ଏପ୍ରିଲ ୨୨, ୨୦୨୫ । ପହଲଗାମରେ କର୍ଣ୍ଣାଟକର ମଞ୍ଜୁନାଥଙ୍କୁ ହତ୍ୟା କଲେ ଆତଙ୍କବାଦୀ । ସ୍ତ୍ରୀ ନେହୁରା ହେଲେ ମୋତେ ବି ମାରିଦିଅ । ହେଲେ ଆତଙ୍କୀ କହିଲେ ମୋଦିଙ୍କୁ ଦେବ ଆମ ପୈଗାମ୍ । ହେଲେ ଏବେ ସେଇ ପୈଗାମର ପାଲଟା ପୈଗାମ ଦେଇଛନ୍ତି ଖୋଦ୍ ପିଏମ୍ ମୋଦି । ମୃତ୍ୟୁର ଅକ୍ଷିମୁଠି ଅନୁକୂଳ କଲା ବେଳେ ଅପରାଧବୋଧରେ ଯେଉଁମାନଙ୍କର ମଥା ବି ନଇଁପଡ଼େନି ସେମାନଙ୍କ ଉଦ୍ଦେଶ୍ୟରେ ବିହାର ମଧୁବନୀରୁ ପିଏମ୍ ମୋଦି ଭରିଛନ୍ତି ଲଲକାର୍ । ଆତଙ୍କୀଙ୍କ ଅଣ୍ଟା ଭଙ୍ଗାଯିବ ବୋଲି ବେଶ ଲାଉଡ୍ ଆଉ କ୍ଲିଅର୍ ମେସେଜ୍ ଦେଇଛନ୍ତି ପ୍ରଧାନମନ୍ତ୍ରୀ ।

ଭାରତର ଆତ୍ମା ଉପରେ ହମ୍‌ଲା କରିବାର ଦୁଃସାହସ କରିଥିବା ଆତଙ୍କୀଙ୍କୁ ଏମିତି ଦଣ୍ଡ ଦିଆଯିବ, କେବେ କେହି କଳ୍ପନା କରିନଥିବେ । ପାତାଳରେ ଛପିଥିଲେ ବି ବାହାର କରି ମୂଳପୋଛ କରିବୁ ବୋଲି ସଫାସଫା ଶୁଣାଇଛନ୍ତି ପିଏମ୍ ।ଆତଙ୍କୀଙ୍କ ଆଡ୍ଡାକୁ ସମୂଳେ ଧ୍ଵଂସ କରାଯିବ, ଚିହ୍ନବର୍ଣ୍ଣ ରହିବନି । ଆତଙ୍କୀଙ୍କ ଆକ୍କା ବି ତ୍ରାହି ପାଇବେନି । ଯେଉଁ ଭୂଖଣ୍ଡକୁ ଆତଙ୍କୀ ବ୍ୟବହାର କରୁଛନ୍ତି ତାକୁ ଧ୍ଵଂସ କରାଯିବ କହି ବି ପାକିସ୍ତାନକୁ ବି ଚରମ ବାଣୀ ଶୁଣାଇଛନ୍ତି ପ୍ରଧାନମନ୍ତ୍ରୀ ।

କେବଳ ଏତିକି ନୁହେଁ ଗତକାଲି ପାକିସ୍ତାନ ବିରୋଧରେ କୂଟନୈତିକ ଏୟାରଷ୍ଟ୍ରାଇକ୍ ପରେ ଭାରତ ସୈନ୍ୟ ଷ୍ଟ୍ରାଇକ୍ ବି କରିପାରେ ବୋଲି ଚର୍ଚ୍ଚା ଆରମ୍ଭ ହୋଇସାରିଛି । କାହିଁକି ନା ପହଲଗାମ ଆଟାକ୍ ନେଇ ପିଏମ୍ ମୋଦି ସାରା ବିଶ୍ବକୁ ମେସେଜ୍ ଦେବା ପାଇଁ ମଞ୍ଚରୁ ହିଁ ଇଂରାଜୀରେ କହିଛନ୍ତି ଯେ ଆତଙ୍କବାଦୀଙ୍କୁ କୌଣସି ପରିସ୍ଥିତିରେ ବି ଛଡ଼ାଯିବନି ।

୧୮ ଡିସେମ୍ବର ୨୦୧୬ରେ ହୋଇଥିଲା ଉରୀ ଆକ୍ରମଣ । ଆଉ ଏହାର ୧୧ ଦିନରେ ହିଁ ସର୍ଜିକାଲ ଷ୍ଟ୍ରାଇକ୍ କରି ବଦଲା ନେଇଥିଲା ଭାରତ । ୧୪ ଫେବୃଆରୀ ୨୦୧୯ରେ ହୋଇଥିଲା ପୁଲୱାମା ଆଟାକ୍ । ୧୩ ଦିନରେ ବାଲାକୋଟ୍ ଏୟାରଷ୍ଟ୍ରାଇକ କରି ପ୍ରତିଶୋଧ ନେଇଥିଲା ଭାରତ । ତେଣୁ ସର୍ଜିକାଲ ଷ୍ଟ୍ରାଇକ୍ କରି ଟିଜର୍ ଆଉ ଏୟାର ଷ୍ଟ୍ରାଇକ୍ କରି ଟ୍ରେଲର ଦେଖାଇଥିବା ଭାରତ ଏବେ ପହଲଗାମର ପ୍ରତିଶୋଧର ଫିଲ୍ମ ଖୁବଶୀଘ୍ର ଦେଖେଇବାକୁ ଯାଉଛି ।

ବିଶେଷ କରି ପାକିସ୍ତାନ ଲାହୋରରେ ବସି ବିରିୟାନି ଖାଉଥିବା ଟେରୋରିଷ୍ଟ ହାଫିଜ ସୟିଦ ଓ କରାଚୀରେ ଥିବା ଲସ୍କରର କମାଣ୍ଡର ସୈଫୁଲ୍ଲାହ କସୁରୀ ପାତାଳରେ ରହିଲେ ଆଉ ନିସ୍ତାର ନାହିଁ । ସେହିପରି ପାକିସ୍ତାନ ସେନାମୁଖ୍ୟ ଆସିମ ମୁନେର ଯେଉଁ ଚିଙ୍ଗାରୀ ଲଗେଇଥିଲା, ତାହା ଏବେ ଦାବାନଳ ହୋଇ ପାକିସ୍ତାନକୁ ହିଁ ପୋଡ଼ିଜାଳି ପକେଇବା ଏକ ପ୍ରକାର ନିଶ୍ଚିତ । ମୋଟାମୋଟି ଏବେ ଅପେକ୍ଷା ଭାରତର ରିଭେନ୍ଜକୁ