ମହାକାଶ ଯାତ୍ରା ଆରମ୍ଭ ପରେ ପ୍ରଥମ ପ୍ରତିକ୍ରିୟା ଦେଇଛନ୍ତି ଶୁଭାଂଶୁ, ଜାଣନ୍ତୁ...
Key Points
୧୨ଟା ୧ରେ ନାସାର କେନେଡ଼ି ସ୍ପେସ୍ ସେଣ୍ଟରରୁ ଲଞ୍ଚ୍ ହେଲା ଆକ୍ସିଅମ୍-୪ ମିଶନ୍ ।
ପୃଥିବୀ ଚାରିପଟେ ସେକେଣ୍ଡ ପ୍ରତି ୭.୫ କିମି ବେଗରେ ଗତି କରୁଛୁ ।
ଫାଲକନ୍ ୯ ରକେଟ୍ ଦ୍ବାରା ମହାକାଶ କେନ୍ଦ୍ରକୁ ଯାତ୍ରା କରିଛନ୍ତି ୪ ମହାକାଶଚାରୀ ।
ବହୁ ପ୍ରତୀକ୍ଷାର ଅନ୍ତ ହେଲା । ଆରମ୍ଭ ହେଲା ଗ୍ରୁପ୍ କ୍ୟାପଟେନ୍ ଶୁଭାଂଶୁଙ୍କ ଶୁଭଯାତ୍ରା । ଏହି ଯାତ୍ରା ବେଳେ ଗ୍ରୁପ୍ କ୍ୟାପଟେନ୍ ଶୁଭାଂଶୁ ଶୁକ୍ଳାଙ୍କ ନିଜର ପ୍ରତିକ୍ରିୟା ରଖିଛନ୍ତି । ସେ ଦେଶବାସୀଙ୍କୁ ନମସ୍କାର ଜଣାଇବା ସହ ୪୧ ବର୍ଷ ପରେ ଆମେ ପୁଣି ଥରେ ମହାକାଶ ମିଶନରେ ସାମିଲ ହୋଇଛୁ ବୋଲି ସେ କହିଛନ୍ତି । ଏହା ଏକ ସୁନ୍ଦର ଯାତ୍ରା ।
ପୃଥିବୀ ଚାରିପଟେ ସେକେଣ୍ଡ ପ୍ରତି ୭.୫ କିମି ବେଗରେ ଗତି କରୁଛୁ । ମୋ କାନ୍ଧରେ ଥିବା ତ୍ରିରଙ୍ଗା ମୋତେ ଆପଣମାନଙ୍କ ସହ ଥିବା ମନେ ପକାଇ ଦେଉଛି । ଆନ୍ତର୍ଜାତିକ ମହାକାଶ କେନ୍ଦ୍ରକୁ ଭାରତର ମାନବ ମିଶନ ପାଇଁ ଏହା ଏକ ନୂଆ ଆରମ୍ଭ । ଆପଣମାନେ ସମସ୍ତେ ଏହି ଯାତ୍ରାରେ ସାମିଲ ହୁଅନ୍ତୁ । ଆପଣମାନଙ୍କର ଛାତି ଗର୍ବରେ ଫୁଲି ଉଠୁଥିବ । ଆମେ ସମସ୍ତେ ମିଶି ମହକାଶକୁ ଭାରତର ମାନବ ମିଶନ ଆରମ୍ଭ କରିବା... ଜୟ ହିନ୍ଦ, ଜୟ ଭାରତ ।
ତେବେ ନାସାର କେନେଡି ସ୍ପେସ୍ ସେଣ୍ଟରରୁ ଫାଲକନ୍ ୯ ରକେଟ୍ ଦ୍ବାରା ମହାକାଶ କେନ୍ଦ୍ର ଅଭିମୁଖେ ଯାତ୍ରା ଆରମ୍ଭ କରିଛନ୍ତି ୪ ମହାକାଶଚାରୀ । ନିର୍ଦ୍ଧାରିତ ସମୟ ୧୨ଟା ୧ରେ ନାସାର କେନେଡ଼ି ସ୍ପେସ୍ ସେଣ୍ଟରରୁ ଲଞ୍ଚ୍ ହେଲା ଆକ୍ସିଅମ୍-୪ ମିଶନ୍ । ମହାକାଶକୁ ଉଡ଼ାଣ ଭରି ଇତିହାସ ରଚିଲେ ଶୁଭାଂଶୁ ଶୁକ୍ଳା ।
୧୪ ଦିନିଆ Axiom-4 ମିଶନ ଦ୍ବାରା ହେବ ୬୦ଟି ପରୀକ୍ଷା । ଏହି ମିଶନରେ ଶୁଭାଂଶୁଙ୍କ ସମେତ ଅଛନ୍ତି ୪ ମହାକାଶଚାରୀ । ଆସନ୍ତାକାଲି ଭାରତୀୟ ସମୟ ଅପରାହ୍ନ ୪ଟା ୩୦ରେ ହେବ ଡକିଂ । ୩ ମହାକାଶଚାରୀଙ୍କ ସହ ଅନ୍ତର୍ଜାତୀୟ ସ୍ପେଶ୍ ଷ୍ଟେସନ୍ ଯାଇଛନ୍ତି ଭାରତୀୟ ମହାକାଶଚାରୀ ଶୁଭାଂଶୁ ଶୁକ୍ଲା । ଭାରତୀୟ ବାୟୁସେନା ଗ୍ରୁପ୍ କ୍ୟାପ୍ଟେନ୍ ଶୁଭାଂଶୁ ଶୁକ୍ଲା ଏହି ଐତିହାସିକ ଯାତ୍ରାରେ ସାମିଲ ହୋଇ ପ୍ରଥମ ଥର ପାଇଁ ମହାକାଶକୁ ଯାଇଛନ୍ତି । ଏହାସହ ଦ୍ବିତୀୟ ଭାରତୀୟ ଭାବେ ରେକର୍ଡ ସୃଷ୍ଟି କରିଛନ୍ତି ଶୁଭାଂଶୁ । ପୂର୍ବରୁ ପ୍ରଥମ ଭାରତୀୟ ଭାବେ ୧୯୮୪ରେ ମହାକାଶ ଯାଇଥିଲେ ରାକେଶ ଶର୍ମା ।
