ଅର୍ଗସ ବ୍ୟୁରୋ: ହିଟ୍ ୱେଭ୍ ଅର୍ଥ ହେଉଛି ଏକ ଅଞ୍ଚଳରେ ଅସ୍ୱାଭାବିକ ଉଚ୍ଚ ତାପମାତ୍ରା । ପାଣିପାଗ ବିଭାଗ ଅନୁଯାୟୀ, ଯେତେବେଳେ ଏକ ଅଞ୍ଚଳର ତାପମାତ୍ରା ସ୍ୱାଭାବିକ ଡିଗ୍ରୀ ଠାରୁ ଅଧିକ ସେଲସିୟସ ହୋଇଯାଏ ସେତେବେଳେ ଏହା ହିଟ୍ ୱେଭ ବୋଲି କୁହାଯାଏ ।ପାଣିପାଗ ବିଭାଗ ଅନୁଯାୟୀ ସମତଳ ଅଞ୍ଚଳରେ ଅତି କମରେ ୪୦ ଡିଗ୍ରୀ ସେଲସିୟସ କିମ୍ବା ଅଧିକ ତାପମାତ୍ରା ଏବଂ ପାହାଡ ଅଞ୍ଚଳରେ ଅତି କମରେ ୩୦ ଡିଗ୍ରୀ ସେଲସିୟସ କିମ୍ବା ତାଠାରୁ ଅଧିକ ତାପମାତ୍ରା ସ୍ଥାନକୁ ହିଟ୍ ୱେଭ୍ ଭାବରେ ବିବେଚନା କରାଯାଏ।

କେଉଁ ମାସରେ ସବୁଠାରୁ ବଡ ବିପଦ:-
ସାଧାରଣତଃ ମାର୍ଚ୍ଚରୁ ଜୁନ୍ ମଧ୍ୟରେ ଭାରତରେ ହିଟ୍ ୱେଭ୍ ଅବସ୍ଥା ଦେଖାଯାଏ ।ଏପରି ପରିସ୍ଥିତିରେ, ଜୁଲାଇ ମାସରେ ମଧ୍ୟ କେତେକ ଅଞ୍ଚଳରେ ହିଟ୍ ୱେଭ୍ ପରିସ୍ଥିତି ଦେଖାଯାଇଥଏ।  ଆଇଏମଡି ଅନୁଯାୟୀ, ମେ ମାସରେ ହିଟ୍ ୱେଭ୍ ଅଧିକ ଥାଏ । ପଞ୍ଜାବ, ହରିୟାଣା, ଦିଲ୍ଲୀ, ଉତ୍ତରପ୍ରଦେଶ, ବିହାର, ଝାଡଖଣ୍ଡ, ପଶ୍ଚିମବଙ୍ଗ, ଓଡ଼ିଶା, ମଧ୍ୟପ୍ରଦେଶ, ଛତିଶଗଡ, ରାଜସ୍ଥାନ, ଗୁଜୁରାଟ, ମହାରାଷ୍ଟ୍ର, କର୍ଣ୍ଣାଟକ, ଆନ୍ଧ୍ରପ୍ରଦେଶ ଏବଂ ତେଲେଙ୍ଗାନାର କେତେକ ଅଂଶ ଯେଉଁଠାରେ ହିଟ୍ ୱେଭ୍ ହେବାର ସମ୍ଭାବନା ଅଧିକ ରହଇଥାଏ । 

କେତେବେଳେ ହିଟ୍ ୱେଭ୍ ଅଧିକ ବୋଲି କୁହାଯାଏ :-
ଭାରତରେ ହିଟ୍ ୱେଭକୁ ତିନୋଟି ଶ୍ରେଣୀରେ ବିଭକ୍ତ କରାଯାଇଛି । ହଳଦିଆ, କମଳା ଏବଂ ଶେଷରେ ରେଡ୍ ଆଲର୍ଟ । ଯଦି କୌଣସି ଅଞ୍ଚଳର ତାପମାତ୍ରା ସାଧାରଣ ଠାରୁ ୪.୫ ରୁ ୬.୫ ଡିଗ୍ରୀ ଅଧିକ ହୁଏ ତେବେ ଏହା ହିଟ୍ ୱେଭ୍ ବର୍ଗରେ ଆସେ । ଅତ୍ୟଧିକ ଉତ୍ତାପ ସମୟରେ ସାଧାରଣ ଦିନ ଛଡ ରାତିର ତାପମାତ୍ରା ମଧ୍ୟ ବଢିଥାଏ।

କେଉଁ ଲୋକଙ୍କର ଅଧିକ ସମସ୍ୟା ଅଛି:-
ଆଇଏମଡି ଅନୁଯାୟୀ ହିଟ୍ ୱେଭ୍ ଯୋଗୁଁ ବୃଦ୍ଧ ବ୍ୟକ୍ତି, ଶିଶୁ ଏବଂ ପୂର୍ବରୁ କୌଣସି ରୋଗରେ ଆକ୍ରାନ୍ତ ବ୍ୟକ୍ତି ଅଧିକ ସମସ୍ୟାର ସମ୍ମୁଖୀନ ହୋଇପାରନ୍ତି। ହିଟ୍ ୱେଭ୍ ଦିନରେ ଉତ୍ତାପ ଅଧିକ ହେବାର ଆଶଙ୍କା ବହୁଗୁଣିତ ହୁଏ । ଏହା ବ୍ୟତୀତ ଡିହାଇଡ୍ରେସନ୍ ସହିତ ଅନ୍ୟାନ୍ୟ ସମସ୍ୟା ମଧ୍ୟ ହୋଇପାରେ ।କୁହାଯାଇଛିକି ଖରା ସମୟରେ ବାହାରକୁ ନଯିବା ପାଇଁ ତାହା ସହ ପ୍ରଚୁର ମାତ୍ରାରେ ପାଣି ପିଅନ୍ତୁ ଏବଂ ହାଲୁକା ରଙ୍ଗର ପୋଷାକ ପିନ୍ଧନ୍ତୁ । 

ଉତ୍ତାପ ଯୋଗୁଁ କେତେ ମୃତ୍ୟୁ:-
ଅଷ୍ଟ୍ରେଲିଆର ମୋନାଶ ବିଶ୍ୱବିଦ୍ୟାଳୟର ଏକ ରିପୋର୍ଟରେ କୁହାଯାଇଛି ଯେ ଭାରତରେ ହିଟ୍ ୱେଭ୍ କିପରି ମାରାତ୍ମକ ହୋଇଛି।  ରିପୋର୍ଟ ଅନୁଯାୟୀ ୧୯୯୦ ପରଠାରୁ ୩୦ ବର୍ଷ ମଧ୍ୟରେ ସମଗ୍ର ବିଶ୍ୱରେ ହିଟ୍ ୱେଭ୍ ଯୋଗୁଁ ୧.୫ ଲକ୍ଷରୁ ଅଧିକ ମୃତ୍ୟୁ ଘଟିଛି। ଏହି ମୃତ୍ୟୁଗୁଡିକ ପ୍ରାୟ ୨୦ ପ୍ରତିଶତ ଭାରତରେ ଘଟିଛି। ଅର୍ଥାତ୍ ହିଟ୍ ୱେଭ୍ ଯୋଗୁଁ ପ୍ରାୟ ୩୦ ହଜାର ଲୋକ ପ୍ରାଣ ହରାଇଥିଲେ।

ଅଧିକ ପଢ଼ନ୍ତୁ ଦେଶ ଖବର: