ବିହାରରେ ରାହୁଲଙ୍କ ରାଲିରେ ପ୍ରଧାନମନ୍ତ୍ରୀଙ୍କ ମାଙ୍କ ପ୍ରତି ଅପଶବ୍ଦ ବ୍ୟବହାର ଘଟଣା । କଂଗ୍ରେସ ଓ ଆରଜେଡିଙ୍କୁ ମୋଦିଙ୍କ ସମାଲୋଚନା । କହିଲେ, କଂଗ୍ରେସ କେବଳ ମୋ ମା ନୁହେଁ, ଦେଶର ପ୍ରତ୍ୟେକ ମାଆକୁ ଗାଳି ଦେଇଛି । ମାଙ୍କୁ ମନେପକାଇ ଭାବବିହ୍ବଳ ହେଲେ ପିଏମ୍ । ମା' ଶବ୍ଦକୁ କରାଯାଇଛି ଅପମାନିତ ।

ମଙ୍ଗଳବାର ଭିଡିଓ କନଫରେନ୍ସିଂ ଯୋଗେ ବିହାର ରାଜ୍ୟ ଜୀବିକା ନିଧି ସାଖା ସହକାରୀ ସଂଘ ଲିମିଟେଡର ଶୁଭାରମ୍ଭ କରିବା ଅବସରରେ ସମ୍ବୋଧନ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, କଂଗ୍ରେସ ଓ ଆରଜେଡିକୁ ସିଧାସଳଖ ଟାର୍ଗେଟ କରିଛନ୍ତି ।

ବିହାରରେ ରାହୁଲ ଗାନ୍ଧିଙ୍କ ସଭାରେ ତାଙ୍କ ମାଆଙ୍କ ପ୍ରତି କଂଗ୍ରେସ ନେତା ଅପଶବ୍ଦ ବ୍ୟବହାର କରିବା ଘଟଣାରେ ମୋଦି କହିଛନ୍ତି, ଏମିତି ଗାଳି କରି ସଂସାରର ସବୁ ମା'ଙ୍କୁ ଅପମାନିତ କଲା କଂଗ୍ରେସ । ମା' ଶବ୍ଦକୁ ଅପମାନିତ କରାଯାଇଛି । ମୋ ମାଆଙ୍କୁ ବିରୋଧୀ ଗାଳିଦେଲେ, ମାଆର କଣ ଭୁଲ୍ ଥିଲା। ରାଜନୀତିରେ ମୋ ମାଆର କୌଣସି ଭୂମିକା ନାହିଁ, ତଥାପି ଗାଳି କଲେ । ମାଆ ଭଉଣୀଙ୍କୁ ଗାଳି କରିବା ଅର୍ଥ ମହିଳାଙ୍କୁ ଦୁର୍ବଳ କରିବା ।

ଏହାସହ ପଢ଼ନ୍ତୁ:- ବାପାଙ୍କ ସପକ୍ଷରେ କହିବାରୁ ଦଳରୁ ବିଦା କଲେ ସେହି ବାପା !

RJD ଶାସନରେ ବିହାରରେ ମହିଳା ରାସ୍ତାକୁ ବାହାରି ପାରି ନଥିଲେ । ବିହାରବାସୀ ଲମ୍ବା ଲଢ଼େଇ କରି ଅନ୍ଧାରରୁ ମୁକ୍ତି ପାଇଛନ୍ତି । RJD-କଂଗ୍ରେସ ବିହାରରେ ମହିଳାଙ୍କୁ ଡରିଯାଇଛନ୍ତି । ଏହି ମହିଳାମାନେ ଏଥର ନିର୍ବାଚନରେ ସେମାନଙ୍କୁ ଜବାବ ଦେବେ ।

ପ୍ରଧାନମନ୍ତ୍ରୀ ମୋଦି ଓ ତାଙ୍କ ସ୍ୱର୍ଗତ ମା’ଙ୍କ ଉପରେ ଅଭଦ୍ର ଟିପ୍ପଣୀକୁ ସବୁ ମହଲରୁ ନିନ୍ଦା କରାଯାଇଥିଲା। ଏମିତି ଘଟଣା ଗଣତନ୍ତ୍ରରେ ଦାଗ, ରାହୁଲଙ୍କ ନେତୃତ୍ବରେ କଂଗ୍ରେସ ରାଜନୀତି ନିମ୍ନସ୍ତରରେ ପହଞ୍ଚିଥିବା କହିଥିଲେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ । ସେ ଆହୁରି କହିଥିଲେ, ଜଣେ ଗରିବ ମା'ର ପୁଅ ୧୧ବର୍ଷ ଧରି ପ୍ରଧାନମନ୍ତ୍ରୀ ପଦରେ ବସିବା କଂଗ୍ରେସ ସହଜରେ ହଜମ କରିପାରୁନାହିଁ ।

ବୁଧବାରର ଏହି ଘଟଣା ନେଇ ବିହାର ଦରଭଙ୍ଗା ସିମରି ଥାନାରେ ମାମଲା ରୁଜୁ କରିଥିଲେ ସ୍ଥାନୀୟ ବିଜେପି ଜିଲ୍ଲା ସଭାପତି । ପୋଲିସ ଦୁଇଜଣ କଂଗ୍ରେସ ନେତା-କର୍ମୀ ମହମ୍ମଦ ନୌସାଦ ଓ ରଫିକ ନାମକଙ୍କୁ ଗିରଫ କରିସାରିଛି ।

ଏହାସହ ପଢ଼ନ୍ତୁ:- ଦୁଷ୍କର୍ମ ଅଭିଯୋଗରେ ହୋଇଥିଲେ ଗିରଫ, ପୋଲିସକୁ ଗୁଳି କରି ଫେରାର ହୋଇଗଲେ AAP ବିଧାୟକ