ବିହାର-ପଶ୍ଚିମବଙ୍ଗରେ ନିର୍ବାଚନ ପୂର୍ବରୁ ମୋଦି ଖେଳିଲେ ମାଷ୍ଟର ଷ୍ଟ୍ରୋକ୍
Key Points
ମୋତିହାରୀରେ ଜଙ୍ଗଲ ରାଜ ସ୍ମରଣ କରାଇ ଆରଜେଡିକୁ ମୋଦିଙ୍କ ପ୍ରହାର
ପ୍ରଧାନମନ୍ତ୍ରୀ ଦେଲେ ବିହାରକୁ ୭ହଜାର ୨୦୦ କୋଟିର ବିକାଶ ଉପହାର
କହିଲେ ଆମର ସଙ୍କଳ୍ପ ସମୃଦ୍ଧ ବିହାର ଓ ଯୁବ ବର୍ଗଙ୍କୁ ରୋଜଗାର
ବିହାର ମୋତିହାରୀରେ ଜଙ୍ଗଲ ରାଜ ସ୍ମରଣ କରାଇ ଆରଜେଡିକୁ ମୋଦିଙ୍କ ପ୍ରହାର । ପ୍ରଧାନମନ୍ତ୍ରୀ ଦେଲେ ବିହାରକୁ ୭ ହଜାର ୨୦୦ କୋଟିର ବିକାଶ ପ୍ରକଳ୍ପ ଉପହାର । କହିଲେ ଆମ ସଙ୍କଳ୍ପ ସମୃଦ୍ଧ ବିହାର ଓ ଯୁବ ବର୍ଗଙ୍କୁ ରୋଜଗାର । ଦୁର୍ଗାପୁରରେ ଭ୍ରଷ୍ଟାଚାର ଓ ଅପରାଧ ପ୍ରସଙ୍ଗରେ ମମତା ସରକାରକୁ ଘେରିଲେ ମୋଦି । ପଶ୍ଚିମବଙ୍ଗ ବିକାଶ ପାଇଁ ବି ଦେଲେ ୫୦୦୦ କୋଟିର ଉପହାର ।
ନିର୍ବାଚନୀ ବର୍ଷରେ ୭ ମାସରେ ପଞ୍ଚମ ଥର, ଦେଢ ମାସରେ ତୃତୀୟ ଥର ଏବଂ ଗୋଟିଏ ମାସରେ ଦ୍ୱିତୀୟ ଥର ପାଇଁ ପ୍ରଧାନମନ୍ତ୍ରୀ ବିହାର ଗସ୍ତରେ ଯାଇ ଭେଟି ଦେଇଛନ୍ତି ୭ ହଜାର ୨୦୦ କୋଟି ଟଙ୍କାର ବିକାଶ ପ୍ରକଳ୍ପ। ଏଥିସହ ଆରଜେଡି ଓ କଂଗ୍ରେସ ଉପରେ କରିଛନ୍ତି ଜୋରଦାର ପ୍ରହାର । ବିହାର ମୋତିହାରିରେ ଆଯୋଜିତ ଜନସଭାରେ ବିକାଶ ପ୍ରକଳ୍ପଗୁଡ଼ିକର ଉଦଘାଟନ, ଶିଳାନ୍ୟାସ ଓ ବିରୋଧୀଙ୍କୁ ଆଟାକ୍ ମଧ୍ୟରେ ପ୍ରଧାନମନ୍ତ୍ରୀଙ୍କ ଭାଷଣରେ ଥିଲା ୩ଟି ମୁଖ୍ୟ ଦିଗ । ଲଣ୍ଠଣ ଯୁଗ ବନାମ ନୂଆ ଯୁଗ, ରୋଜଗାର ଓ ପଛୁଆ ବର୍ଗ।
TMC is against the progress of West Bengal. Their actions are against the welfare of the state’s youth. pic.twitter.com/tvUdsQ9s8e
— Narendra Modi (@narendramodi) July 18, 2025
📱 Get Argus News App
✨ଏନଡିଏ ବିହାରରେ ପୁଣି ଶାସନକୁ ଆସିଲେ ୨୦୨୫ରୁ ୩୦ ମଧ୍ୟରେ ୧ କୋଟି ଲୋକଙ୍କୁ ରୋଜଗାର ଦେବାକୁ କରିଛି ଯୋଜନା। ଏଥିରେ ସରକାରୀ, ଘରୋଇ ଓ ଶିଳ୍ପ କ୍ଷେତ୍ରରେ ଦିଆଯିବ ଚାକିରି । ଏନେଇ ଶ୍ରମ ବିଭାଗର ପ୍ରସ୍ତବ ଉପରେ ପ୍ରମୁଖ ବିକାଶ ଆୟୋଗଙ୍କ ଅଧ୍ୟକ୍ଷତାରେ ୧୨ ସଦସ୍ୟ ବିଶିଷ୍ଟ କମିଟି ଗଠନ କରାଯାଇଛି । ଗତ ରବିବାର ମୁଖ୍ୟମନ୍ତ୍ରୀ ନୀତିଶ କୁମାର ଏନେଇ ଏକ୍କରେ ଦେଇଥିଲେ ସୂଚନା । ତେଣୁ ରୋଜଗାର ପ୍ରସଙ୍ଗରେ ପ୍ରଧାନମନ୍ତ୍ରୀ ଆରଜେଡିକୁ କରିଥିଲେ ନିଶାନା । କହିଥିଲେ ଲାଲୁ ରାଜରେ ରୋଜଗାର ବଦଳରେ ଛଡାଇନିଆଯାଉଥିଲା ଜମି ।
ମୋତିହାରରେ ଜଙ୍ଗଲ ରାଜର ସ୍ମରଣ କରାଇ ଆରଜେଡିକୁ ପ୍ରହାର ତ ଦୁର୍ଗାପୁରରେ ଭ୍ରଷ୍ଟାଚାର ଓ ଆଇନଶୃଙ୍ଖଳା ପ୍ରସଙ୍ଗରେ ଟିଏମସିକୁ ଆକ୍ରମଣ ଜୋରଦାର। ଦୁର୍ଗାପୁରରେ ଆୟୋଜିତ ଜନସଭାରେ ପଶ୍ଚିମବଙ୍ଗକୁ ୫୦୦୦ କୋଟିର ବିଭିନ୍ନ ବିକାଶ ପ୍ରକଳ୍ପ ଭେଟି ଦେଇଛନ୍ତି ପ୍ରଧାନମନ୍ତ୍ରୀ। ମୋଦି କହିଛନ୍ତି ଟିଏମସିର ଗୁଣ୍ଡା ଟାକ୍ସ ଯୋଗୁଁ ବେଙ୍ଗଲକୁ ଆସିପାରୁନି ପୁଞ୍ଜିନିବେଶ।
ପ୍ରଧାନମନ୍ତ୍ରୀ ଆହୁରି କହିଛନ୍ତି ଭ୍ରଷ୍ଟାଚର ଓ ଅପରାଧ ଜରିଆରେ ରାଜ୍ୟର ଶିକ୍ଷା ବ୍ୟବସ୍ଥା ଉପରେ ଟିଏମସି କରୁଛି ପ୍ରହାର। ମମତା ସରକାରଙ୍କ ଦୁର୍ନୀତି ଯୋଗୁଁ ହଜାର ହଜାର ଶିକ୍ଷକ ହୋଇଛନ୍ତି ବେକାର। ଆଗକୁ ନିର୍ବାଚନ ହେବାକୁ ଥିବା ଦୁଇ ରାଜ୍ୟ ବିହାର ଓ ପଶ୍ଚିମବଙ୍ଗକୁ ଏକାଧିକ ବିକାଶ ପ୍ରକଳ୍ପ ଭେଟିଦେଇ ପ୍ରଧାନମନ୍ତ୍ରୀଙ୍କ ଚଳାଇଛନ୍ତି ମାଷ୍ଚରଷ୍ଟ୍ରୋକ୍। ଏଥିସହ ବିରୋଧୀଙ୍କ ପୋଲ ଖୋଲି କରିଛନ୍ତି ପ୍ରହାର। ଏବେ ଦେଖିବାକୁ ବାକି ରହିଲା ବିରୋଧୀ କିପରି କରୁଛନ୍ତି ଏହାର କାଉଣ୍ଟର।
Grateful to the people of Bihar for the warm welcome. Here are glimpses from the programme in Motihari…. pic.twitter.com/9azvHN1AZu
— Narendra Modi (@narendramodi) July 18, 2025