ମୋଷ୍ଟ୍ ଓ୍ବାଣ୍ଟେଡ୍ ଆତଙ୍କବାଦୀ ସୈଫୁଲ୍ଲା ଖାଲିଦ୍ ନିପାତ । ପାକିସ୍ତାନରେ ଅଜ୍ଞାତ ଆତତାୟୀ ଗୁଳିରେ ସଫା ହୋଇଛି ଲସ୍କର ଆତଙ୍କୀ । ଭାରତରେ ତିନିଟି ବଡ଼ ହମଲାରେ ସାମିଲ ଥିଲା ସୈଫୁଲ୍ଲା ଖାଲିଦ୍ । ନେପାଳରେ ରହି ଲସ୍କରକୁ ଅପରେଟ୍ କରିବା ସହିତ ଭାରତ ବିରୋଧରେ ରଚୁଥିଲା ଷଡ଼ଯନ୍ତ୍ର । ପାକିସ୍ତାନର ସିନ୍ଧ୍ ପ୍ରାନ୍ତ ମତଲୀ, ବଦୀନରେ କାର୍ଯ୍ୟ କରୁଥିଲା ଆତଙ୍କବାଦୀ । ୨୦୦୬ରେ ଲସ୍କର-ଏ-ତୋଇବା ଆତଙ୍କବାଦୀ ସୈଫୁଲ୍ଲା ଖାଲିଦ୍, ମହାରାଷ୍ଟ୍ର ନାଗପୁରରେ ଥିବା ଆରଏସଏସ ମୁଖ୍ୟାଳୟ ହମଲାର ମାଷ୍ଟର ମାଇଣ୍ଡ୍ ଥିଲା । ୨୦୦୧ରେ ରାମପୁର ସିଆରପିଏଫ୍ କ୍ୟାମ୍ପକୁ ଟାର୍ଗେଟ୍ କରିଥିଲା ସୈଫୁଲ୍ଲା ।

ଏହାପରେ ୨୦୦୫ରେ ବେଙ୍ଗାଳୁରରେ ଭାରତୀୟ ବିଜ୍ଞାନ ସଂସ୍ଥାନର ଅଡିଟୋରିୟମରୁ ଅତିଥିମାନେ ବାହାରୁ ଥିବାବେଳେ ଆତଙ୍କବାଦୀମାନେ ଟାର୍ଗେଟ୍ କରି ଗୁଳିମାଡ଼ କରିଥିଲେ । ସୈଫୁଲ୍ଲା ଖାଲିଦ୍ ବାବଦରେ ଏନଆଇଏକୁ ଗୁଇନ୍ଦା ତଥ୍ୟ ମିଳିବା ପରେ ଭୟରେ ନେପାଳ ଛାଡ଼ି ଫେରାର୍ ହୋଇଯାଇଥିଲା ସୈଫୁଲ୍ଲା ।