ମନେରହିବ ୨୦୨୪: ପୁଷ୍ପା ମୁଭିରେ ସଫଳ ହେବା ସତ୍ତ୍ବେ ଅଲ୍ଲୁ ଜେଲ ଯାଇଥିଲେ
ବର୍ଷ ଶେଷ ବେଳକୁ ଆସିଥିଲା ଏହି ଖବର । ଅଲ୍ଲୁ ଅର୍ଜୁନଙ୍କୁ ଗିରଫ କରିଥିଲା ପୋଲିସ । ପାଟନାରେ ପୁଷ୍ପା ୨ ଟ୍ରେଲର ରିଲିଜ୍ ବେଳେ ଅଲ୍ଲୁ ଓ ରଶ୍ମିକାଙ୍କୁ ଦେଖିବା ପାଇଁ ଲକ୍ଷାଧିକ ଲୋକଙ୍କ ଭିଡ଼ ଜମିଥିଲା । ଫଳରେ ଦଳାଚକଟା ସ୍ଥିତି ଉପୁଜିଥିଲା । ସେଠାରେ ଶ୍ବାସରୁଦ୍ଧ ହୋଇ ଜଣେ ମହିଳାଙ୍କ ଜୀବନ ଯାଇଥିଲା । ଏହି ମାମଲାରେ ଅଲ୍ଲୁ ଗିରଫ ହୋଇଥିଲେ । ତାଙ୍କୁ ଗୋଟେ ରାତି ଜେଲ୍ରେ ରହିବାକୁ ପଡ଼ିଥିଲା । ପର ଦିନ ସକାଳୁ ସେ ଜେଲ୍ରୁ ବାହାରିଥିଲେ ।
୨-କୋଲକତା ଡାକ୍ତର ଛାତ୍ରୀଙ୍କୁ ଗ୍ୟାଙ୍ଗରେପ୍ ପରେ ହତ୍ୟା
୨୦୨୪ ରେ ସାରା ଭାରତରେ ପଶ୍ଚିମବଙ୍ଗ ରେପ୍ ଆଣ୍ଡ ମର୍ଡର କଥା ସବୁଠାରୁ ଅଧିକ ଚର୍ଚ୍ଚାରେ ଥିଲା । ଡାକ୍ତରୀ ଛାତ୍ରୀଙ୍କୁ ନ୍ୟାୟ ପାଇଁ ଦୀର୍ଘ ଦିନ ଧରି ରାସ୍ତାରେ ଆନ୍ଦୋଳନ କରିଥିଲେ ଡାକ୍ତରୀ ଛାତ୍ରଛାତ୍ରୀ । ଏଥିପାଇଁ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାଜୀର୍ଜୀଙ୍କୁ ବି ନାକେଦମ ହେବାକୁ ପଡ଼ିଥିଲା । ଏହି ଘଟଣାରେ ମମତାଙ୍କ ପୁତୁରା ଅଭିଷେକ ବାନାଜୀର୍ଜୀଙ୍କ ଲିଙ୍କ ଥିବା କଥା ବି ଉଠିଥିଲା।
୩-ମହାରାଷ୍ଟ୍ର ଇଲେକ୍ସନ
ମହାରାଷ୍ଟ୍ରରେ ପୁଣି ଥରେ ବିଜେପି ସରକାର । ଉଦ୍ଧବ ଠାକରେଙ୍କ ଦଳ ମହାରାଷ୍ଟ୍ରରେ ପୁଣି ଥରେ ମାଟି କାମୁଡ଼ିଥିଲା । NDAକୁ ମିଳିଥିଲା ବହୁମତ । ବିଜେପି ଏକାକି ୧୩୨ ଆସନ ଜିତିଥିଲା । ସିନ୍ଧେଙ୍କ ଦଳ ୫୭ ସିଟ୍ ପାଇଥିଲା । ଦେବେନ୍ଦ୍ର ଫଡନାବିସ୍ ପୁଣି ଥରେ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଛନ୍ତି ।
୪-ନ୍ୟାୟମୂର୍ତ୍ତିଙ୍କ ଆଖିରୁ ପଟି ଖୋଲିଲା
୨୦୨୪ରେ ପୁଣି ଥରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶପଥ ନେବା ପରେ ଦେଶରେ ଅନେକ ପରିବର୍ତ୍ତନ ଦେଖିବାକୁ ମିଳିଥିଲା । ସେଥିମଧ୍ୟରୁ ଗୋଟିଏ ହେଲା ନ୍ୟାୟ ଦେବୀଙ୍କ ଆଖିରୁ ଖୋଲିଥିଲା କଳା ପଟି । ଆଉ ଗୋଟିଏ ହାତରେ ଥିଲା ଖଣ୍ଡା। ଅନ୍ୟ ହାତରେ ନିକିତି । କୁହାଯାଇଥିଲା ଆଉ ‘ଅନ୍ଧ’ ହୋଇ ରହିବନି ଭାରତୀୟ କାନୁନ୍ । ଆଇନ୍ ଅନ୍ଧ ନୁହେଁ, ଏଭଳି ଏକ ବଡ଼ ବାର୍ତ୍ତା ନୂଆ ମୂର୍ତ୍ତିରେ ଦିଆଯାଇଥିଲା ।
୫-ରତନ ଟାଟାଙ୍କ ଦେହାନ୍ତ
୨୦୨୪ ଅକ୍ଟୋବର ୧୦ ତାରିଖରେ କିମ୍ବଦନ୍ତୀ ଉଦ୍ୟୋଗପତି ତଥା ଟାଟା ଟ୍ରଷ୍ଟ ଚେୟାରମ୍ୟାନ୍ ଏବଂ ପଦ୍ମ ବିଭୂଷଣ ରତନ ଟାଟାଙ୍କ ପରଲୋକ ଘଟିଛି । ୮୬ ବର୍ଷ ବୟସରେ ସେ ଆଖି ବୁଜିଛନ୍ତି । ବାର୍ଦ୍ଧକ୍ୟଜନିତ ଅସୁସ୍ଥତା ଯୋଗୁଁ ସେ ମୁମ୍ବାଇର ବ୍ରିଚ୍ କ୍ୟାଣ୍ଡି ହସ୍ପିଟାଲରେ ଚିକିତ୍ସିତ ହେଉଥିଲେ । ତାଙ୍କ ପରଲୋକ ପରେ ସାରା ଦେଶରେ ଶୋକର ଛାୟା ଖେଳିଯାଇଥିଲା ।
୬-ଅନନ୍ତ-ରାଧିକା ବାହାଘର
୨୦୨୪ର ଆଉ ଚର୍ଚ୍ଚିତ ଖବର ହେଲା ମୁକେଶ ଅମ୍ବାନୀଙ୍କ ପୁଅର ଅନନ୍ତ ଅମ୍ବାନୀଙ୍କ ପ୍ରି-ଓ୍ବେଡିଂ ଓ ବିବାହ ଉତ୍ସବ । ଦୀର୍ଘ ଦିନ ଧରି ଚାଲିଥିଲା ତାଙ୍କର ବିବାହ କାର୍ଯ୍ୟକ୍ରମ । ସାରା ବିଶ୍ବରୁ ବଡ଼ ବଡ଼ ସେଲିବ୍ରିଟିମାନେ ଭାରତ ଆସିଥିଲେ । ଏମିତିକି ବିଶ୍ବସ୍ତରର ବହୁ ଉଦ୍ୟୋଗପତି ମଧ୍ୟ ତାଙ୍କ ବିବାହ କାର୍ଯ୍ୟକ୍ରମରେ ଯୋଗ ଦେଇଥିଲେ । ମାର୍କ ଜୁକର ବର୍ଗଙ୍କଠାରୁ ଆରମ୍ଭ କରି ବିଲ ଗେଟ୍ସଙ୍କ ପର୍ଯ୍ୟନ୍ତ ସମସ୍ତେ ସାମିଲ ହୋଇଥିଲେ ।
୭-ପ୍ରତାପ ଷଡ଼ଙ୍ଗୀଙ୍କୁ ରାହୁଲଙ୍କ ଧକ୍କା
ସଂସଦ ଭବନ ସିଡ଼ିରୁ ପଡ଼ିଯାଇଥିଲେ ବିଜେପି ସାଂସଦ ପ୍ରତାପ ଷଡଙ୍ଗୀ। ଫଳରେ ତାଙ୍କର ମୁଣ୍ଡ ଫାଟିଥିଲା । ତାଙ୍କୁ କଂଗ୍ରେସ ସଂସଦ ରାହୁଲ ଗାନ୍ଧି ଠେଲି ଦେଇଥିବା ସେ ଅଭିଯୋଗ କରିଥିଲେ । ଏହାକୁ ସାରା ଦେଶରୁ ନିନ୍ଦା କରାଯାଇଥିଲା । ଚାରିଆଡ଼େ ରାହୁଲଙ୍କ କୁଶପୁତ୍ତଳିକା ଦାହ କରାଯାଇଥିଲା ।
୮-ରାମ ମନ୍ଦିର ପ୍ରତିଷ୍ଠା
ସାରା ଭାରତବାସୀ ଦୀର୍ଘ ବର୍ଷ ଧରି ଯାହାକୁ ଅପେକ୍ଷା କରିଥିଲେ, ତାହା ୨୦୨୪ରେ ପୁରଣ ହୋଇଥିଲା । ଅଯୋଧ୍ୟାରେ ରାମ ମନ୍ଦିର ପ୍ରତିଷ୍ଠା । ବର୍ଷ ଆରମ୍ଭରୁ ଜାନୁଆରୀ ୨୨ ତାରିଖରେ ଏକ ଭବ୍ୟ କାର୍ଯ୍ୟକ୍ରମର ଆୟୋଜନ କରାଯାଇଥିଲା । ଏଥିରେ ସାରା ଦେଶରୁ ଅନେକ ମାଣ୍ୟଗଣ୍ୟ ବ୍ୟକ୍ତି ସାମିଲ ହେବା ସହ ସାଧୁ ସନ୍ଥମାନେ ମଧ୍ୟ ସାମିଲ ହୋଇଥିଲେ । ରୀତିନୀତି ଅନୁସାରେ ପୂଜାର୍ଚ୍ଚନା କରାଯାଇଥିଲା ।
୯-ଡିପ୍ ଫେକ୍
୨୦୨୪ରେ ଦେଖିବାକୁ ମିଳିଥିଲା ଅନେକ ସାଇବର ଅପରାଧ । ଅନଲାଇନ୍ ଯୋଗେ ଲୋକଙ୍କ ବ୍ୟାଙ୍କ ଆକାଉଣ୍ଟ ଖାଲି କରିଛନ୍ତି ସାଇବର ଲୁଟେରା । ଆଉ ସବୁଠାରୁ ଅଧିକ ଚର୍ଚ୍ଚାରେ ଥିଲା ଡିପ୍ ଫେକ୍ ଭିଡିଓ । ଅନେକ ସେଲିବ୍ରିଟିଙ୍କ ଡିପ ଫେକ୍ ଭିଡିଓ ସାମ୍ନାକୁ ଆସିଥିଲା । AI ଦ୍ବାରା ଡିପ୍ ଫେକ୍ ଭିଡିଓ ପ୍ରସ୍ତୁତ କରି ସାଧାରଣ ଲୋକଙ୍କୁ ଲୁଟ କରିବା ସହ ସେଲିବ୍ରିଟିଙ୍କୁ ବଦ୍ନାମ କରିବାକୁ ଚେଷ୍ଟା କରାଯାଇଛି ।
୧୦-ଷ୍ଟକ୍ ମାର୍କେଟ ମାନ୍ଦା
ବର୍ଷ ଆରମ୍ଭରୁ ଷ୍ଟକ୍ ମାର୍କେଟ ଯେତିକି ଉପରକୁ ଉଠିଥିଲା, ବର୍ଷ ଶେଷ ବେଳକୁ ସେତିକି ମାନ୍ଦା ହୋଇଥିଲା । ଅନେକ ନିବେଶକଙ୍କ ଟଙ୍କା ବୁଡ଼ି ଯାଇଥିଲା । ଏମିତିକି ବର୍ଷ ଶେଷ ବେଳକୁ ବି ମାର୍କେଟ ମାନ୍ଦା ରହିଛି ।
୧୧- ଓ୍ବାଏନାଡ଼ ଲ୍ୟାଣ୍ଡସ ଲାଇଡ୍
କେରଳର ଓ୍ବାଏନାଡ଼ରେ ପ୍ରବଳ ବର୍ଷା କାରଣରୁ ଭୟଙ୍କର ଲ୍ୟାଣ୍ଡସ ଲାଇଡ୍ ହୋଇଥିଲା । ଏଥିରେ ଅନେକଙ୍କ ଜୀବନ ଯାଇଥିଲା । ଜଣେ ଓଡ଼ିଆ ଡାକ୍ତର ମଧ୍ୟ ପ୍ରାଣ ହରାଇଥିଲେ । ଅନେକଙ୍କ ମୃତଦେହ ମାଟି ତଳେ ଦବି ଯିବାରୁ ଉଦ୍ଧାର ହୋଇପାରିନଥିଲା । ପ୍ରଧାନମନ୍ତୀ ନରେନ୍ଦ୍ର ମୋଦି ଘଟଣାସ୍ଥଳରେ ପହଞ୍ଚି ସ୍ଥିତି ସମୀକ୍ଷା କରିବା ସହ ସ୍ଥିତି ସୁଧାରିବା ପାଇଁ ସ୍ବତନ୍ତ୍ର ରିଲିଫ ପାଣ୍ଠି ମଧ୍ୟ ଯୋଗାଇଥିଲେ ।
