ନୂଆଦିଲ୍ଲୀ: ଅଦାଲତରୁ ଆଉ ଶୁଣିବାକୁ ମିଳିବନି ତାରିଖ ପରେ ତାରିଖ । ନୂଆ ଅପରାଧିକ ନିୟମ କହୁଛି ତୁରନ୍ତ ହେବ ନିଷ୍ପତ୍ତି ଆଉ ତୁରନ୍ତ ଦଣ୍ଡବିଧାନ। ଦୁଷ୍କର୍ମକାରୀଙ୍କୁ ମିଳିବ ଫାଶୀ । ଲୋକସଭାରେ ଅପରାଧ ଜନିତ ତିନୋଟି ବିଧେୟକ ପାସ୍‌ ହୋଇଛି। ଗୃହମନ୍ତ୍ରୀ ଅମିତ ଶାହ ଲୋକ ସଭାରେ ଏହି ତିନି ନୂଆ ଅପରାଧିକ ଆଇନ୍ ଉପରେ ମନ୍ତବ୍ୟ ରଖିଥିଲେ । ପ୍ରସ୍ତାବିତ ଆଇନ୍‌ ଅନୁଯାୟୀ, ଦୁଷ୍କର୍ମ ଅପରାଧ ପାଇଁ ମୃତ୍ୟୁଦଣ୍ଡର ବ୍ୟବସ୍ଥା ହୋଇଛି । ଗୁରୁତ୍ୱପୂର୍ଣ୍ଣ କଥା ହେଲା ଦୁଷ୍କର୍ମରେ ଲିପ୍ତ ଥିବା ଅଭିଯୁକ୍ତକୁ ବି ମୃତ୍ୟୁଦଣ୍ଡ ଦିଆଯିବ । ଦୁଷ୍କର୍ମ ଏକ ଘୃଣ୍ୟ ଚିନ୍ତାଧାରା ଓ ଅପରାଧ । ନୂଆ ଆଇନ୍‌ରେ ଦୁଷ୍କର୍ମକାରୀକୁ ଫାଶୀ ଦେବର ବ୍ୟବସ୍ଥା କରୁଛୁ ବୋଲି ଶାହ କହିଥିଲେ।

ବିରୋଧିଙ୍କୁ ସିଧା ବାଣ ମାରିଥିଲେ ଶାହା । କହିଥିଲେ ଯେ କଂଗ୍ରେସ ମଧ୍ୟ ଦେଶରେ ବହୁ ବର୍ଷ ଶାସନ କରିଛି । ହେଲେ ଦୁଷ୍କର୍ମକାରୀଙ୍କ ବିରୋଧରେ କାହିଁକି ଆଇନ ତିଆରି କଲେ ନାହିଁ ? ବିରୋଧି କଥା ବନେଇ ଜାଣିଛି, ଗାଳି ଦେଇ ଜାଣିଛି । ହେଲେ ସତାରେ ରହିଥିବାବେଳେ ଆଇନ୍‌ ବନେଇବା ଭୁଲି ଯାଇଥିଲେ । ନୂଆ ବିଧେୟକର ଉଦ୍ଦେଶ୍ୟ ହେଲା, ଦେଶରେ ଅପରାଧିକ ନ୍ୟାୟ ପ୍ରଣାଳିକୁ ପୁର୍ନଜୀବିତ କରିବା । ତିନୋଟି ନୂଆ ବିଧେୟକ ହେଉଛି, ଭାରତୀୟ ନ୍ୟାୟ ସିଂହିତା ବିଲ ୨୦୨୩, ଭାରତୀୟ ନାଗରୀକ ସୁରକ୍ଷା ସଂହିତା ବିଲ ୨୦୨୩ ଏବଂ ଭାରତୀୟ ସାକ୍ଷ ବିଧେୟକ ୨୦୨୩ । ୧୫୦ ବର୍ଷ ପରେ ଏହି ତିନି ଆଇନରେ ପରିବର୍ତ୍ତନ ଅଣାଯିବା ଏକ ଗର୍ବର ବିଷୟ । ତେବେ ଲୋକସଭାରେ ଶାହା କହିଥିଲେ ଇଂଗ୍ରେଜଙ୍କ ଜମାନା କେବେଠୁ ଶେଷ ହୋଥିଲା କିନ୍ତୁ ତାଙ୍କର ଆଇନ୍‌ ରହିଯାଇଥିଲା । କିନ୍ତୁ ଏବେ ଇଂଗ୍ରେଜଙ୍କ ଆଇନ୍‌ର ମଧ୍ୟ ସମପ୍ତା ଘଟିଲା । ଶାହାଙ୍କ ଏମିତି ମନ୍ତବ୍ୟକୁ ନେଇ ଏବେ ଭାରି ଚର୍ଚ୍ଚା ।

ଅଧିକ ଦେଖନ୍ତୁ:

Argus News | argus news | Odisha Latest News, Breaking News, Trending News, Live TV