ଅର୍ଗସ ବ୍ୟୁରୋ: ପ୍ରବଳ କାମ ଚାପରେ ଜୀବନ ଚାଲିଯାଉଛି । ନିକଟରେ ଏମିତି ଘଟଣା ଘଟିଛି । ଯେଉଁଥିରୁ ସ୍ପଷ୍ଟ ଭାବରେ ଜଣାପଡିଛି ଯେ, ଅଫିସରେ ଏତେ କାମ ପ୍ରେସର ରହୁଛି , ଯେ ନିଶ୍ୱାସ ନେବାକୁ ବି ସମୟ ମିଳୁନି । କାମ ଚାପରେ ଜୀବନକୁ ବି ଉପଭୋଗ କରିବାକୁ ଭୁଲିଯାଉଛନ୍ତି କର୍ମଚାରୀ । କାମକୁ ନେଇ ବେଶୀ ଚିନ୍ତା କରିବା, ରାତି ରାତି ଅନିଦ୍ରା ହେବା , ଠିକ୍ ସମୟରେ ନଖାଇବା ରୋଗକୁ ଡାକିବାର ଗୋଟେ ଗୋଟେ ପ୍ରମୁଖ କାରଣ । ଶେଷରେ ନିଜ ପ୍ରତି ଅବହେଳା କରିବା ଦ୍ୱାରା ଏକପ୍ରକାର ମୃତ୍ୟୁକୁ ନିମନ୍ତ୍ରଣ ଦେଉଛନ୍ତି କହିଲେ ଭୂଲ୍ ହେବନି ।

ନିକଟରେ ଉତ୍ତରପ୍ରଦେଶରେ ଜଣେ 45 ବର୍ଷୀୟ ମହିଳା ଅଫିସରେ କାମ କରୁଥିବାବେଳେ ତାଙ୍କର ମୃତ୍ୟୁ ହୋଇଛି । ଲକ୍ଷ୍ନୌସ୍ଥିତ HDFC ବ୍ୟାଙ୍କରେ ଅତିରିକ୍ତ ଉପ ସଭାପତି ଭାବେ କାର୍ଯୟ୍ କରୁଥିବା ସଦାଫ ଫାତିମା କାମ କରୁଥିବାବେଳେ ହଠାତ୍ ଚୌକିରୁ ଖସିପଡିଥିଲେ । ସେଠାରେ ହିଁ ତାଙ୍କର ମୃତ୍ୟୁ ହୋଇଥିଲା । ସହକର୍ମୀମାନେ ଅଭିଯୋଗ କରିଛନ୍ତି ଯେ ପ୍ରବଳ କାମ ଚାପ ଥିଲା । ସେଥିପାଇଁ ତାଙ୍କର ମୃତ୍ୟୁ ହୋଇଛି ।

ସେହିପରି ପୁନେର 26 ବର୍ଷୀୟ ଯୁବତୀ ଆନ୍ନା ସେବାଷ୍ଟିୟାନ ପ୍ରବଳ କାମ ପ୍ରେସର୍ ହେତୁ ତାଙ୍କର ମୃତ୍ୟୁ ହୋଇଛି । ପରିବାର ଲୋକଙ୍କ କହିବା କଥା ସେ ରାତି ଅନିଦ୍ରା ହୋଇ କାମ କରନ୍ତି । ୱିକେଣ୍ଡ୍ ରେ ମଧ୍ୟ ଛୁଟି ନିଅନ୍ତି ନାହିଁ ।

ତେବେ ନିୟମ ଅନୁଯାୟୀ, କମ୍ପାନୀରେ MAXIMUM WORKING HOUR 9 ଘଣ୍ଟା । ତା ଠାରୁ ଅଧିକ ୱାର୍କ ଲୋଡ୍ କର୍ମଚାରୀଙ୍କୁ ଦେବା କଥା ନୁହେଁ । ହେଲେ ଆଜିକାଲି ତାହାର ବ୍ୟତିକ୍ରମ ଦେଖିବାକୁ ମିଳୁଛି । କାମ ପ୍ରେସର୍ ଏତେ ରହୁଛି ଯେ କର୍ମଚାରୀମାନେ ଘରକୁ କାମ ନେଉଛନ୍ତି । ଯାହାର ପ୍ରଭାବ ଶରୀର ଉପରେ ପଡୁଛି ।

Argus News | argus news | Odisha Latest News, Breaking News, Trending News, Live TV