ଉତ୍ତରାଖଣ୍ଡର ଚାମୋଲି ଜିଲ୍ଲାରେ ଏକ ହିମସ୍ଖଳନ ଘଟି ମାନା ଗାଁରେ ପ୍ରାୟ ୫୭ ଜଣ ଶ୍ରମିକ ପୋତି ହୋଇଥିବା ସୂଚନା ମିଳିଛି। ୧୬ ଜଣ ଶ୍ରମିକଙ୍କୁ ଉଦ୍ଧାର କରାଯାଇ ସୁରକ୍ଷିତ ସ୍ଥାନକୁ ଅଣାଯାଇଛି। ଉଦ୍ଧାର କାର୍ଯ୍ୟ ଜାରି ରହିଛି। ବଦ୍ରିନାଥ ଧାମଠାରୁ ୩ କିଲୋମିଟର ଆଗକୁ ଏହି ଘଟଣା ଘଟିଛି। ରାଜ୍ୟ ବିପର୍ଯ୍ୟୟ ପ୍ରତିକ୍ରିୟା ବାହିନୀ (SDRF), ଜାତୀୟ ବିପର୍ଯ୍ୟୟ ପ୍ରତିକ୍ରିୟା ବାହିନୀ (NDRF), ଜିଲ୍ଲା ପ୍ରଶାସନ, ଇଣ୍ଡୋ-ତିବ୍ଦତୀୟ ସୀମା ପୋଲିସ (ITBP) ଏବଂ ସୀମା ସଡ଼କ ସଂଗଠନ (BRO) ଦଳ ଘଟଣାସ୍ଥଳରେ ଅଛନ୍ତି। ଭାରତ ପାଣିପାଗ ବିଭାଗ (IMD) ଉତ୍ତରାଖଣ୍ଡ ସମେତ ଅନେକ ପାହାଡ଼ିଆ ଅଞ୍ଚଳ ପାଇଁ ଏକ ଅରେଞ୍ଜ ଆଲର୍ଟ ଜାରି କରିଛି।

ଶୁକ୍ରବାର ବିଳମ୍ବିତ ରାତି ପର୍ଯ୍ୟନ୍ତ ପ୍ରବଳ ବର୍ଷା (୨୦ ସେମି ପର୍ଯ୍ୟନ୍ତ) ପୂର୍ବାନୁମାନ କରିଛି। ଆଇଏମଡି ସ୍ଥାନୀୟ ବନ୍ୟା, ନିମ୍ନ ଅଞ୍ଚଳରେ ଜଳବନ୍ଦୀ ଏବଂ ମୁଖ୍ୟତଃ ସହରାଞ୍ଚଳରେ ଅଣ୍ଡରପାସ୍ ବନ୍ଦ ହେବା ଭଳି ପ୍ରବଳ ବର୍ଷାର ପୂର୍ବାନୁମାନ କରିଛି। ପ୍ରବଳ ବର୍ଷା ଯୋଗୁଁ ଦୃଶ୍ୟମାନତାରେ ବେଳେବେଳେ ହ୍ରାସ, ଟ୍ରାଫିକ୍ ବାଧା ଯୋଗୁଁ ଯାତ୍ରା ସମୟ ବୃଦ୍ଧି ଏବଂ କଚ୍ଚା ରାସ୍ତାର ସାମାନ୍ୟ କ୍ଷତି ହେବାର ଆଶଙ୍କା କରାଯାଉଛି। ମୁଖ୍ୟମନ୍ତ୍ରୀ ପୁଷ୍କର ସିଂ ଧାମି ଏହି ଦୁର୍ଘଟଣାରେ ପ୍ରତିକ୍ରିୟା ପ୍ରକାଶ କରିଛନ୍ତି । ଚମୋଲି ଜିଲ୍ଲାର ମାନା ଗାଁ ନିକଟରେ ବିଆରଓ ଦ୍ୱାରା ଏକ ନିର୍ମାଣ କାର୍ଯ୍ୟରେ ନିୟୋଜିତ ଅନେକ ଶ୍ରମିକ ହିମସ୍ଖଳନ ଯୋଗୁଁ ଫସି ରହିଥିବା ଦୁଃଖଦ ଖବର ଆମକୁ ମିଳିଛି। ଆଇଟିବିପି, ବିଆରଓ ଓ ଅନ୍ୟାନ୍ୟ ଟିମ୍ ପକ୍ଷରୁ ଉଦ୍ଧାର ଓ ରିଲିଫ କାର୍ଯ୍ୟ ଜାରି ରହିଛି। ସମସ୍ତ ଶ୍ରମିକଙ୍କ ସୁରକ୍ଷା ପାଇଁ ମୁଁ ଭଗବାନ ବଦ୍ରି ବିଶାଲଙ୍କ ନିକଟରେ ପ୍ରାର୍ଥନା କରୁଛି।