ବିମାନ ଯାତ୍ରା। କାହାକୁ ଭଲ ଲାଗେ ତ କାହାକୁ ଭଲ ଲାଗେ ନାହିଁ। କେହି କେହି ଡ଼ରିଥାନ୍ତି ବିମାନରେ ବସିବା ପାଇଁ। କିନ୍ତୁ ଆଜିକାଲିର ଲୋକେ ପ୍ରାୟ ସମସ୍ତେ ବିମାନରେ ଯାତ୍ରା କରିଥିବେ। ଦୂର ସ୍ଥାନକୁ ବୁଲିଯିବା ପାଇଁ ହେଲେ ଆମେ ବିମାନରେ ଯାତ୍ରା କରିଥାଉ। କିନ୍ତୁ କେବେ ଲକ୍ଷ୍ୟ କରିଛନ୍ତି କି ସିଟ୍ ନମ୍ବର ୧୨ ପରେ ସିଟ୍ ନମ୍ବର ୧୪ ଆସିଯାଏ ? ତେବେ କାହିଁକି ନଥାଏ ସିଟ୍ ନମ୍ବର ୧୩ ଆପଣ ଜାଣନ୍ତି କି ? କେବଳ ୧୩ ନୁହେଁ କିଛି ଅନ୍ତର୍ଜାତୀୟ ବିମାନରେ କେବଳ ୧୩ ନୁହେଁ ବରଂ ୧୭କୁ ମଧ୍ୟ ହଟାଯାଇଥାଏ । ବାସ୍ତବରେ ୧୩ ସଂଖ୍ୟାକୁ ଅଶୁଭ ବୋଲି ଭାବିବାର ପରମ୍ପରା ଶତାବ୍ଦୀ ଧରି ଚାଲିଆସିଛି ।

ଅନେକ ଲୋକ ୧୩ ସଂଖ୍ୟାକୁ ଧାର୍ମିକ ଏବଂ ଐତିହାସିକ ଘଟଣା ସହିତ ଜଡିତ କରନ୍ତି । ୟୁରୋପୀୟ ପରମ୍ପରାରେ ୧୩ ଦୁର୍ଭାଗ୍ୟ ସହିତ ଜଡିତ । ଯାହା ଅନେକ ସଂସ୍କୃତିରେ ଏହି ସଂଖ୍ୟାକୁ ଅପସନ୍ଦ କରିଛି । ଅନେକ ଯାତ୍ରୀ ୧୩ ନମ୍ବର ସହିତ ଅସହଜ ଅନୁଭବ କରନ୍ତି । ଏଥିପାଇଁ ଅନେକ ଏୟାରଲାଇନ୍ସ ୧୩ନଂ ରୋକୁ ଛାଡି ଦିଅନ୍ତି । ଏଥିପାଇଁ ବିମାନରେ ସିଟ୍ ନମ୍ବର ୧୨ ପରେ ସିଟ୍ ନମ୍ବର ୧୪ ଆସିଥାଏ। ଅନ୍ୟପକ୍ଷରେ ୟୁନାଇଟେଡ୍ ଏୟାରଲାଇନ୍ସ ପ୍ରାୟତଃ ରୋ ୧୩ ଏବଂ ୧୪ ଉଭୟ ନଥାଏ କାରଣ ଚୀନ୍ ସଂସ୍କୃତିରେ ୧୪ ର ଅର୍ଥ 'ମୃତ୍ୟୁ'। ୟୁରୋପରେ ଲୁଫ୍ଥାନସା, ରାୟାନଏୟାର, ଆଇବେରିଆ, ଏୟାର ଫ୍ରାନ୍ସ ଏବଂ ଏସିଆରେ ସିଙ୍ଗାପୁର ଏୟାରଲାଇନ୍ସ, କ୍ୟାଥେ ପାସିଫିକ୍ ଭଳି ଏୟାରଲାଇନ୍ସର ସିଟ୍ ନମ୍ବର ୧୩ ନାହିଁ।

ମଧ୍ୟପ୍ରାଚ୍ୟରେ ଏମିରେଟ୍ସ ଓ କତାର ଏୟାରୱେଜ୍ ମଧ୍ୟ ଏହି ପରମ୍ପରାକୁ ଅନୁସରଣ କରନ୍ତି। ଠିକ ସେହିପରି ଦେଶରେ ୧୭ ସଂଖ୍ୟାକୁ ମଧ୍ୟ ଅଶୁଭ କୁହାଯାଏ । ଜର୍ମାନ ବିମାନ କମ୍ପାନୀ ଲୁଫ୍ଥାନସା କହିଛି ଯେ ସେମାନେ ସାରା ବିଶ୍ୱର ଯାତ୍ରୀଙ୍କ ବିଶ୍ୱାସକୁ ସମ୍ମାନ କରନ୍ତି। ସେଥିପାଇଁ ଯାହା ଦ୍ୱାରା ସମସ୍ତ ଯାତ୍ରୀ ଆରାମରେ ଯାତ୍ରା କରିପାରିବେ। 

ଅଧିକ ପଢ଼ନ୍ତୁ ଦେଶ ଖବର: