ମନ କୀ ବାତ୍ ର ୧୨୪ତମ ସଂସ୍କରଣରେ ଭାରତର ଲୋକ ଗୀତ, ପରମ୍ପରା କଥା ଉଠାଇ କେନ୍ଦୁଝରର ରାଧାକ୍ରୀଷ୍ଣ କୀର୍ତ୍ତନ ମଣ୍ଡଳୀର ପ୍ରୟାସକୁ ପ୍ରଶଂସା କରିଛନ୍ତି ପ୍ରଧାନମନ୍ତ୍ରୀ । କୀର୍ତ୍ତନ ମାଧ୍ୟମରେ ଭକ୍ତିଭାବ ସହ ପରିବେଶ ସୁରକ୍ଷା ଓ ଜଙ୍ଗଲ ନିଆଁ ବିଷୟରେ ସଚେତନ ।.. ଏହି ଅଭିନବ ପ୍ରୟାସ ପ୍ରମିଳା ପ୍ରଧାନ ନାମକ ମହିଳାଙ୍କ ଦ୍ବାରା ଆରମ୍ଭ ହୋଇଛି । ପାରମ୍ପରିକ ଗୀତରେ ନୂଆ ପଦ ଯୋଡ଼ି ତାକୁ ସଙ୍କୀର୍ତ୍ତନ ମାଧ୍ୟମରେ ଗାଁ ଗାଁ ବୁଲି ପରିବେଷଣ କରୁଛନ୍ତି ।... ଯେଉଁଥିରେ ଭାରତର ବିବିଧତାର ଝଲକ୍ ଲୋକଗୀତ ଏବଂ ପରମ୍ପରା ଦେଖିବାକୁ ମିଳେ । ଏଥିପାଇଁ ମୋଦିଙ୍କୁ ଧନ୍ୟବାଦ ଜଣାଇଛନ୍ତି
କେନ୍ଦୁଝରର ପ୍ରମିଳା ।

ସେହିପରି ଆସନ୍ତା ୭ ଅଗଷ୍ଟରେ ଦେଶ ପାଳିବ ୧୦ମ ନ୍ୟାସନାଲ୍ ହ୍ୟାଣ୍ଡଲୁମ୍ ଡେ । ମନ୍ କୀ ବାତରେ ମୟୂରଭଞ୍ଜ ଆଦିବାସୀ ମହିଳାଙ୍କ ଲୁଗାବୁଣା ସଫଳତା କାହାଣୀ କହିଛନ୍ତି ପ୍ରଧାନମନ୍ତ୍ରୀ । ୬୫୦ରୁ ଅଧିକ ଆଦିବାସୀ ମହିଳା ସାନ୍ତାଳୀ ଶାଢ଼ୀକୁ ପୁଣି ଉଜ୍ଜୀବିତ କରିଛନ୍ତି । ଶାଢ଼ୀ ତିଆରି କରିବା ସହ ନିଜ ପରିଚୟ ସୃଷ୍ଟି କରୁଛନ୍ତି। ତେବେ ମୟୂରଭଞ୍ଜ ଜିଲ୍ଲାର ବାଙ୍ଗିରିପୋଷୀ , ଖୁଣ୍ଟା ଓ ଉଦଳା ଅଞ୍ଚଳରେ ପ୍ରାକୃତିକ ରଙ୍ଗକୁ ଉପଯୋଗ କରି ସୂତାକୁ ରଙ୍ଗ କରାଯାଉଛି ।.... ତନ୍ତବୁଣା ଲୁଗା ବୁଣାଳୀଙ୍କ ଦ୍ବାରା ଉତ୍ପାଦନ କରାଯାଉଛି । ଏହାଦ୍ବାରା ମହିଳାମାନେ ମାସକୁ ୭ ହଜାରରୁ ୧୪ହଜାର ଟଙ୍କା ପର୍ଯ୍ୟନ୍ତ ରୋଜଗାର କରୁଛନ୍ତି ।

ପିଏମ୍ `ମନ କି ବାତ'ରେ ପର୍ଯ୍ୟଟନ ଶିଳ୍ପ ପାଇଁ କେନ୍ଦୁଝରର କୀର୍ତ୍ତନ ଓ ମୟୁରଭଞ୍ଜର ସାନ୍ତାଳୀ ଶାଢ଼ୀ ସମ୍ପର୍କରେ ମହିଳାଙ୍କ ଉଦାହରଣ ଦେଇଛନ୍ତି ।.... ଯାହାକି ରାଜ୍ୟର ହସ୍ତଶିଳ୍ପ ଉଦ୍ୟୋଗର ବିକାଶ ଦିଗରେ ସହାୟକ ହେବ କହିଛନ୍ତି ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ।

`ମନ କୀ ବାତ୍' କାର୍ଯ୍ୟକ୍ରମରେ ମୋଦି କହିଛନ୍ତି- ବିକଶିତ ଭାରତର ପଥ ଆତ୍ମନିର୍ଭରଶୀଳତା ଦେଇ ଯାଉଛି । ଆମକୁ ନିଜ ଦେଶର ଉତ୍ପାଦ ଉପରେ ନିର୍ଭର କରିବାକୁ ପଡିବ । ଭୋକାଲ୍ ଫର୍ ଲୋକାଲ୍ କେବଳ ସ୍ଲୋଗାନ ନୁହେଁ, ଏହା ଏକ ଦାୟିତ୍ୱ, ଯାହା ଭାରତର ଅର୍ଥନୀତିକୁ ସୁଦୃଢ଼ କରିବ । ଏଥିସହ ମହାକାଶଚାରୀ ଶୁଭାଂଶୁ ଶୁକ୍ଳାଙ୍କ ମହାକାଶରୁ ପୃଥିବୀକୁ ସୁରକ୍ଷିତ ପ୍ରତ୍ୟାବର୍ତ୍ତନକୁ ପ୍ରଶଂସା କରି କହିଛନ୍ତି ପିଏମ୍ । ସେ କହିଛନ୍ତି, ଦେଶରେ ମହାକାଶ କ୍ଷେତ୍ର ସହ ଜଡିତ ଷ୍ଟାର୍ଟଅପ୍ ମଧ୍ୟ ଦ୍ରୁତ ଗତିରେ ଉଭା ହେଉଛି । ପାଞ୍ଚ ବର୍ଷ ପୂର୍ବେ ୫୦ରୁ କମ୍ ଷ୍ଟାର୍ଟଅପ୍ ଥିଲେ । ଆଜି କେବଳ ମହାକାଶ କ୍ଷେତ୍ରରେ ୨୦୦ରୁ ଅଧିକ ଷ୍ଟାର୍ଟଅପ୍ ଅଛନ୍ତି ।