କେମିତି ଅଛନ୍ତି କେବିସି ସୋ'ର ପ୍ରଥମ କରୋଡପତି ? କଣ କରୁଛନ୍ତି, କେତେ ଟଙ୍କା ଇନକମ କରୁଛନ୍ତି ? ଏମିତି ପ୍ରଶ୍ନ ଆପଣ ସମସ୍ତଙ୍କ ମନରେ କେବେ ନା କେବେ ଆସୁଥିବ । ତେବେ ଆସନ୍ତୁ ଆଜି ଜାଣିବା "କୌନ ବନେଗା କରୋଡପତି" ର ପ୍ରଥମ କରୋଡପତି ବିଜେତା ହର୍ଷବର୍ଦ୍ଧନ ନୱାତେଙ୍କ ସମ୍ପର୍କରେ ।

କେବେସିର ପ୍ରଥମ ସୋ' ଆରମ୍ଭ ହୋଇଥିଲା ୨୦୦୦ ମସିହାରେ । ଯାହା ବର୍ତ୍ତମାନ ୨୫ ବର୍ଷରେ ପହଞ୍ଚିଛି । ବଲିଉଡ ବିଗ୍ ବି ହୋଷ୍ଟ କରୁଥିବା ଏହି ସୋ' ର ଲୋକପ୍ରିୟତା ବେଶ ଅଧିକ । ପ୍ରତ୍ୟେକ ଘରେ କେବିସି ସୋ' କୁ ଦର୍ଶକମାନେ ପସନ୍ଦ କରିଥାନ୍ତି । ସେଥିପାଇଁ ଏହି ସୋ' ଏବେ ଯାଏଁ ଦର୍ଶକଙ୍କ ପସନ୍ଦ ହୋଇ ରହିପାରିଛି । ତେବେ ଏହାର ୨୫ ତମ ସୋ'ରେ ଆସିଥିଲେ ପ୍ରଥମ କରୋଡପତି ହର୍ଷବର୍ଦ୍ଧନ ନୱାତେ ।

ହର୍ଷବର୍ଦ୍ଧନ ନୱାତେ ବର୍ତ୍ତମାନ ହଟ୍‌ସଟ୍‌ର ସିଇଓ ଅଛନ୍ତି । ତାଙ୍କର ବୟସ ୨୭ ହୋଇଥିବା ବେଳେ ସେ କରୋଡ଼ପତି ସୋ' କୁ ଆସିଥିଲେ, ଏବଂ ବିଜେତା ହୋଇଥିଲେ । ବର୍ତ୍ତମାନ ସେ ୫୨ ବର୍ଷରେ ପହଞ୍ଚିଛନ୍ତି । ପୂର୍ବବର୍ଷ ହର୍ଷବର୍ଦ୍ଧନ ନୱାତେ ଜେଏସଡବ୍ଲ୍ୟୁ ଗ୍ରୁପର ସିଇଓ ହୋଇଥିଲେ । ଏହାପୂର୍ବରୁ ମଧ୍ୟ ସେ ଅନେକ ବଡ ବଡ କମ୍ପାନୀ ନେଟୱେଷ୍ଟ ଗ୍ରୁପ , ୱେଲସ୍ପୁନ ଗ୍ରୁପ , ମହିନ୍ଦ୍ରା ଗ୍ରୁପରେ ନିଜର ଦକ୍ଷତା ଦେଖାଇଥିଲେ ।

ବର୍ତ୍ତମାନ ସେ କେବିସି ସୋ' କୁ ଆସିବା ପରେ ନିଜର ଜୀବନ କାହାଣୀ ସମସ୍ତଙ୍କ ସାମ୍ନାରେ ବର୍ଣ୍ଣନା କରିଥିଲେ । ସେ କହିଥିଲେ , "ପୁଣି ଥରେ ଏହି ସୋ'କୁ ଏତେ ବର୍ଷ ପରେ ଆସି ଖୁବ ଖୁସି ଲାଗୁଛି । ଏହି ସୋ' ମତେ ବେଶ ସଫଳତା ଦେଇଛି । ସୋ' ରେ ଜିତିବା ପରେ ମତେ ଟଙ୍କା ତ ମିଳିଛି, ତା ସହ ଖୁବ ପ୍ରଶଂସା ମଧ୍ୟ ମିଳିଛି । ବହୁତ ଲୋକଙ୍କ ଭଲପାଇବା ମଧ୍ୟ ମିଳିଛି ।
ମୁଁ କେବେ ବି ଭାବିନଥିଲି, ଗୋଟେ ସୋ' ଜିତିବା ପରେ ମତେ ଏତେ ବର୍ଷ ଯାଏଁ ଭଲ ପାଇବା ମିଳିବ । ଆଜି ବି ଲୋକମାନେ ମତେ ମନେ ରଖିଛନ୍ତି, ତାହା ମୋ ପାଇଁ ଖୁବ ବଡ କଥା । କେବେସି ରୁ ଆସିବା ପରେ ମତେ ସିକ୍ୟୁରିଟି ମଧ୍ୟ ମିଳିଥିଲା। ଅନେକ ଲୋକ ମୋର ଅଟୋଗ୍ରାଫ ପାଇଁ ମୋ ଘର ପାଖରେ ଅପେକ୍ଷା କରୁଥିଲେ । ପ୍ରଥମ କିଛି ମାସ ମୁଁ ଏକପ୍ରକାର ରକ୍‌ଷ୍ଟାର ଲାଇଫ ଭଳି ବଞ୍ଚୁଥିଲି ।"

କେବିସି ତାଙ୍କ ଜୀବନ ବଦଳେଇ ଦେଇଥିବା କହିଛନ୍ତି ହର୍ଷବର୍ଦ୍ଧନ ।

View this post on Instagram

A post shared by Sony Entertainment Television (@sonytvofficial)

Argus News | argus news | Odisha Latest News, Breaking News, Trending News, Live TV