ଅର୍ଗସ ବ୍ୟୁରୋ :  ରେଳ ଟ୍ରାକ ନିକଟରେ ଓ ରେଳ ପରିସରରେ ସେଲଫି ନେଉଥିଲେ ହୋଇଯାଆନ୍ତୁ ସାବଧାନ । ସେଲଫି ନେଉଥିଲେ ଜୋରିମାନା କିମ୍ବା ଜେଲଦଣ୍ଡ ଭୋଗିବାକୁ ପଡିବ । ଲୋକଙ୍କୁ ସଚେତନ କରିବା ପାଇଁ ପୂର୍ବତଟ ରେଳପଥ ଏହି ଅଭିଯାନ ଆରମ୍ଭ କରିଛି । କିଶୋର ଏବଂ କଲେଜ ଛାତ୍ରଛାତ୍ରୀ ମାନଙ୍କୁ ରେଳ ଟ୍ରାକ ନିକଟରେ ଏବଂ ରେଳ ପରିସରର ସମ୍ବେଦନଶୀଳ ଅଞ୍ଚଳରେ ସେଲଫି ନେବାର ବିପଦପୂର୍ଣ୍ଣ ଅଭ୍ୟାସ ସମ୍ବନ୍ଧରେ ସଚେତନତା କରାଇବା ପାଇଁ ପୂର୍ବତଟ ରେଳପଥ ଏକ ଅଭିଯାନ ଆରମ୍ଭ କରିଛି |

ରେଳ ଟ୍ରାକ ନିକଟରେ ଛୋଟ ଭିଡିଓ ଉତ୍ତୋଳନ କରିବା ଏବଂ ସେଲଫି ନେବା ପାଇଁ ପ୍ରୟାସ କରିବା ସମୟରେ ଯୁବବର୍ଗମାନେ ଦୁର୍ଘଟଣା ଯୋଗୁଁ ଦୁଃଖଦ ଭାବରେ ପ୍ରାଣ ହରାଇବା ଘଟଣା ବୃଦ୍ଧି ପାଇଥିବାରୁ ଏହି ପଦକ୍ଷେପ ନିଆଯାଇଛି | ରେଳବାଇ ଆଇନର ଧାରା ୧୪୭ ଏବଂ ୧୫୩ ଅନୁଯାୟୀ, ଚଳନ୍ତା ଟ୍ରେନ୍ ନିକଟରେ କିମ୍ବା ରେଳ ଟ୍ରାକରେ ସେଲ୍ଫି ନେଉଥିବା ବ୍ୟକ୍ତିଙ୍କୁ ଭାରୀ ଜରିମାନା, ଆଇନଗତ ପରିଣାମ କିମ୍ବା ଜେଲ୍ ମଧ୍ୟ ହୋଇପାରେ | ଟ୍ରାକରେ ସେଲ୍ଫି ନେବା ଉଚିତ୍ ନୁହେଁ ବିପଦପୂର୍ଣ୍ଣ ସ୍ଥାନରେ ସେଲଫି ନେବା ଦ୍ଵାରା ଜରିମାନା କିମ୍ବା ଜେଲଦଣ୍ଡ ହୋଇପାରେ ବୋଲ ପିତାମାତାଙ୍କୁ ମଧ୍ୟ ଏହି ବିପଦ ବିଷୟରେ ସେମାନଙ୍କ ପିଲାମାନଙ୍କୁ ପରାମର୍ଶ ଦେବାକୁ ଅନୁରୋଧ |