ଆସନ୍ତାକାଲି ମାଘ ପୂର୍ଣ୍ଣିମାରେ ପଞ୍ଚମ ଅମୃତସ୍ନାନ। ପ୍ରୟାଗରାଜ ମହାକୁମ୍ଭରେ କୋଟିଏରୁ ଅଧିକ ଶ୍ରଦ୍ଧାଳୁଙ୍କ ଭିଡ ସମ୍ଭାବନା। ଭିଡ ନିୟନ୍ତ୍ରଣ ପାଇଁ ଯାନବାହାନ ଚଳାଚଳ ଉପରେ କଟକଣା। ୫ଲକ୍ଷରୁ ଅଧିକ ଗାଡି ପାର୍କିଂ ପାଇଁ ବ୍ୟବସ୍ଥା । ସୁରକ୍ଷା ଓ ଟ୍ରାଫିକ୍ ବ୍ୟବସ୍ଥାର ସମୀକ୍ଷା କଲେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ। ବର୍ତ୍ତମାନ ସୁଦ୍ଧା ୪୩କୋଟିରୁ ଅଧିକ ଶ୍ରଦ୍ଧାଳୁଙ୍କ ବୁଡ ।

ଆସନ୍ତାକାଲି ମାଘ ପୂର୍ଣ୍ଣିମା । ଏହି ଅବସରରେ ଅମୃତ ସ୍ନାନ ପାଇଁ ପ୍ରୟାଗରାଜ ମହାକୁମ୍ଭରେ ଲକ୍ଷ ଲକ୍ଷ ଶ୍ରଦ୍ଧାଳୁଙ୍କ ସମାଗମ ହେବ । ଆଜି ମଧ୍ୟ କୁମ୍ଭମେଳାରେ ଜନସମୁଦ୍ର ଦେଖବାକୁ ମିଳିଛି । ପ୍ରତ୍ୟୁଷରୁ ବୁଡ ପକାଇବାକୁ ଶ୍ରଦ୍ଧାଳୁଙ୍କ ଭିଡ ଜମିଛି । ଆସନ୍ତାକାଲି ପଞ୍ଚମ ଅମୃତ ସ୍ନାନ ହେବ । ଏଥିରେ ଏକ କୋଟିରୁ ଅଧିକ ଲୋକ ବୁଡ ପକାଇବାର ସମ୍ଭାବନା ରହିଛି ।

ଭିଡ ନିୟନ୍ତ୍ରଣ ପାଇଁ ଆଜିଠାରୁ ପୁରା ଅଂଚଳରେ ଯାନବାହାନ ଚଳାଚଳ ଉପରେ ଜାରି ହୋଇଛି କଟକଣା । ବିଭିନ୍ନ ସ୍ଥାନରେ ପାର୍କିଂ ପାଇଁ କରାଯାଇଛି ବ୍ୟବସ୍ଥା । ଗତକାଲି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଉଚ୍ଚସ୍ତରୀୟ ସମୀକ୍ଷା ବୈଠକରେ ସୁରକ୍ଷା ଓ ଟ୍ରାଫିକ ବ୍ୟବସ୍ଥାର ସମୀକ୍ଷା କରିଛନ୍ତି । ୫ଲକ୍ଷରୁ ଅଧିକ ଗାଡି ରହିବା ପାଇଁ ବ୍ୟବସ୍ଥା କରିବାକୁ ନିର୍ଦ୍ଦେଶ ଦିଆଯାଇଛି । ପୌଷ ପୂର୍ଣ୍ଣିମାରୁ କୁମ୍ଭମେଳାରେ ଆରମ୍ଭ ହୋଇଥିବା ଅମୃତସ୍ନାନ ଶିବରାତ୍ରିରେ ସମାପନ ହେବ । ଚଳିତବର୍ଷ ବର୍ତ୍ତମାନ ସୁଦ୍ଧା ୪୩କୋଟିରୁ ଅଧିକ ଶ୍ରଦ୍ଧାଳୁ କୁମ୍ଭମେଳାରେ ବୁଡ ପକାଇଛନ୍ତି ।

Argus News | argus news | -Argusnews Home: Odisha Latest News, Breaking News, Trending News, Live TV and more