ଦୁବାଇରୁ ମହାଦେବ ଆପ୍ ମାଲିକ ଗିରଫ
ଅର୍ଗସ ବ୍ୟୁରୋ: ଦୁବାଇରୁ ମହାଦେବ ଆପ୍ ମାଲିକ ଗିରଫ । ମାମଲାରେ ଅଭିଯୁକ୍ତ ସୌରଭ ଚନ୍ଦ୍ରକରଙ୍କୁ ଦୁବାଇରୁ ଗିରଫ କରିଛି ଇଡି । ଇଡି ଅନୁରୋଧ କ୍ରମେ ଇଣ୍ଟରପୋଲର ରେଡ କର୍ଣ୍ଣର ନୋଟିସ ଅନୁଯାୟୀ ଅଭିଯୁକ୍ତ ବିରୋଧରେ କାର୍ଯ୍ୟାନୁଷ୍ଠାନ ହୋଇଛି । ଏନେଇ ୟୁଏଇ ଅଧିକାରୀ ଭାରତ ସରକାରଙ୍କୁ ଜଣାଇଛନ୍ତି । ଗିରଫ ଅଭିଯୁକ୍ତକୁ ଖୁବଶୀଘ୍ର ଭାରତକୁ ପ୍ରତ୍ୟର୍ପଣ କରିବେ ଦୁବାଇ ସରକାର । ସୌରଭ ଚନ୍ଦ୍ରକରଙ୍କୁ ଭାରତ ଆଣିବାକୁ ସମସ୍ତ ଔପଚାରିକତା ଶେଷ ହୋଇଛି । ସୌରଭ ଚନ୍ଦ୍ରକର ନାଁରେ ୬ ହଜାର କୋଟିରୁ ଅଧିକ ଟଙ୍କା ଠକେଇ ଅଭିଯୋଗ ରହିଛି । କିଛି ବର୍ଷ ତଳେ ସୌରଭ ଜଣେ ଜୁସ ବିକ୍ରେତା ଥିଲା। ଛତିଶଗଡର ରାଜଧାନୀ ରାୟପୁରରେ ଚନ୍ଦ୍ରକର ଜୁସ୍ ଫ୍ୟାକ୍ଟ୍ରି ନାମରେ ଏକ ଜୁସ୍ ଦୋକାନ ଚଳାଉଥିଲେ। ଅଧିକ ଟଙ୍କା ରୋଜଗାର କରିବାକୁ ସୌରଭ ଚନ୍ଦ୍ରକର ବେଟିଂ ଆରମ୍ଭ କରିଥିଲେ । କରୋନା ଲକଡାଉନ ସମୟରେ ସେ ରବି ଅପପାଲ ନାମକ ଜଣେ ବ୍ୟକ୍ତିଙ୍କ ସହଯୋଗରେ ମହାଦେବ ବେଟିଂ ଆପ୍ ଲଞ୍ଚ କରି କୋଟି କୋଟି ଟଙ୍କା ଠକିଥିବା ଅଭିଯୋଗ ହୋଇଥିଲା ।
ଅଧିକ ପଢ଼ନ୍ତୁ ଭାରତ ଖବର...
