ଜାମ୍ମୁକାଶ୍ମୀରର ପେହଲଗାମ ରେ ହୋଇଥିବା ଆତଙ୍କୀ ଆକ୍ରମଣ ଘଟଣାର ଯାଞ୍ଚ କରିବ NIA। ଏନେଇ ବିଧିବଦ୍ଧ ନୋଟିଫିକେଶନ ଜାରି କରିଛି ଗୃହ ମନ୍ତ୍ରଣାଳୟ। ଆତଙ୍କୀ ଆକ୍ରମଣ ପରେ NIAର ଟିମ୍ ଘଟଣାସ୍ଥଳ ପରିଦର୍ଶନ କରିସାରିଛି । NIA ର ଫରେନ୍ସିକ ଟିମ୍ ମଧ୍ୟ ପ୍ରମାଣ ସଂଗ୍ରହ କରିବାରେ ଲାଗିଛି । ସ୍ଥାନୀୟ ପୋଲିସ ଠାରୁ କେସ୍ ଡାଏରୀ,FIR, ଏବଂ ଅନ୍ୟ ଗୁରୁତ୍ବପୂର୍ଣ୍ଣ ତଥ୍ୟ ସଂଗ୍ରହ କରିବ ଟିମ୍।

ଜାମ୍ମୁ-କାଶ୍ମୀର ପହଲଗାମ୍‌ ହମ୍‌ଲା ପରେ ବଡ଼ ଦମନ ଅପରେସନ୍‌ । ଧୂଳିସାତ୍ ହେଉଛି ଗୋଟିଏ ପରେ ଗୋଟିଏ ଆତଙ୍କୀଙ୍କ ଘର । କାଶ୍ମୀରରେ ଆଉ ଜଣେ ଆତଙ୍କବାଦୀର ଘର ବିସ୍ଫୋରଣ କରି ଉଡାଇଦିଆଛି । ଉତ୍ତର କାଶ୍ମୀରର ପୁକୱାରାର ସ୍ଥିତ ନାରିକୁଟ ଅଞ୍ଚଳରେ ଥିବା ଲସ୍କର ଏ ତୋଏବା ଆତଙ୍କାବଦୀ ଫାରୁକ ଅହମ୍ମଦ ତେଦବାର ଘରକୁ ବିସ୍ଫୋରଣରେ ଉଡାଇ ଦିଆଯାଇଛି। ଫାରୁକ ଏବେ ପାକିସ୍ତାନରେ ରହି କାଶ୍ମୀରେ ଆତଙ୍କବାଦୀ ଆକ୍ରମଣ ପାଇଁ ପାକିସ୍ତାନ ସେନାକୁ ସାହାଯ୍ୟ କରୁଥିବା ଜଣାପଡ଼ିବା ପରେ ନିଆଯାଇଛି ଏଭଳି ପଦକ୍ଷେପ ।

ଆଜି ଦିନରେ ପୁଲୱାମା, ସୋପିଆନ୍‌ ଓ କୁଲଗାମ୍‌ରେ ୩ ଆତଙ୍କୀଙ୍କ ଘର ଧୂଳିସାତ୍ କରିଥିଲେ ସୁରକ୍ଷାକର୍ମୀ । ପୁଲୱାମାରେ ଆତଙ୍କୀ ଏହସାନ୍‌, ସୋପିଆନ୍‌ରେ ଆତଙ୍କୀ ଶାହିଦ୍‌ର ଘର ଓ କୁଲଗାମ୍‌ରେ ଆତଙ୍କୀ ଜାକିରର ଘର ମାଟିରେ ମିଶାଇଛନ୍ତି ସୁରକ୍ଷାକର୍ମୀ । ଜମ୍ମୁ କାଶ୍ମୀର ବିଜବେହାରାରେ ଆତଙ୍କବାଦୀ ଆଦିଲର ଘର ଧ୍ବଂସ ସ୍ତୁପରେ ପରିଣତ ହୋଇଥିଲା । ସେହିପରି ତ୍ରାଲରେ ଆତଙ୍କବାଦୀ ଆସିଫ ଶେଖର ଘରକୁ ଆଇଡି ବ୍ଲାଷ୍ଟ କରି ଉଡାଇ ଦିଆଯାଇଥିଲା । ଦୁଇ ଆତଙ୍କବାଦୀ ପହଲଗାଓଁ ନରସଂହାରରେ ଥିଲେ ସାମିଲ । ଏବେସୁଦ୍ଧା ୬ ଆତଙ୍କୀଙ୍କ ଘର ମାଟିରେ ମିଶିଲାଣି । ସେପଟେ କୁଲଗାମ ଥୋକରପରାରୁ ୨ ଆତଙ୍କବାଦୀ ସହଯୋଗୀଙ୍କୁ ଗିରଫ କରିଛନ୍ତି ସୁରକ୍ଷାକର୍ମୀ ।

Argus News | argus news | Odisha Latest News, Breaking News, Trending News, Live TV