Viral Video / ଛାଡପତ୍ର ପରେ କେକ୍ କାଟିଲେ, ପୂର୍ବତନ ପତ୍ନୀଙ୍କୁ ଦେଲେ ଦାମୀ ଉପହାର

ବ୍ରେକ୍‌ଅପ୍ କିମ୍ବା ଡିଭୋର୍ସ ହେଲେ ଅନେକ ଜଣ ଡିପ୍ରେସନରେ ରହିଥାନ୍ତି । ଅନେକ ମାସ ଧରି ଟ୍ରମାରେ ରହିଥାନ୍ତି । ହେଲେ ଡିଭୋର୍ସ ପରେ ଖୁସି ମନାଇବା ସହ କେକ୍ କାଟିଛନ୍ତି ଜଣେ ବ୍ୟକ୍ତି । ପୁଣି ପତ୍ନୀଙ୍କୁ ଦେଇଛନ୍ତି ୧୮ ଲକ୍ଷ ଟଙ୍କା ସହ ୧୨୦ ଗ୍ରାମର ସୁନା । ଏମିତି ଭିଡିଓ ଏବେ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି ।

ଭାରତରେ ଏବେ ଅନେକ ଛାଡପତ୍ର ମାମଲା ସାମ୍ନାକୁ ଆସୁଛି । କିଛି ଦମ୍ପତ୍ତି ଛାଡପତ୍ର ପାଇବା ପରେ ଏକପ୍ରକାର ନିଃସହାୟ ଜୀବନ ବିତାଉଛନ୍ତି । ଆଉ କିଛିଜଣଙ୍କୁ ଛାଡପତ୍ର ଭଳି ଦୁଃଖଦାୟକ ଜିନିଷରୁ ବାହାରିବା ପାଇଁ ବର୍ଷ ବର୍ଷ ସମୟ ଲାଗିଯାଏ । ହେଲେ ସୋସିଆଲ ମିଡିଆରେ ଭାଇରାଲ ହେଉଥିବା ଏହି ବ୍ୟକ୍ତି ଜଣକ ନିଜର ଛାଡପତ୍ରକୁ ନିଆରା ଢଙ୍ଗରେ ପାଳିଛନ୍ତି । ନିଜର ସିଙ୍ଗଲ ଲାଇଫକୁ ସେଲିବ୍ରେଟ କରିବାକୁ ଏପରି କରିଥିବା ସେ ସୋସିଆଲ ମିଡିଆରେ ଲେଖିଛନ୍ତି ।

ପ୍ରଥମେ ତାଙ୍କ ମାଆ ତାଙ୍କୁ କ୍ଷୀରରେ ଗାଧୋଇ ସୁଦ୍ଧି କରାଇଥିଲେ । ଯାହାକୁ ହିନ୍ଦୁ ପରମ୍ପରାରେ ଅଭିଷେକ ବୋଲି କୁହାଯାଏ । ଏକ ନୂଆ ଜୀବନ ଆରମ୍ଭ କରିବା ଉଦ୍ଦେଶ୍ୟରେ ଏପରି କରିଥିଲେ ସେହି ବ୍ୟକ୍ତିଙ୍କ ମାଆ । ପରେ ସେହି ବ୍ୟକ୍ତିଜଣକ ଏକ କେକ୍ କାଟିଥିଲେ, ଯେଉଁଥିରେ 'ହାପି ଡିଭୋର୍ସ' ବୋଲି ଲେଖାଯାଇଥିଲା ।

View this post on Instagram

A post shared by Biradar DK (@iamdkbiradar)

ଭିଡିଓ ସହ ବ୍ୟକ୍ତିଜଣକ ନିଜ ପୋଷ୍ଟରେ ଲେଖିଛନ୍ତି, 'ସବୁବେଳେ ଖୁସିରେ ରୁହ , ଡିପ୍ରେସନରେ ରୁହ ନାହିଁ । ୧୨୦ ଗ୍ରାମ ସୁନା, ୧୮ ଲକ୍ଷ ଟଙ୍କା ନେଇନାହିଁ ବରଂ ଦେଇଛି । ଏକା ଅଛି, ଖୁସି ଅଛି ଆଉ ସ୍ଵାଧୀନ ଅଛି । ମୋ ଜୀବନ, ମୋ ନିୟମ " ।

ଅଧିକ ପଢନ୍ତୁ : ବିଜୟଙ୍କ ଭୟାନକ ଆକ୍ସିଡେଣ୍ଟ, ମୁଣ୍ଡରେ ଲାଗିଛି ଗଭୀର ଆଘାତ

ସେହି ବ୍ୟକ୍ତିଙ୍କ ଭିଡିଓ ଇଣ୍ଟରନେଟରେ ଖୁବ ଭାଇରାଲ ହେବାରେ ଲାଗିଛି । ତାଙ୍କୁ ସମସ୍ତେ ସମ୍ମାନର ସହ ଡିଭୋର୍ସ ନେଇଥିବା ବ୍ୟକ୍ତି ବୋଲି କହିଛନ୍ତି । ତେବେ ଛାଡପତ୍ର ପରେ ସେ ନିଜ ପୂର୍ବତନ ପତ୍ନୀଙ୍କୁ ୧୮ ଲକ୍ଷ ଟଙ୍କା ସହ ୧୨୦ ଗ୍ରାମର ସୁନା ଦେଇଛନ୍ତି ।

ଭିଡିଓକୁ ନେଇ ଅନେକ ୟୁଜର୍ସ ତାଙ୍କ ସପକ୍ଷରେ କହୁଥିବା ବେଳେ ଅନେକ ଜଣ ତାଙ୍କ ବିପକ୍ଷରେ ମଧ୍ୟ ମତ ଦେଇଛନ୍ତି । କିଛିଜଣ ୟୁଜର୍ସ ଲେଖିଛନ୍ତି, ତାଙ୍କର ପୂର୍ବତନ ପତ୍ନୀ ଏପରି ସ୍ଥାନରୁ ବାହାରି ଏବେ ଖୁସି ଥିବେ ।

ଆଉ କିଛିଜଣ ସେହି ବ୍ୟକ୍ତିଙ୍କୁ ସପୋର୍ଟ କରି ଲେଖିଛନ୍ତି, ଡିଭୋର୍ସକୁ ଦୁଃଖରେ ନୁହେଁ, ବରଂ ଏହିଭଳି ସେଲିବ୍ରେଟ କରିବା ଦରକାର । ଗତ କିଛି ବର୍ଷ ତଳେ ମଧ୍ୟ ଡିଭୋର୍ସକୁ ସେଲିବ୍ରେଟ କରିବାର କିଛି ଫଟୋସୁଟ୍ ଏବଂ ମେହେନ୍ଦୀ ବେଶ ଭାଇରାଲ ହେବାରେ ଲାଗିଥିଲା । ଯେଉଁଥିରେ ଜଣେ ମହିଳା ନିଜର ଡିଭୋର୍ସ ଫଟୋସୁଟ୍ କରିଥିବା ବେଳେ ଅନ୍ୟଜଣେ ହାତରେ ଡିଭୋର୍ସର ମେହେନ୍ଦୀ କରିଥିଲେ ।