ବସରେ ଯାତ୍ରା ପାଇଁ ଟିକେଟ୍ ବୁକିଂ କଲାବେଳେ ସାବଧାନ ରୁହନ୍ତୁ । କାରଣ ଆପଣଙ୍କ ଫୋନ ନମ୍ବରର ହୋଇପାରେ ଖରାପ ବ୍ୟବହାର । ପଡିପାରନ୍ତି ଅସୁବିଧାରେ । କାରଣ ନିକଟରେ ଏମିତି ଏକ ଘଟଣା ଘଟିଛି ମାହାରାଷ୍ଟ୍ରରେ । ମହିଳା ଯାତ୍ରୀଙ୍କୁ ଖରାପ ଭିଡିଓ ପଠାଉଥିଲେ ଡ୍ରାଇଭର । ସମସ୍ତଙ୍କ ସାମନାକୁ ଡାକି ଚାପୁଡା ମାରିଲେ ମହିଳା । ସୋସିଆଲ ମିଡିଆରେ ଭାଇରାଲ ହେଉଛି ଭିଡିଓ ।

ପ୍ରକୃତ ଘଟଣା ହେଉଛି ମହାରାଷ୍ଟ୍ର ସିନ୍ଧୁଦୁର୍ଗ ଜିଲ୍ଲାର ଜଣେ ମହିଳା କନକଭଲିରୁ ମୁମ୍ବାଇ ସବୁବେଳେ ବସ୍ ରେ ଯାତ୍ରା କରିଥାନ୍ତି । ସେଥିପାଇଁ ସେ ସବୁବେଳେ ଘରୋଇ ଟ୍ରାଭେଲ୍ କମ୍ପାନୀରୁ ଟିକେଟ୍ ବୁକିଂ କରିଥାନ୍ତି ।

ମହିଳାଙ୍କ କହିବା କଥା ତାଙ୍କ ଟିକେଟ୍ ରୁ ଫୋନ ନମ୍ୱର ନେଇ ତାଙ୍କୁ ମେସେଜ୍ କରିଥିଲେ ସେହି ବସର ଡ୍ରାଇଭର ଜଣଙ୍କ । ଏହା ସହ ଥରେ ନୁହେଁ ବାରମ୍ବାର ତାଙ୍କୁ ଖରାପ ଭିଡିଓ ମଧ୍ୟ ପଠାଉଥିଲେ । ଯାହାକୁ ନେଇ ମହିଳା ଜଣଙ୍କ ଖୁବ ଚିନ୍ତିତ ରହୁଥିଲେ । ଏସବୁ କିଏ କରୁଛି ବୁଝିପାରୁନଥିଲେ । ଶେଷରେ ସେ ସବୁ ଜିନିଷ ଜାଣିବା ପରେ ସମସ୍ତଙ୍କ ଆଗରେ ସେହି ଡ୍ରାଇଭରକୁ ନିର୍ଦ୍ଧୁମ୍ ପିଟିଥିଲେ ।

ଟ୍ରାଭେଲ୍ କମ୍ପାନୀର ଅଫିସକୁ ଯାଇ ଡ୍ରାଇଭର ଜଣଙ୍କର ପ୍ଲାନ୍ କୁ ଭଣ୍ଡୁର୍ କରିଥିଲେ । ତାଙ୍କୁ ଫୋନରେ କଣ୍ଟାକ୍ଟ୍ କରି ଡାକିଥିଲେ । ଏବଂ ନିଜ ଫୋନ ଦେଖାଇ ଚାପୁଡା ମାରିଥିଲେ । ମହିଳା ଜଣଙ୍କ ଡ୍ରାଇଭରକୁ ମାରୁଥିବା ଭିଡିଓ ଏବେ ସୋସିଆଲ ମିଡିଆରେ ଖୁବ ଭାଇରାଲ୍ ହେଉଛି ।

Argus News | argus news | Odisha Latest News, Breaking News, Trending News, Live TV