କୋଲକାତା ଲଜ୍ଜା, ସିବିଆଇକୁ ଭେଟି ଡାକ୍ତର ଅନ୍ୟ ଅଭିଯୁକ୍ତଙ୍କ ଗିରଫ ଦାବି
ଅର୍ଗସ ବ୍ୟୁରୋ: କୋଲକାତା ଲଜ୍ଜା । ସାରା ଦେଶରେ ବଢୁଛି ବିରୋଧ । ସିବିଆଇକୁ ଭେଟି ଡାକ୍ତର ଅନ୍ୟ ଅଭିଯୁକ୍ତଙ୍କ ଗିରଫ ଦାବି କରିଛନ୍ତି। ସେପଟେ କୋଲକାତା ସିଆଲଦାର ସ୍ବତନ୍ତ୍ର ଅଦାଲତ, ଅଭିଯୁକ୍ତ ସଂଜୟ ରାୟକୁ 14 ଦିନିଆ ବିଚାର ବିଭାଗୀୟ ହାଜତକୁ ପଠାଇ ଦେଇଛନ୍ତି । ଶୁକ୍ରବାର ସଞ୍ଜୟକୁ କଡ଼ା ସୁରକ୍ଷା ବଳୟ ଭିତରେ ସିଆଲଦା ସିଭିଲ ଓ କ୍ରିମିନାଲ କୋର୍ଟରେ ହାଜର କରିଥିଲା ସିବିଆଇ । କୋର୍ଟ ନିକଟରେ ପହଞ୍ଚି ବିକ୍ଷୋଭ କରିଥିଲେ ବହୁ ସଂଖ୍ୟାରେ ଆନ୍ଦୋଳନକାରୀ। ଏପଟେ ଆକ୍ସନ ମୋଡରେ ଥିବା ସିବିଆଇ ଆରଜି କର ମେଡିକାଲ କଲେଜର ପୂର୍ବତନ ଅଧ୍ୟକ୍ଷ ଅଭିଯୁକ୍ତ ସନ୍ଦୀପ ଘୋଷଙ୍କ ସହ ଅନ୍ୟ 4 ଜଣଙ୍କ ପଲିଗ୍ରାଫ ଟେଷ୍ଟ କରିବ ।
ଅନ୍ୟ ଅଭିଯୁକ୍ତଙ୍କୁ ଗିରଫ ସହ ଡାକ୍ତରଙ୍କ ସୁରକ୍ଷା ବୃଦ୍ଧି ଦାବିରେ ଆନ୍ଦୋଳନ ଜାରି ରଖିଥିବା ଡାକ୍ତର ସଂଘର 10 ଜଣିଆ ପ୍ରତିନିଧି ସିବିଆଇକୁ ଏନେଇ ଭେଟି ଦାବିପତ୍ର ଦେଇଛନ୍ତି । ଏପରି ସମୟରେ ସଂଜୟଙ୍କ ଶାଶୁଙ୍କୁ ପ୍ରତିକ୍ରିୟା ସାମ୍ନାକୁ ଆସିଛି । ଦୋଷୀକୁ ଉଚିତ ଦଣ୍ଡ ମିଳୁ ବୋଲି କହିଛନ୍ତି ସଂଜୟଙ୍କ ଶାଶୁ ।
ଅଧିକ ପଢ଼ନ୍ତୁ ଦେଶ ଖବର:
