ଅର୍ଗସ ବ୍ୟୁରୋ: ମୁଖ୍ୟ ନିର୍ବାଚନ କମିଶନରଙ୍କର ବଢିଲା ସୁରକ୍ଷା । କେନ୍ଦ୍ର ସରକାରଙ୍କ ନିଷ୍ପତ୍ତି ଅନୁସାରେ ତାଙ୍କର ସୁରକ୍ଷା ବଢାଯାଇଥିବା ଜଣାପଡିଛି । ସୁରକ୍ଷା ପାଇଁ ସିଆରପିଏଫ କମାଣ୍ଡୋ ସହ ମୋଟ ୩୩ ସୁରକ୍ଷା କର୍ମୀ ତାଙ୍କ ସୁରକ୍ଷାରେ ନିୟୋଜିତ ହେବେ । କେନ୍ଦ୍ର ଗୃହ ମନ୍ତ୍ରଣାଳୟର ଇଣ୍ଟେଲିଜେନ୍ସ ବ୍ୟୁରୋ ଆଧାରରେ ମୁଖ୍ୟ ନିର୍ବାଚନ କମିଶନରଙ୍କ ସୁରକ୍ଷା ବଢାଯାଇଛି । ସୁରକ୍ଷା ବଢିବା ପରେ ତାଙ୍କ ବାସଭବନରେ ପୂର୍ବରୁ ନିୟୋଜିତ ଥିବା ୧୦ ଜଣ ସଶସ୍ତ୍ର ସୁରକ୍ଷାକର୍ମୀ, ୬ ବେସରକାରୀ ସୁରକ୍ଷା ଅଧିକାରୀଙ୍କ ସହ ବନ୍ଧିକଧାରୀ ପୋଲିସ କର୍ମଚାରୀ ୨୪ ଘଣ୍ଟା ସୁରକ୍ଷା ଯୋଗାଇବେ ।

ଲୋକସଭା ନିର୍ବାଚନ ପୂର୍ବରୁ ଚାଲିଥିବା ରାଜନୈତିକ ପରିସ୍ଥିତିକୁ ନଜରରେ ରଖି ରାଜୀବ କୁମାରଙ୍କ ସୁରକ୍ଷା ବଢାଇବା ଲାଗି କେନ୍ଦ୍ର ନିଷ୍ପତ୍ତି ନେଇଛି ।

୨୦୨୨ରେ ମୁଖ୍ୟ ନିର୍ବାଚନ କମିଶନର ପଦ ଗ୍ରହଣ କରିଥିଲେ :-
ମୁଖ୍ୟ ନିର୍ବାଚନ କମିଶନର ରାଜୀବ କୁମାର ହେଉଛନ୍ତି ୧୯୮୪ ବ୍ୟାଚର ଅବସରପ୍ରାପ୍ତ ଆଇଏଏସ୍ ଅଧିକାରୀ । ମେ' ୨୫ ୨୦୨୨ ରେ ୨୫ ତମ ମୁଖ୍ୟ ନିର୍ବାଚନ କମିଶନ ଭାବରେ ଦାୟିତ୍ଵ ଗ୍ରହଣ କରିଥିଲେ । ଏହାପୂର୍ବରୁ ସେ ୧ ସେପ୍ଟେମ୍ବର ୨୦୨୦ରେ ନିର୍ବାଚନ ସଂସ୍ଥାରେ ନିର୍ବାଚନ କମିଶନର ଦାୟିତ୍ଵ ତୁଲାଇଥିଲେ । ହେଲେ ଅବସର ନେବା ପୂର୍ବରୁ ତାଙ୍କର ପ୍ରଶାସନିକ କାର୍ଯ୍ୟକାଳ ମଧ୍ୟରେ ସେ ଅଧିକାଂଶ ସମୟ ବିହାର ଏବଂ ଝାଡଖଣ୍ଡରେ ବିତାଇଥିଲେ । କିନ୍ତୁ ଏବେ ଦେଶର ସେ ମୁଖ୍ୟ ନିର୍ବା଼ଚନ କମିଶନ ହୋଇଛନ୍ତି ।

Argus News | argus news | Odisha Latest News, Breaking News, Trending News, Live TV