ଲାଲକିଲ୍ଲାରୁ ସବୁଠାରୁ ଲମ୍ବା ଭାଷଣ ଦେଇ ପ୍ରଧାନମନ୍ତ୍ରୀ ମୋଦିଙ୍କ ରେକର୍ଡ । ଏହାପୂର୍ବରୁ ଗତବର୍ଷ ତାଙ୍କର ସବୁଠାରୁ ଲମ୍ବା ଭାଷଣ ୯୮ ମିନିଟର ରହିଥିଲା । କିନ୍ତୁ ୭୯ତମ ସ୍ବାଧୀନତା ଦିବସ ଅବସରରେ ଦିଲ୍ଲୀର ଲାଲକିଲ୍ଲାରେ ୧୦୩ ମିନିଟ ଭାଷଣ ଦେଇ ରେକର୍ଡ କରିଛନ୍ତି ପ୍ରଧାନମନ୍ତ୍ରୀ । ୨୦୧୫ରେ ୮୮ ମିନିଟର ଭାଷଣ ଦେଇ ପୂର୍ବ ପ୍ରଧାନମନ୍ତ୍ରୀ ଜବାହରଲାଲ ନେହରୁଙ୍କ ୭୨ ମିନିଟର ରେକର୍ଡକୁ ଭାଙ୍ଗିଥିଲେ ପିଏମ ମୋଦି।

ଏବର୍ଷ ସର୍ବାଧିକ ୧୦୩ ମିନିଟର ଭାଷଣ ଦେଇ ନିଜ ପୁରୁଣା ରେକର୍ଡ ଭାଙ୍ଗିଛନ୍ତି ମୋଦି । ପ୍ରଧାନମନ୍ତ୍ରୀ ଆଜି ଆଉ ଏକ ରେକର୍ଡ ମଧ୍ୟ କରିଛନ୍ତି । ଲାଲକିଲ୍ଲାରେ ଲଗାତାର ୧୨ଥର ତ୍ରିରଙ୍ଗା ଉତ୍ତୋଳନ କରିଛନ୍ତି ମୋଦି । ଇନ୍ଦିରା ଗାନ୍ଧିଙ୍କ ନାମରେ ୧୧ ଥର ତ୍ରିରଙ୍ଗା ଉତ୍ତୋଳନ କରିବାର ରେକର୍ଡ ରହିଥିଲା । ଯାହାକୁ ପ୍ରଧାନମନ୍ତ୍ରୀ ମୋଦି ଭାଙ୍ଗିଦେଇଛନ୍ତି ।