ଇସ୍ରୋକୁ ଆଉ ଏକ ସଫଳତା । ଗଗନଯାନ ମିଶନ ଲାଗି ଇସ୍ରୋ ସର୍ଭିସ ମୋଡ୍ୟୁଲ ପ୍ରୋପୁଲସନ୍ ସିଷ୍ଟମ ତଥା SMPSକୁ ବିକଶିତ କରିବା କାର୍ଯ୍ୟ ସମ୍ପୂର୍ଣ୍ଣ କରିଛି । ଏହି ମିଶନ ଭାରତର ପ୍ରଥମ ମାନବବାହୀ ଅନ୍ତରୀକ୍ଷ ମିଶନ ହେବ । SMPS ମାହାକାଶ ଯାନକୁ ସ୍ଥିର ରଖିବା, ନିୟନ୍ତ୍ରଣ କରିବା ଏବଂ ଆବଶ୍ୟକ ପଡିଲେ ମିଶନକୁ ରଦ୍ଦ କରିବାରେ ସହଯୋଗ କରିବ। ଶୁକ୍ରବାର ଇସ୍ରୋ 350 ସେକେଣ୍ଡର ଫୁଲ ଡ୍ୟୁରୋସନ ହଟ ଟେଷ୍ଟ କରିଛି ।

ଭାରତୀୟ ଅନ୍ତରୀକ୍ଷ ଷ୍ଟେସନ ଏବଂ ବର୍ତ୍ତମାନର ଗଗନଯାନ କାର୍ଯ୍ୟକ୍ରମର ବିକାଶ ପାଇଁ ଅତିରିକ୍ତ ହାର୍ଡୱେର ଆବଶ୍ୟକତାକୁ ପୂରଣ କରିବା ଲାଗି ଗଗନଯାନ କାର୍ଯ୍ୟକ୍ରମରେ ଏହା ଏକ ଗୁରୁତ୍ବପୂର୍ଣ୍ଣ ଅଂଶ । ଭାରତୀୟ ମାନବ ମହାକାଶ ଅନୁସନ୍ଧାନ କାର୍ଯ୍ୟକ୍ରମ ପାଇଁ ଆବଶ୍ୟକ ଜ୍ଞାନକୌଶଳର ମୂଳଦୁଆ ପ୍ରତିଷ୍ଠା କରିବାକୁ ଲକ୍ଷ୍ୟ ରଖାଯାଇଛି । ଅମୃତ କାଳରେ ମହାକାଶ ପାଇଁ ଅନ୍ୟାନ୍ୟ ଜିନିଷ, ୨୦୩୫ ସୁଦ୍ଧା କାର୍ଯ୍ୟକ୍ଷମ ଭାରତୀୟ ଅନ୍ତରୀକ୍ଷ ଷ୍ଟେସନ ଏବଂ ୨୦୪୦ ସୁଦ୍ଧା ଭାରତୀୟ କ୍ରୁଡ ଲୁନାର ମିଶନ ଗଠନ କରିବାକୁ ଲକ୍ଷ୍ୟ ରଖାଯାଇଛି ।

ଦୀର୍ଘକାଳୀନ ମାନବ ମହାକାଶ ଅଭିଯାନ ଏବଂ ଚନ୍ଦ୍ର ଏବଂ ଏହା ବାହାରେ ଅଧିକ ଅନୁସନ୍ଧାନ ପାଇଁ ଆବଶ୍ୟକ ଦକ୍ଷତା ବିକାଶ ଏବଂ କାର୍ଯ୍ୟକ୍ଷମ କରିବା ପାଇଁ ସମସ୍ତ ଅଗ୍ରଣୀ ମହାକାଶ ପ୍ରେମୀ ରାଷ୍ଟ୍ର ଯଥେଷ୍ଟ ପ୍ରୟାସ ଏବଂ ପୁଞ୍ଜିନିବେଶ କରୁଛନ୍ତି । ଅମୃତକାଳରେ ମହାକାଶ ପାଇଁ ଅନ୍ୟାନ୍ୟ ଲକ୍ଷ୍ୟ ବ୍ୟତୀତ ୨୦୩୫ ସୁଦ୍ଧା କାର୍ଯ୍ୟକ୍ଷମ ଭାରତୀୟ ଅନ୍ତରୀକ୍ଷ ଷ୍ଟେସନ ଏବଂ ୨୦୪୦ ସୁଦ୍ଧା ଭାରତୀୟଙ୍କୁ ଚନ୍ଦ୍ରରେ ପହଞ୍ଚାଇବାକୁ ଲକ୍ଷ୍ୟ ରଖାଯାଇଛି ।