ବିଜାପୁର ପୋଲିସକୁ ବଡ଼ ସଫଳତା । ସୁରକ୍ଷାକର୍ମୀଙ୍କ ଗୁଳିରେ ଟଳିଲେ ୬ ମାଓବାଦୀ । DRG, ବସ୍ତର ପୋଲିସ୍, STF ମିଳିତ ଅପରେସନ ଆରମ୍ଭ କରାଯାଇଥିଲା । ଏନକାଉଣ୍ଟର ପରେ ସନ୍ଧାନ ସମୟରେ ୩ ଜଣ ମହିଳା ମାଓବାଦୀଙ୍କ ସମେତ ୬ ଜଣ ମାଓବାଦୀଙ୍କ ମୃତଦେହ ଉଦ୍ଧାର କରିଥିଲେ ସୁରକ୍ଷା ବାହିନୀ । ଏନକାଉଣ୍ଟରସ୍ଥଳରୁ INSAS ରାଇଫଲ୍ ଓ ବିପୁଳ ପରିମାଣରେ ଅସ୍ତ୍ରଶସ୍ତ୍ର ଜବତ ହୋଇଛି । ଏନେଇ ସୂଚନା ଦେଇଛନ୍ତି ବସ୍ତର ଆଇଜି ପି.ସୁନ୍ଦରରାଜ । ଏବେବି ପୁରା ଅଞ୍ଚଳରେ ଚାଲିଛି ସର୍ଚ୍ଚ ଅପରେସନ୍ । ୨୦୨୬ ମସିହା ମାର୍ଚ୍ଚ ମାସ ସୁଦ୍ଧା ଦେଶରୁ ସମୂଳେ ମାଓବାଦ ମୂଳପୋଛ ପାଇଁ ଆହ୍ବାନ ଦେଇଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହ ।

ବିକାଶ ପ୍ରକ୍ରିୟାରେ ଯୋଡି ହୋଇଛି ନୂଆ ଅଧ୍ୟାୟ । ହିଂସା ଛାଡି ମୁଖ୍ୟସ୍ରୋତରେ ସାମିଲ ହେଉଛନ୍ତି ମାଓବାଦୀ । ଭୟ ଓ ଅତ୍ୟାଚାରରୁ ବାହାରି ବିକାଶ ପ୍ରକ୍ରିୟାରେ ସାମିଲ ହେଉଛନ୍ତି । ଦୀପାବଳିରେ ଆଇଏନଏସ୍ ବିକ୍ରାନ୍ତରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବଡ଼ ସନ୍ଦେଶ ଦେଇଥିଲେ । ସାରା ଦେଶରୁ ଖୁବଶୀଘ୍ର ମୂଳପୋଛ ହୋଇଯିବ ନକ୍ସଲ ଓ ମାଓ ଆତଙ୍କ । ୨୦୧୪ ପୂର୍ବରୁ ଦେଶର ପ୍ରାୟ ୧୨୫ ଜିଲ୍ଲା ମାଓ ହିଂସା ଦ୍ୱାରା ପ୍ରଭାବିତ ହୋଇଥିଲେ । ଏକ ଦଶନ୍ଧି ଧରି ନିରନ୍ତର ପ୍ରୟାସ ଯୋଗୁଁ ଏହି ସଂଖ୍ୟା ଯଥେଷ୍ଟ ହ୍ରାସ ପାଇଛି । ବର୍ତ୍ତମାନ ୧୨୫ ଜିଲ୍ଲା ମଧ୍ୟରୁ କେବଳ ୧୧ଟି ଜିଲ୍ଲାରେ ସେମାନଙ୍କ ସଂଖ୍ୟା ସୀମିତ । ସେଥରୁ ମାତ୍ର ୩ଟି ଜିଲ୍ଲାରେ ସେମାନଙ୍କର ଖିଛି ପ୍ରଭାବ ରହିଛି ।

ଏଥିସହ ପଢ଼ନ୍ତୁ: ଦୀପାବଳିରେ PM ମୋଦିଙ୍କ ବଡ଼ ସନ୍ଦେଶ, ସାରା ଦେଶରୁ ମୂଳପୋଛ ହୋଇଯିବେ ମାଓବାଦୀ

ଦେଶର ୧୦୦ଟି ଜିଲ୍ଲା ମାଓ ଆତଙ୍କରୁ ମୁକ୍ତ ହୋଇଛି । ଭୟ, ବର୍ବରତା, ଆତଙ୍କରୁ ବାହାରି ସମାଜର ମୁଖ୍ୟସ୍ରୋତରେ ସାମିଲ ହୋଇଛନ୍ତି । ମାଓବାଦୀ ଓ ନକ୍ସଲ ପ୍ରଭାବିତ ଅଂଚଳରେ ବିକାଶକୁ ରୋକିବାକୁ ସେମାନେ ପାରୁ ପର୍ଯ୍ୟନ୍ତ ଉଦ୍ୟମ କରୁଥିଲେ । କେତେବେଳେ ରାସ୍ତାବନ୍ଦ କରୁଥିଲେ ତ କେତେବେଳେ ସ୍କୁଲ ଖୋଲିବାକୁ ଖୋଲାଖୋଲି ମନା କରୁଥିଲେ । ରୋଗୀ ସେବା ପାଇଁ ହସ୍ପିଟାଲ ନିର୍ମାଣରେ ସେମାନେ ବାଧା ଉପୁଜାଉଥିଲେ । ଡାକ୍ତରମାନଙ୍କୁ ଧମକ ଦେବା ସହ ଅନେକ ସ୍ଥାନରେ ମୋବାଇଲ ଟାଓ୍ବାର ଉଡାଇ ଦେଉଥିଲେ । କିନ୍ତୁ ସେମାନେ ଏବେ ହିଂସା ଛାଡି ନୂଆ ବିକାଶ ପ୍ରକ୍ରିୟାରେ ସାମିଲ ହେଉଛନ୍ତି । ତଥାପି କିଛି କିଛି ସ୍ଥାନରେ ମାଓ ଆତଙ୍କ ଦେଖିବାକୁ ମିଳୁଥିବାବେଳେ ଏନେଇ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି।

ଅଧିକ ପଢ଼ନ୍ତୁ ଦେଶ ଖବର: