ଏହି 11ବର୍ଷରେ ଦେଶର ବିକାଶ ପ୍ରସଙ୍ଗ ଉଠାଇଛନ୍ତି ମୋଦି । କହିଛନ୍ତି, ତାଙ୍କର ନେତୃତ୍ବ ସମୟରେ ଦେଶର ସବୁ କ୍ଷେତ୍ରରେ ବିକାଶ ହୋଇଛି । ପ୍ରଥମେ ଗୁଜରାଟର ଲୋକେ ଏବଂ ପରେ କୋଟି କୋଟି ଭାରତ ମୋ ଉପରେ ଆଶିର୍ବାଦ ଅଜାଡି ଦେଇଥିଲେ । ମୋଦି କହିଛନ୍ତି ଆମ ଦେଶୁ ବିକଶିତ ଭାରତରେ ପରିଣତ କରିବାରେ 140 କୋଟି ଭାରତୀୟ କାମ କରୁଛନ୍ତି । ଆଜିର ସମୟର ଚାହିଦା ହେଉଛି ବିକଶିତ ଭାରତ ପାଇଁ ଯାହା କିଛି ଦରକାର ତାହା ଆମ ଦେଶରେ ନିର୍ମାଣ ହେଉ । ଦେଶ ବିଭାଜନ ସମୟରେ ଜନ୍ମ ହୋଇଥିବା ଆଉ ଏକ ଦେଶର ଏକ ମାତ୍ର ଲକ୍ଷ୍ୟ ହେଉଛି ଶତ୍ରୁତା କରିବା । ଏବଂ ଭାରତକୁ କ୍ଷତି ପହଂଚାଇବା ।

ଗୁଜରାଟରେ 24 ହଜାର କୋଟି ପ୍ରକଳ୍ପର ଶିଳାନ୍ୟାସ ଏବଂ ଉଦଘାଟନ ଅବସରରେ ପ୍ରଧାନମନ୍ତ୍ରୀ ବିକଶିତ ଭାରତର ନକ୍ସା ରଖିଥିଲେ । ଏହି ଅବସରରେ ଅପରେସନ୍ ସିନ୍ଦୂରରେ ଗୁରୁତ୍ବପୂର୍ଣ୍ଣ ଭୂମିକା ନିଭାଇଥିବା କର୍ଣ୍ଣେଲ ସୋଫିଆ କ୍ୟୁରେସିଙ୍କ ପରିବାରକୁ ସମ୍ମାନ ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଆଜି ଭରୋଦରାରେ ହୋଇଥିବା ମୋଦିଙ୍କ ବିଶାଳ ରୋଡ ଶୋରେ ହଜାର ହଜାର ଜନତା ସାମିଲ ହୋଇଥିଲେ ।

ପ୍ରଧାନମନ୍ତ୍ରୀଙ୍କୁ ସ୍ବାଗତ କରିବାକୁ କର୍ଣ୍ଣେଲ ସୋଫିଆ କ୍ୟୁରେସିଙ୍କ ପରିବାର ମଧ୍ୟ ଉପସ୍ଥିତ ଥିଲେ । ପ୍ରଧାନମନ୍ତ୍ରୀ ଯେତେବେଳେ ତାଙ୍କ ପରିବାରକୁ ଅତିକ୍ରମ କଲେ ସେତେବେଳେ ତାଙ୍କ କାରକେଡ୍ ଅଟକି ଯାଇଥିଲା । ପ୍ରଧାନମନ୍ତ୍ରୀ ସେମାନଙ୍କୁ ହାତ ହଲାଇ ଅଭିବାଦନ ଜଣାଇଥିଲେ । ଅନ୍ୟପକ୍ଷରେ ସୋଫିଆଙ୍କ ପରିବାର ପକ୍ଷରୁ ମୋଦିଙ୍କ ଉପରେ ପୁଷ୍ପବୃଷ୍ଟି କରାଯାଇଥିଲା ।