ଅର୍ଗସ ବ୍ୟୁରୋ: ସଂସଦରେ ଅଜ୍ଞାତ ଯୁବକଙ୍କ ଅନୁପ୍ରବେଶ ମାମଲାରେ ବଡ଼ଧରଣର କାର୍ଯ୍ୟାନୁଷ୍ଠାନ । 8 କର୍ମଚାରୀଙ୍କୁ ସସପେଣ୍ଡ କଲା ଲୋକସଭା ସଚିବାଳୟ । ବୁଧବାର ଲୋକସଭା ଦର୍ଶକ ଗ୍ୟାଲେରିରୁ ଜଣେ ଅଜ୍ଞାତ ଯୁବକ ସାଂସଦମାନେ ବସିଥିବା ସ୍ଥାନକୁ ଡେଇଁ ପଡିଥିଲେ । ଏହି ମାମଲାରେ 5 ଜଣଙ୍କୁ ଗିରଫ କରାଯାଇଥିବାବେଳେ ଏକ ଅନୁସନ୍ଧାନକାରୀ ଟିମ୍ ଗଠନ କରିଛି କେନ୍ଦ୍ରଗୃହ ମନ୍ତ୍ରାଳୟ ।

ସେପଟେ ସଂସଦ ଭବନ ପରିସରରେ ବଢ଼ିଲା ସୁରକ୍ଷା ବ୍ୟବସ୍ଥା । ଗତକାଲିର ଘଟଣା ପରେ ବଢ଼ିଲା ସୁରକ୍ଷା ବ୍ୟବସ୍ଥା। ସଂସଦରେ ପ୍ରବେଶ ପୂର୍ବରୁ ସୁରକ୍ଷାକର୍ମୀଙ୍କ ଦ୍ବାରା କଡ଼ା ଯାଞ୍ଚ ହେଉଛି । କେବଳ ମକର ଦ୍ୱାର ଦେଇ ସାଂସଦଙ୍କୁ ପ୍ରବେଶ ଅନୁମତି ରହିଛି । ସଂସଦ ଭବନକୁ ଆସୁଥିବା ସମସ୍ତଙ୍କୁ କଡ଼ା ଚେକିଂ କରାଯାଉଛି । ଜୋତା ଖୋଲି ସମସ୍ତଙ୍କ ଚେକିଂ କରୁଛନ୍ତି ସୁରକ୍ଷାକର୍ମୀ ।
 

ସଂସଦରେ ସୁରକ୍ଷା ଉଲ୍ଲଂଘନ ଘଟଣା; କାରଣ ଖୋଜିବ ଅନୁସନ୍ଧାନ କମିଟି