ବିଅର କେନରେ ମହାତ୍ମା ଗାନ୍ଧିଙ୍କ ଫଟୋ, ତୁରନ୍ତ ଆକ୍ସନ ନେବାକୁ ସୋସିଆଲ ମିଡିଆରେ ଦାବି
ବିଅର କେନରେ ମହାତ୍ମା ଗାନ୍ଧିଙ୍କ ଫଟୋ । ଗାନ୍ଧିଜୀଙ୍କୁ ଏପରି ଅପମାନ ଘଟଣା ସାମ୍ନାକୁ ଆସିଛି ଋଷରୁ । ଋଷର ଏକ ବିଅର କମ୍ପାନୀ କେନ ଉପରେ ଗାନ୍ଧିଜୀଙ୍କ ସ୍କେଚ୍ ଛାପିଥିବା ନେଇ ଖବର ସୋସିଆଲ ମିଡିଆରେ ଭାଇରାଲ ହେବା ପରେ ଏହାକୁ ନେଇ ଭାରତରେ ଦେଖାଦେଇଛି ତୀବ୍ର ପ୍ରତିକ୍ରିୟା।
My humble request with PM @narendramodi Ji is to take up this matter with his friend @KremlinRussia_E . It has been found that Russia’s Rewort is selling Beer in the name of GandhiJi… SS pic.twitter.com/lT3gcB9tMf
— Shri. Suparno Satpathy (@SuparnoSatpathy) February 13, 2025
📱 Get Argus News App
✨ମହାତ୍ମା ଗାନ୍ଧୀଙ୍କ ଦସ୍ତଖତ ସହ ନାଁ ଓ ଫଟୋ ଲଗାଇ ବିଅର ବିକୁଥିବା ଋଷିଆର ଏକ କମ୍ପାନୀର ଏପରି କାରନାମାକୁ ନେଇ ଲୋକେ ଉତକ୍ଷିପ୍ତ ହୋଇଛନ୍ତି । ଗାନ୍ଧିଜୀ ସର୍ବଦା ମଦର ଘୋର ବିରୋଧୀ ଥିଲେ । ମଦ ବନ୍ଦ ଉପରେ ସେ ଗୁରୁତ୍ବ ଦେଉଥିଲେ।
ଏଭଳି ସ୍ଥିତିରେ ଗାନ୍ଧିଜୀଙ୍କ ଫଟୋ ବିଅର କ୍ୟାନରେ ଛାପିବା ଗାନ୍ଧି ପ୍ରେମୀଙ୍କୁ ଉତକ୍ଷିପ୍ତ କରିଛି । ତୁରନ୍ତ ଏପରି ବିଅର ଉପରେ ଋଷ ସରକାର ପ୍ରତିବନ୍ଧକ ଲଗାଇବାକୁ ଦାବି ହୋଇଛି।
ଇଂଷ୍ଟାଗ୍ରାମରେ ମଧ୍ୟ ଦୁଇ ଭାରତୀୟ ଏହି ବିଅର୍ କେନକୁ ଧରି ଏକ ଭିଡିଓ ପୋଷ୍ଟ୍ କରିଥିବା ଦେଖିବାକୁ ମିଳିଛି । ଯାହା ସୋସିଆଲ ମିଡିଆରେ ଖୁବ୍ ଭାଇରାଲ୍ ହେଉଛି । କିଛି ୟୁଜର ସେମାନଙ୍କ ବିରୋଧରେ ଅନ୍ତର୍ଜାତୀୟ ନ୍ୟାୟାଳୟରେ ମାମଲା ଦାୟର କରିବା ସହ ସେମାନଙ୍କୁ ନିଷିଦ୍ଧ କରିବା ଉଚିତ ବୋଲି କହିଛନ୍ତି । ଏ ପ୍ରସଙ୍ଗରେ ସଂସଦରେ ଏକ ପ୍ରାଇମ୍-ଟାଇମ୍ ବିତର୍କ କରାଯିବା ନେଇ ଦାବି କରିଛନ୍ତି ।