ଅର୍ଗସ ବ୍ୟୁରୋ: ଆଗାମୀ 15 ରୁ 20 ଦିନ ପାଇଁ ଅଯୋଧ୍ୟା ଆସନି । ଅଯୋଧ୍ୟା ରାମ ମନ୍ଦିରରେ ହେଉଥିବା ଭିଡକୁ ଦୃଷ୍ଟିରେ ରଖି ରାମ ଜନ୍ମଭୂମି ତୀର୍ଥକ୍ଷେତ୍ର ପକ୍ଷରୁ ଶ୍ରଦ୍ଧାଳୁଙ୍କୁ ଏପରି ନିବେଦନ କରାଯାଇଛି । ଯେଉଁମାନେ ଅଯୋଧ୍ୟା ବାସିନ୍ଦା ବା ନିକଟ ଅଞ୍ଚଳରେ ରହୁଛନ୍ତି ସେମାନେ ଏଇ 15 ରୁ 20 ଦିନ ମନ୍ଦିର ନଯିବା ପାଇଁ ଏପରି ନିବେଦନ କରାଯାଇଛି । ବରଂ ଯେଉଁମାନେ ଦୂରରୁ ଆସୁଛନ୍ତି ସେମାନଙ୍କୁ ଆଗ ଦର୍ଶନ ମିଳୁ । ମହାକୁମ୍ଭ ଆରମ୍ଭ ହେବା ପରଠୁ ଅଯୋଧ୍ୟା ଓ ବନାରସରେ ପ୍ରବଳ ଭିଡ ଦେଖିବାକୁ ମିଳୁଛି ।

ଯାହା ଫଳରେ ରାଜ୍ୟ ପ୍ରଶାସନ ପାଇଁ ପରିସ୍ଥିତିକୁ ପରିଚାଳନା କରିବା କଷ୍ଟକର ହୋଇପଡ଼ିଛି । ଟ୍ରଷ୍ଟର ପକ୍ଷରୁ ଏନେଇ କୁହାଯାଇଛି ଯେ, ଗତ ତିନି ଦିନ ମଧ୍ୟରେ ଅଯୋଧ୍ୟାରେ ଭକ୍ତଙ୍କ ସଂଖ୍ୟାରେ ଅଭୂତପୂର୍ବ ବୃଦ୍ଧି ଘଟିଛି । ଗତ 30 ଘଣ୍ଟାରେ 25 ଲକ୍ଷ ଲୋକ ରାମଲାଲାଙ୍କ ଦର୍ଶନ କରିଛନ୍ତି । ଯାହା ଅଯୋଧ୍ୟାର ଜନସଂଖ୍ୟାର 30 ଗୁଣ ଅଧିକ ।

ଅଯୋଧ୍ୟା ଧାମର ଜନସଂଖ୍ୟା ଏବଂ ଆକାରକୁ ଦେଖିଲେ ଏହା କୁହାଯାଇପାରେ ଯେ ଏତେ ସଂଖ୍ୟାରେ ଭକ୍ତଙ୍କ ପାଇଁ ଗୋଟିଏ ଦିନରେ ରାମଲାଲାଙ୍କ ଦର୍ଶନ କରିବା ବହୁତ କଷ୍ଟକର ଏବଂ ସେଥିପାଇଁ ଭକ୍ତମାନେ ସମସ୍ୟାର ସମ୍ମୁଖୀନ ହେଉଛନ୍ତି। ଦିନକୁ ଦିନ ରାମ ମନ୍ଦିର ଓ ହନୁମାନ ଗଡିରେ ଶ୍ରଦ୍ଧାଳୁଙ୍କ ସଂଖ୍ୟା ବୃଦ୍ଧି ପାଉଛି । ସେଥିପାଇଁ ନିକଟରେ ରହୁଥିବା ଅଧିବାସୀ ବସନ୍ତ ପଞ୍ଜମୀ ପରେ ମନ୍ଦିର ଆସିବାକୁ କୁହାଯାଇଛି ।

Argus News | argus news | -Argusnews Home: Odisha Latest News, Breaking News, Trending News, Live TV and more