ଅର୍ଗସ ବ୍ୟୁରୋ: ବାଂଲାଦେଶ ପ୍ରଧାନମନ୍ତ୍ରୀ ଶେଖ୍ ହସିନାଙ୍କ ଇସ୍ତଫା ପରେ ଶାସନ ଭାର ହାତକୁ ନେଲା ସେନା । ଶାସନ ଭାର ଗ୍ରହଣ ସହ ସବୁ ଦଳର ପ୍ରତିନିଧିଙ୍କୁ ଡାକି ଆଲୋଚନା କଲେ ସେନା ମୁଖ୍ୟ । ହିଂସା ବନ୍ଦ କରିବାକୁ ଯୁବବର୍ଗଙ୍କୁ ବାଂଲା ସେନା ମୁଖ୍ୟ ୱାକର୍ ଉଜ୍ ଜମାନ ଅପିଲ କରିଥିବା ରହିଛି ସୂଚନା ।

ଶେଷ ହେବ ଶେଖ୍‌ ହସିନାଙ୍କ ଯୁଗ

ବାଂଲାଦେଶ ଛାଡ଼ି ଭାରତର ଶରଣ ନେଇପାରନ୍ତ ବାଂଲାଦେଶର ପୂର୍ବତନ ପିଏମ ଶେଖ୍ ହସିନା । ଦେଶରେ ଆଇନଶୃଙ୍ଖଳା ପରିସ୍ଥିତି ଉପୁଜିବା ସହ ଏହାକୁ ନିୟନ୍ତ୍ରଣ କରିବାରେ ବିଫଳ ହେବା ପରେ ବାଂଲାଦେଶର ପ୍ରଧାନମନ୍ତ୍ରୀ ପଦରୁ ସେ ଇସ୍ତଫା ଦେଇଛନ୍ତି । ଏଥି ସହ ଦେଶଛାଡ଼ି ପଳାଇଛିନ୍ତି । ହାସିନା ଇସ୍ତଫା ଦେବା ପରେ ଏକ ମିଲିଟାରି ବିମାନରେ ଭାରତ ପଳାଇଆସିଥିବା କୁହାଯାଉଛି । ତାଙ୍କ ବିମାନ ତ୍ରିପୁରାର ଅଗରତାଲାରେ ଓହ୍ଲାଇଥିବା ସୂଚନା ମିଳିଛି । ଏ ନେଇ ଭାରତ ସରକାର କୌଣସି ଔପଚାରିକ ସୂଚନା ଦେଇନଥିବା ବେଳେ ଏହାକୁ ନେଇ ଚାରିଆଡ଼େ ଚର୍ଚ୍ଚା ଜୋର୍ । ବିଭିନ୍ନ ଜାତୀୟ ଓ ବାଂଲାଦେଶୀ ଗଣମାଧ୍ୟମର ରିପୋର୍ଟ ଅନୁସାରେ ହସିନା ଦିଲ୍ଲୀ ଯାଇପାରନ୍ତି ।

ଚାକିରିରେ ସଂରକ୍ଷଣ ନିୟମ ବିରୋଧରେ ବାଂଲାଦେଶରେ ଚାଲିଥିବା ଆନ୍ଦୋଳନ ହିଂସାତ୍ମକ ରୂପ ନେଇସାରିଛି। ଢାକାରେ ଥିବା ପ୍ରଧାନମନ୍ତ୍ରୀଙ୍କ ବାସଭବନରେ ବହୁ ସଂଖ୍ୟକ ବିକ୍ଷୋଭକାରୀ ପ୍ରବେଶ କରିଛନ୍ତି । ବିକ୍ଷୋଭକାରୀମାନେ ଅନେକ ଗୁରୁତ୍ୱପୂର୍ଣ୍ଣ ଅଞ୍ଚଳକୁ ମଧ୍ୟ ନିଜ ଦଖଲକୁ ନେଇଛନ୍ତି । ଦେଶରେ କର୍ଫ୍ୟୁ ଲାଗୁ ହୋଇଥିବା ବେଳେ ଇଣ୍ଟରନେଟ୍ ସଂପୂର୍ଣ୍ଣ ବନ୍ଦ କରାଯାଇଛି। ସେପଟେ ଶାସକ ଆୱାମୀ ଲିଗ୍ କର୍ମୀଙ୍କୁ ଟାର୍ଗେଟ କରି ମୁଖ୍ୟ ବିରୋଧୀ ଦଳ ବିଏନପିର କର୍ମକର୍ତ୍ତାମାନେ ବହୁ ସଂଖ୍ୟାରେ ରାଜରାସ୍ତାକୁ ଓହ୍ଲାଇଛନ୍ତି । ବିକ୍ଷୋଭକାରୀମାନେ ବାଂଲାଦେଶ ମୁକ୍ତି ସଂଗ୍ରାମର ଜନକ ଶେଖ୍ ମୁଜିବୁର ରେହମାନଙ୍କ ପ୍ରତିମୂର୍ତ୍ତିକୁ ଭାଙ୍ଗିଦେଇଛନ୍ତି ।

ଆହୁରି ପଢନ୍ତୁ ଭାରତ ଖବର...

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV