ଅର୍ଗସ ବ୍ୟୁରୋ: ଆଜି ସକାଳୁ ସକାଳୁ ପୂର୍ବଯୋଜନା ମୁତାବକ 7ଟି ସ୍ଥାନରୁ ବାହାରିଥିଲେ ଛାତ୍ର ସମାଜ । କଲେଜ ଷ୍ଟ୍ରିଟ, ସତରାଗାଛି, ଭିକ୍ଟୋରିଆ ମେମୋରିଆଲ, ଧର୍ମତାଲା ଏହିପରି 7ଟି ସ୍ଥାନରୁ ବାହାରି ନବାର୍ଣ୍ଣାୋ ଅର୍ଥାତ ମମତା ଦିଦିଙ୍କ କାର୍ଯ୍ୟାଳୟ ମୁହାଁ ହୋଇଥିଲେ । ହେଲେ ପୋଲିସ ସେମାନଙ୍କୁ ଅଟକାଇବା ପାଇଁ ସମସ୍ତ ପ୍ରକାର ବନ୍ଦୋବସ୍ତ କରିଥିଲା । ଯେତେବେଳେ ହାଓଡା ନିକଟରେ ଆନ୍ଦୋଳନକାରୀମାନେ ଏକାଠି ହେଲେ କିଛି ଏହିପରି ଦୃଶ୍ୟ ଦେଖିବାକୁ ମିଳିଥିଲା ।

ପ୍ରଥମେ ଲୁହା ବାରିକେଟରେ ଆନ୍ଦୋଳନକାରୀଙ୍କୁ ଅଟକାଇବାକୁ ଚେଷ୍ଟା କରିଥିଲା ପୋଲିସ । ଲୁହା ବାରିକେଟ ଦେହରେ ମୋଡା ମୋବିଲ ଲଗାଯାଇଥିଲା । କେହି ଚଢିବାକୁ ଚେଷ୍ଟା କଲେ ପଡିଯିବ । ତା ପରେ ବାଉଁଶ ବାରିକେଟ ଆଉ କଣ୍ଟେନର । ବିକ୍ଷୋଭକାରୀଙ୍କୁ ଘଉଡାଇବା ପାଇଁ ଲୁହ ବୁହା ଗ୍ୟାସ ପ୍ରୟୋଗ କରାଯାଇଥିଲା । କିଛି ବି ପରିସ୍ଥିତିରେ ବିକ୍ଷୋଭକାରୀଙ୍କୁ ରୋକିବା ପାଇଁ ତୁହା କୁ ତୁହା ପାଣି ମାଡ଼ କରାଯାଇଥିଲା । 

ଇଏ ହେଉଛି ସେହି ସମୟର ଦୃଶ୍ୟ। ସ୍ଥିତି ଏପରି ହେଲା କି ପୋଲିସକୁ ଲାଠି ଚାର୍ଜ କରିବାକୁ ପଡିଥିଲା । ଏତେତେଣେ ଦୋଡିଥିଲେ ବିକ୍ଷୋଭକାରୀ ।

ସମସ୍ତଙ୍କର ସେହି ଗୋଟିଏ ଦାବି, ମମତା ଦିଦି ତୁରନ୍ତ ଇସ୍ତଫା ଦିଅନ୍ତୁ, ପିଡିତାଙ୍କ ପରିବାରକୁ ନ୍ୟାୟ ମିଳୁ ଏବଂ ଦୋଷୀଙ୍କୁ ଦଣ୍ଡ ମିଳୁ । ନ୍ୟାୟ ନ ମିଳିବା ପର୍ଯ୍ୟନ୍ତ ଏହିପରି ଆନ୍ଦୋଳନ ଜାରି ରହିବ ବୋଲି ସେମାନେ ଧମକ ଦେଇଛନ୍ତି । ସୋସିଆଲ ମିଡିଆରେ ଆନ୍ଦୋଳନ କରିବା ପାଇଁ ପୂର୍ବରୁ ଆହ୍ବାନ ଦେଇଥିଲା ପଶ୍ଚିମବଙ୍ଗ ଛାତ୍ର ସମାଜ । ଆଉ ଏହି ଡାକରାରେ ସାମିଲ ହୋଇଥିଲେ ହଜାର ହଜାର ବିକ୍ଷୋଭକାରୀ ।

ଡାକ୍ତରୀ ଛାତ୍ରୀଙ୍କୁ ଦୁଷ୍କର୍ମ ଓ ହତ୍ୟା ମାମଲାରେ ଗିରଫ ସଞ୍ଜଯ ରାୟର ପଲିଗ୍ରାଫ ଟେଷ୍ଟ ସରିଛି । ସେପଟେ ସନ୍ଦିପ  ଘୋଷର ଘରେ ସିବିଆଇ ରେଡ କରିସାରିଛି । ଏପରି ସ୍ଥିତିରେ ନ୍ୟାୟ ଦାବିରେ ଏବେ କୋଲକାତା ଜଳୁଛି । ସାଧାରଣ ଲୋକଙ୍କୁ ବି ଏଥିରୁ ନିସ୍ତାର ମିଳୁନି । ମମତା ସରକାର କାହିଁକି ଚୁପ ବସିଛନ୍ତି , ଦୃଷ୍ଟାନ୍ତ ମୂଳକ କାର୍ଯ୍ୟାନୁଷ୍ଠାନ ନେଇନାହାନ୍ତି ତାକୁ ନେଇ ବଡ଼ ପ୍ରଶ୍ନବାଚୀ ସୃଷ୍ଟି ହୋଇଛି । 

ଆହୁରି ପଢନ୍ତୁ ଭାରତ ଖବର...