ଛତିଶଗଡ଼ ବିଜାପୁରରେ ମାଓ ହିଂସା । ଜାଳିଲେ ଟ୍ରକ ,୩୦ ମିନିଟ ଧରି ବସ୍ ଯାତ୍ରୀଙ୍କୁ ବନ୍ଧକ ରଖିଲେ ମାଓବାଦୀ । ବିଜାପୁର ଭୈରମଗଡ଼ ଠାରୁ ପାଞ୍ଚ କିଲୋମିଟର ଦୂର NG 63 ରେ ଏକ ମାଲ ବୋଝେଇ ଟ୍ରକକୁ ଜଳିଦେଲେ ମାଓବାଦୀ । ଟ୍ରକରେ ପିଆଜ ଲୋଡ ଥିବା ବେଳେ ମାଓ ହିଂସା ସମୟରେ ରାସ୍ତାର ଦୁଇ ପାର୍ଶ୍ଵରେ ଶତାଧିକ ଯାନବାହନକୁ ପ୍ରାୟ 30 ମିନିଟ ପର୍ଯ୍ୟନ୍ତ ଅଟକାଇ ରଖିଥିଲେ ଲାଲ ବାହିନୀ । ଅଟକିଥିବା ଯାନବାହନ ମଧ୍ୟରେ ଗୋଟିଏ ଯାତ୍ରୀବାହି ବସ୍ ଥିଲା ।

ବସ୍ ଟି ଜଗଦଲପୁରରୁ ବିଜାପୁର ଯାଉଥିବା ବେଳେ ବସରେ ଥିବା ସମସ୍ତ ଯାତ୍ରୀଙ୍କୁ ୩୦ ମିନିଟ ଧରି ବନ୍ଧକ କରି ରଖିଥିଲେ ମାଓବାଦୀ । ପରେ ଯାତ୍ରୀ ଓ ବସ୍ ଚାଳକଙ୍କୁ ପଚରାଉଚରା କରି ଛାଡ଼ିଦେଇଥିଲେ ମାଓବାଦୀ । ଘଟଣା ସମ୍ପର୍କରେ ସୁରକ୍ଷା ବାହିନୀ ଖବର ପାଇବା ପରେ ଘଟଣାସ୍ଥଳକୁ ଯାଇ ଟ୍ରକର ନିଆଁ ଲିଭାଇଥିଲେ ।