ଜଣେ ସମର୍ପିତ ରାମ ଭକ୍ତ ଥିଲେ କାମେଶ୍ୱର ଚୌପାଳ - ପ୍ରଧାନମନ୍ତ୍ରୀ
ଅର୍ଗସ ବ୍ୟୁରୋ: ଆଖିବୁଜିଲେ ରାମ ଜନ୍ମଭୂମି ଆନ୍ଦୋଳନର ପ୍ରଥମ କର ସେବକ କାମେଶ୍ୱର ଚୌପାଳ । ୬୯ ବର୍ଷ ବୟସରେ ତାଙ୍କର ଦେହାନ୍ତ ହୋଇଛି । କାମେଶ୍ୱର ଚୌପାଳ ଥିଲେ ୧୯୮୯ ମସିହାରେ ରାମ ଜନ୍ମଭୂମି ଆନ୍ଦୋଳନର ଏକ ପ୍ରମୁଖ ଚେହେରା ଏବଂ ଜଣେ ପ୍ରମୁଖ ନେତା ।
ସେ ଅଯୋଧ୍ୟାରେ ରାମ ମନ୍ଦିରର ପ୍ରଥମ ଭିତ୍ତିପ୍ରସ୍ତର ସ୍ଥାପନ କରିଥିଲେ । ଏହାସହ ସେ ମନ୍ଦିର ଟ୍ରଷ୍ଟରେ ମଧ୍ୟ ଏକ ଗୁରୁତ୍ୱପୂର୍ଣ୍ଣ ପଦବୀରେ ରହିଥିଲେ । ଶୁକ୍ରବାର ଦିନ ସେ ଦିଲ୍ଲୀର ଏକ ହସ୍ପିଟାଲରେ ଶେଷ ନିଶ୍ୱାସ ତ୍ୟାଗ କରିଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କ ଦେହାନ୍ତରେ ଶୋକ ପ୍ରକାଶ କରି କହିଛନ୍ତି ଯେ ସେ ଜଣେ ସମର୍ପିତ ରାମ ଭକ୍ତ ଥିଲେ ।
📱 Get Argus News App
✨ପ୍ରଧାନମନ୍ତ୍ରୀ X ରେ ଏନେଇ ଲେଖିଛନ୍ତି, "ବରିଷ୍ଠ ବିଜେପି ନେତା ଏବଂ ରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟର ଟ୍ରଷ୍ଟି କାମେଶ୍ୱର ଚୌପାଲ ଜୀଙ୍କ ବିୟୋଗରେ ମୁଁ ଗଭୀର ମର୍ମାହତ । ସେ ଜଣେ ସମର୍ପିତ ରାମ ଭକ୍ତ ଥିଲେ । ଯାହାଙ୍କର ଅଯୋଧ୍ୟାରେ ରାମ ମନ୍ଦିର ନିର୍ମାଣରେ ମୂଲ୍ୟବାନ ଅବଦାନ ରହିଥିଲା । ଏହାସହ ସମାଜରେ ଦଳିତ ବର୍ଗର ଲୋକଙ୍କ ପାଇଁ ସେ କରିଯାଇଥିବା କାର୍ଯ୍ୟ ସର୍ବଦା ମନେ ରହିବ । ଏହିଭଳି ମୁହୂର୍ତ୍ତର ଶୋକ ସନ୍ତପ୍ତ ପରିବାରକୁ ସମବେଦନା ଜଣାଇବା ସହ ଅମର ଆତ୍ମାର ସଦଗତି ନିମନ୍ତେ ପ୍ରାର୍ଥନା କରିଛନ୍ତି ପ୍ରଧାନମନ୍ତ୍ରୀ ।
भाजपा के वरिष्ठ नेता और राम जन्मभूमि तीर्थ क्षेत्र ट्रस्ट के ट्रस्टी कामेश्वर चौपाल जी के निधन से अत्यंत दुख हुआ है। वे एक अनन्य रामभक्त थे, जिन्होंने अयोध्या में राम मंदिर के निर्माण में बहुमूल्य योगदान दिया। दलित पृष्ठभूमि से आने वाले कामेश्वर जी समाज के वंचित समुदायों के… pic.twitter.com/pmqXNvvqfr
— Narendra Modi (@narendramodi) February 7, 2025