରେ ଭାରତ ଏବଂ ପାକିସ୍ତାନ ମଧ୍ୟରେ ଉତ୍ତେଜନା ବୃଦ୍ଧି ପାଇଛି । ବର୍ତ୍ତମାନ ଭାରତ ଏହାର ଯବାବ ଦେଉଛି। ଖୋଜି ଖୋଜି ଆତଙ୍କୀର ଘର ଭାଙ୍ଗିଛନ୍ତି ସେନା।