Family Story / ବାପାଙ୍କ ଶେଷ ପ୍ରତିଶ୍ରୁତିରେ କଇଁ କଇଁ କାନ୍ଦିଲା କୁନି ପୁଅ

ମୃତ୍ୟୁ ପୂର୍ବରୁ ପୁଅକୁ ବାପା ପଢ଼ାଇଲେ କର୍ତ୍ତବ୍ୟର ପାଠ... ମୁଁ ମରିଗଲା ପରେ ତୁ ଘରର ମୁରବି ହେବୁ ବୋଲି କହିଲେ । କୁନି ପୁଅକୁ ଦେଲେ ପରିବାରକୁ ସମ୍ଭାଳିବାର ମହାନ ମନ୍ତ୍ର । ବାପାଙ୍କର ଶେଷ କଥା ଶୁଣି କଇଁ କଇଁ ହୋଇ କାନ୍ଦିଲା ପୁଅ । ସେ ପରା ଏବେ ପରିବାର କ'ଣ ବୁଝିନି । ବହିର ପାଠକୁ ବୁଝୁ ନଥିବା ପୁଅଟି ପରିବାର ସମ୍ଭାଳିବାର ପାଠକୁ ବା କେମିତି ବୁଝିବ ।

କଣ୍ଢେଇ ସହ ଖେଳୁଥିବା ପୁଅଟି କେମିତି ବା ଏତେ ବଡ଼ ଦାୟିତ୍ବକୁ ମୁଣ୍ଡରେ ମୁଣ୍ଡାଇବ । କିନ୍ତୁ ସେ ସବୁକିଛି ବୁଝିଛି । ପାଖରେ ବଶି ଗୋଟି ଗୋଟି କଥା ଶୁଣିଛି ବାପାର ମୁହଁରୁ । ବାପାକୁ ପ୍ରତିଶ୍ରୁତି ଦେଇଛିକି ପୁରା ପରିବାରକୁ ସମ୍ଭାଳିବି ବୋଲି । ହାତରେ ହାତ ମିଶାଇ କହିଛି ବାପା ତୁମେ ବିଲକୁଲବି ବ୍ୟସ୍ତ ହୁଅନ୍ତି ।

ମୃତ୍ୟୁର କିଛି ଦିନ ପୂର୍ବରୁ ବାପା ପୁଅ ଭିତରେ ପ୍ରତିଶ୍ରୁତିର ସେ ଦୁଃଖଭରା ମୁହୂର୍ତ୍ତ । ଯିଏ ଦେଖୁଛି ତା ଆଖିରୁ ଲୁହ ଝରି ପଡ଼ୁଛି । ବାପାର ସେ ହୃଦୟ ବିଦାରକ କଥା ସମସ୍ତଙ୍କୁ ଅଜି କନ୍ଦାଇ ଦେଇଛି । ବାପା କିଛି ଏମିତି କହୁଛି ପୁଅକୁ ।

ବାପାରେ ତୁ ହେଉଛି ମୋର ହିରୋ... ମୋର ସବୁ କିଛି ତୁ...ଏବେ ପୁରା ପରିବାର ତତେ ଲାଗିଲାରେ । ବାପାରେ ମୁଁ କିଛିଦିନ ପରେ ବହୁତ ଦୂରକୁ ଚାଲିଯିବି... ମୁଁ ଆଉ କେବେ ବି ଫେରିବିନିରେ... ମୁଁ ଚାଲିଗଲା ପରେ ତୁ ତୋ ମା' ଆଉ ଦୁଇ ଭଉଣୀଙ୍କର ଭଲଭାବରେ ଯତ୍ନ ନେବୁ । ମୋ ପୁଅରେ ମୋତେ ଆଉ ତୁ କେବେ ଖୋଜିବୁନି... ମୋତେ ମନେପକାଇ କେବେ କାନ୍ଦିବୁନି । ତୁ ପରା ମୋ ହିରୋ ପୁଅ । ମୁଁ ଜାଣିଛି ତୁ ସବୁ ସମୟକୁ ଜିତିଯିବୁ । ମୋତେ କଥା ଦେ, ମୁଁ ଚାଲିଗଲାପରେ ତୁ ତୋ ମା' ଆଉ ଦୁଇ ଭଉଣୀଙ୍କର ଭଲ ଭବାରେ ଯତ୍ନ ନେବୁ । ମୁଁ ସବୁବେଳେ ତୋ ପାଖରେ ରହିଛି । ଉପରେ ତାରା ହେଇ ତତେ ଦେଖୁଥିବି ।

ମେଡିକାଲ ବେଡ ଉପରେ ମୃତ୍ୟୁ ସହ ଲଢ଼ୁଥିବା ବାପା କିଛି ଏମିତି ପ୍ରତିଶ୍ରୁତି ନେଇଛି ପୁଅଠାରୁ । ଜୀବନ କ'ଣ ଜାଣିନଥିବା ପୁଅକୁ ଦେଇଛି ପୁରା ପରିବାରର ଦାୟିତ୍ବ । କୁନି ବୟସରେ ପୃଥିବୀ ଠାରୁ ଓଜନିଆ ଦାୟିତ୍ବକୁ ବାପା ଆଜି ପୁଅର ମୁଣ୍ଡରେ ଲଦି ଦେଇଛନ୍ତି । ହେଲେ ମନ ବୁଝୁନି ସେ ବାପା ପରା । କେମିତି ବା ପୁଅ ମୁଣ୍ଡରେ ଏତେ ବଡ଼ ଦାୟିତ୍ବକୁ ଲଦିଦେବେ । କିନ୍ତୁ ମୃତ୍ୟୁକୁ କିଏ ବା ଅଟକାଇବ। ଆଉ କିଛିଦିନ ପରେ ଚାଲିଯିବେ ବାପା । ଡାକ୍ତର ମୃତ୍ୟୁର ସମୟ ଦେଇ ସାରିଛନ୍ତି। ସବୁସ୍ତଙ୍କୁ ଛାଡ଼ି ଚାଲିଯିବେ । ପଛରେ ରହିଯାଇଥିବେ ସ୍ତ୍ରୀ ପିଲା ସମସ୍ତେ ।

ଭିଡିଓରେ ଦେଖିବାକୁ ମିଳିଛି ଟର୍ମିନାଲ କ୍ୟାନ୍ସରରେ ପିଡ଼ୀତ ଥିବା ବ୍ୟକ୍ତି ତାଙ୍କ ପୁଅ ମନ୍ତ୍ରକୁ ପାଖକୁ ଡାକୁଛନ୍ତି । ପୁଅର ହାତକୁ ଧରି ପଢ଼ାଉଛନ୍ତି କର୍ତ୍ତବ୍ୟ ସେ କରୁଣ ପାଠ । ବାପା କହୁଛନ୍ତି ତୁ ମା'କୁ ହଇରାଣ କରିବୁନି । ଦୁଇ ଭଉଣୀଙ୍କର ଭଲଭାବରେ ଯତ୍ନ ନେବୁ । ପୁଅ ମନ୍ତ୍ର ବାପାର ସବୁ କଥା ଶୁଣୁଛି । ବାପା ଆଖିରେ ଲୁହକୁ ଦେଖି କୁନି ପୁଅଟି କାନ୍ଦି ପକାଉଛି । ବାପାକୁ କହୁଛି ହଁ ବାପା ମୁଁ ସମସ୍ତଙ୍କର ଯନ୍ତ୍ର ନେବି । ପୁଅର କାନ୍ଦ ଦେଖି ବାପା କହୁଛି ତୁ କେନ୍ଦେନା । ତୁ ପରା ମୋ ହିରୋ ପୁଅ । ଏ ବିଷୟଟି ଆଜି ସମସ୍ତଙ୍କ ଆଖିରେ ଲୁହ ଆଣିଦେଇଛି । ଯେଉଁ ପୁଅ ତା ବାପାଙ୍କୁ ହରାଇ ଦେଇଛି ସେ ବେସ ଭଲ ଭାବରେ ବୁଝି ପାରୁଥିବ ବାପା ଜୀବନରେ କେତେ ଜରୁରୀ ।